حاول تنظف اطراف الفيشة بتاعتك كويس وتشوف حل لتثبيتها جيداً ولو بضبل فيس
عرض للطباعة
حاول تنظف اطراف الفيشة بتاعتك كويس وتشوف حل لتثبيتها جيداً ولو بضبل فيس
بص ياباشا
فيه طريقتين
اول حاجة تعدي السلكين بتوع الفيشة من الغطاء بأنك تخرمة من الوسط و ده حل سيء لانك لما تيجي تغير الفانوس هتحتاج تغير الغطاء بس مش هتعرف لانك هتضطر تفك الفيشة
او انك تفتح فتحة في الفانوس من تحت الغطاء اللي بيقفلة علي قد الفيشة و يبقي انت كده ريحت نفسك و ده اللي انا عملته
و خلي قلبك يطاوعك ياعم انت مش هتقص حاجة خالص انت هتاخد وصلة فقط و تسيب الفيشة راكبة و مش هتلغيها
طارق باشا - المشكلة مش فى تثبيت الفيشة - المشكلة انها سايحة من جوه بنسبة 10% وده بيخليها ثابته جدا خارجيا - لكن داخليا بتبقى سايبه :(
والله انا قررت انى اخرم غطاء الفانوس واركب فيشه صغيرة ثلاثيه من جوه - بحيث انى اقدر أفك الغطاء والفيشه وتفضل موجودة كجزء من الضفيرة - يا مسهل
ارفع صورة ليها من الداخل وان شاء الله اقولك علي الحل السليم
المشكلة بسيطة ياباشا وحلها سهل إن شاء الله..
بص ياباشا انا كان عندي نفس المشكلة اللي عندك دي وكانت مجنناني ومكنتش عارف العيب..لحد ما عرفته.
بص هتلغي الفيشة دي خالص الخاريجة والداخليه بس هتسيبهم مكانهم عادي لو عايز.
تاني حاجة هتاخد 3 اسلاك للمبة مباشرةَ واحد أرضي من جسم العربية واتنين من الكتاوت على طول,
وهتخرم في الغطا بالشنيور 3 أخرام صغيره (1 أو 2 ميللي) وتعديهم من برا الغطا وتدخلهم جوا,
وهات بقى فيشة سيراميك من أم 5 جنيه دي ووصلها بالــ 3 أسلاك اللي عملتهم وغطيهم بشريط لحام, او ممكن تلغي الفيشة خالص وتعمل كيليبسات نحاس زي ما انا عامل عندي.
وبس يا معلم بعد ما تعمل الكلام ده كل انسى بقى مشكلة النور دي للأبد, أنا عن نفسي عامل كده ومريح دماغي,
وعلى فكرة دي كمان هتفرق معاك في قوة الإضاءة لإنك هتاخد أرضي من جسم العربية مباشرة مش من الفيشة.
ولو عايز صور أنزلك.
وأي استفسار أنا موجود.
ومعلش يا خالد باشا - ايه الفيشة السيراميك ديه؟؟؟؟؟؟؟؟؟؟؟؟؟؟؟؟
خلي بالك مش هيبقوا ثلاث اسلاك فقط هيبقي اربع اسلاك لانك نسيت لمبة السهاري ودا الي انا عامله في عربيتي منذ تركيب الكتاوت ولمض الفليبس رالي
الفيشة السيراميك هي فيشة لمبة h4 بتتباع مصنوعة من خامة السيراميك علشان تستحمل درجة حرارة اللمبات العالية ومتسحش زي الفيش البلاستك الاصلية الي بتجي في الفانوس من الداخل