ثانى مشكله حصلتلى فى اللانوس الزيرو
السلام عليكم ورحمة الله وبركاته
انا معايا لانوس 2012 وكانت اول مشاكلها انى غيرت تيل امامى فى التوكيل ب 160 جنيه فى صيانة ال 10 الاف وكانت العربيه عامله 11500 كيلو..
تانى مشكله ظهرتلى دلوقتى ان احيانا وانا دايس دبرياج (مطب او زحمه او عشان اوقف العربيه فى الزحمه) بلاقى عداد الـ ار بى ام مش بينزل للوضع الطبيعى (تحت الواحد بشويه)
بلاقيه عند الواحد ونص او قبل الاتنين بشويه وصوت الموتور بيكون عالى طبعا عن الوضع الطبيعى
واحيانا الاقى العربيه بتنفخ كده والعداد يطلع وينزل مابين الواحد ونص والواحد وطبعا صوت الموتور يعلى ويوطى مع العداد
روحت امبارح للميكانيكى بتاعى (وهو المفروض انه فاهم) قالى هاتى علبة سبراي انجكشن وغسل دورة الانجكشن وحساس البنزين اللى بيركب فى الموتور .. جربت لقيت الوضع احسن
روحت مشوار بالعربيه بس اتفاجأت ان المشكله رجعت تانى (بس اتحسنت شويه) ولكن طبعا الموضوع مزعج لانه ممكن يكون بيسبب زياده فى استهلاك البنزين
حد عنده حل للمشكله دى ؟
مستنى الرد من اهل الخبره وشكرا للمساعده