كلامك جميل بس انا هعلق على نقطه الدكاتره الى تخصنا
انا اخر حاجه كنت امبارح ماسك استقبال المستشفى الى انا فيها لاول مره جالى طفل عنده التهاب فى الحنجره و طبعا عنده لوز وسخن و حالته بالبلا جايلى الساعه 7 الصبح شفته
يا ممرضه هانم عندك كذا لا
طب عندك كذا لا
طب عندك كذا لا
اقوم افتكر انا انه فيه فى العنايه نوع موجود احد المرضى الى محجوزين شاريه طلعت جبتها من فوق و اديتها للطقل وكتبتله العلاج طبعا يجيبه من بره المستشفى
يا باشا وزاره الصحه بلا اى امكانيااااااااااااات
مفيش اى امكانيات و الادويه الى بياخدها المرضى فى الداخلى مجانا مايه ولا بتعمل اى حاجه
لا تحاليل ولا قساطر ولا اى حاجه ابسط الامكانيات غير موجوده
وييجى الدكاتره تعمل اضراب عشان يرفعوا الميزانيه ويحسنوا الاجور اسوه بالقضاه و الظباط و المضيفين و بافى الناس فى الدوله يقولك انتم كفره خلاص خلوا الناس الغلابه تموت فى المستشفيات ما انتم مش حاسين بحاجه
تخيل لما تقول لمريض اعمل التحليل ده بره عشان نشخص حالتك مع انه محتاج كميه تحاليل مش تحليل واحد يقولك انا ساكن مش عارف بكام وما معاييش ومش عامل حاجه
انا طبيب اقسملك بالله مرتبى 336 او 337 مش متذكر اوى المهم 300 حاجه وتلاتين وحوافز حوالى 400 جنيه
لسه من كام يوم قابض مرتب شهر 8 و مرتب شهر 9 لما ربنا يفرجها
و فلوس النباتشيات كل 3 او 4 شهور لما ربنا يفرجها
انا بقعد نباتشيه 24 ساعه من غير اكل ولا شرب تخيل كبايه المايه مش بلاقيها فى المستشفى والله العظيم ما بلاقيها و سكن غير ادمى
ومش اانا لوحدى الى كده كل المستشفيات فى مصر كده
الصحه فيها اعلى فساد حصل فى تاريخ مصر
كفايه مش عايز اصدعكم
المفضلات