سؤال عن الفتيس ستيبترونيك في السيراتو 2012

**woof** · 29-09-2012 04:13 PM

السلام عليكم ورحمة الله وبركاته

كان عندي استفسار بسيط

هو علشان احول من اتوماتيك لمانيوال والعكس لازم اوقف العربية
واحولها ولا ممكن والعربية ماشية احول من ده او ده عادي ؟؟؟

وايه الاخطاء اللي مش اعملها وانا ماشي على المانيوال مثلا او وانا بتعامل مع الفتيس عامة ؟؟

**superb** · 29-09-2012 04:25 PM

اولا عادى جدا و انت ماشى تنقل الفتيس استبترونك ( عادى ) و ترجع تانى لل d .. بس اهم حاجه متعملش كدا على عدد لفات عالى للمتور .. و ربنا يباركلك انشاء الله متقلقش :)

**MohammedAladel** · 29-09-2012 05:16 PM

عادى جدا وملهاش علاقة بالآربى إم

لأن بكل بساطة العربية يعنى مثلا إنت دلوقتى ماشى على 80 ونقلت على الستبترنيك وإنت دايس بنزين عادى خالص ورجعت تانى لل dبرصه عادى خالص كل دا وإنت دايس بنزين

خليك رفعت رجلك من على دواسة البنزين وإنت على الستبترونيك العربية هتهدى سرعتها وهتبدى تنزل غيار

يعنى فى كلا الحالتين عادى مفيهاش خطورة نهائى

هو الفكرة فى إنك لو ماشى على نظام الأوتو على الغيار الرابع مثلا ونقلت على الاستبترونيك بينقل على الرابع برضه و

إنت أغلب استخدامك للستبترونيك إنك بتزق عصا الفتيس لقدام بتزقها ورا فى حالة واحدة بس كيك داون فقط غير كدا لو إنت قصادك مطب مثلا وماشى على وضع المانيوال

مترجعش غيارات سيب بنزين ودوس فرامل العربية هتنزل غيارات لوحدها وهترجع للغيار الأول لوحدها وتبدى إنت بعد ما تعدى المطب تزق الفتيس لقدام عشان تنقل من ع الأول للتانى وهكذا

حاجة تانية وإنت بتدى الغيار فى نظام المانيوال ما تسيبش رجلك من على دواسة البنزين هو مش زى العربية المانيوال

هو ما إلا وغير بيخليك تختار النقلة اللى تمشى عليها العربية مش اكتر

**woof** · 29-09-2012 07:11 PM

شكرا superb للافادة وميرسي كتييير لاهتمامك

شكرا MohammedAladel للشرح الوافي بجد واهتمامك شكرا كتير اووووي على الافادة

افدتوني وطمنتوني الحمد لله ربنا يبارك لكم يارب