صوت تزييق فى نيسان صنى الجديدة

**ahmedadelfarid** · 29-09-2012 05:11 PM

السلام عليكم
الحمد لله استلمنا صنى الجديدة امبارح من اوتو ايجيبت بعد انتظار شهرين و نص!!!
لاحظت مشكلة ان فيه صوت تزييق قوى لما بلف الدريكسيون على الاخر يمين او شمال!

هل ده طبيعى؟ و لو مش طبيعى اعمل ايه علما بانى لسة هستلم ورق العربية بكرة ان شاء الله

جزاكم الله خيرا

**saint2011** · 29-09-2012 05:17 PM

يا سيدى الفاضل أولا مبروك عليك وربنا يديك خيرها ويكفيك شرها وثانيا حضرتك مستلم أمبارح وبتشتكى أنهارده يعنى كنت مستنى تستلم عشان تشتكى ههههههههه
على فكرة متقلقش ده طبيعى جدا وفى الفترة الأولى تجنب كسر الدركسيون أقصى الشمال او اليمين للأخر عشان العربية لسه جديدة وفى التليين بعد كده كله هيبقى تمام ومبروك مرة تانية

**limo81** · 29-09-2012 07:34 PM

ألف مبروك وربنا يباركلك فيها

**the_air_devil** · 29-09-2012 07:54 PM

ألف مليون مبروك ربنا يباركلك فيها ويرزقك خيرها ويكفيك شرها ويحفظك ويحفظها من شر الناس وشرور الطريق....التزييق لو عالي يبقى أمر مش طبيعي, لكن لو تزييق بسيط يبقى المفروض يكون شئ مؤقت يزول مع الحركة, أما عن كسر الدركسيون فياريت ماتكسرش الدركسيون على الآخر أكتر من 10 ثواني سواءً خلال فترة قبل الـ 1000 كيلو الأولى أو بعد كدة للحفاظ على الباور, بالرغم من ان باور الصني الجديدة كهرباء مش دورة زيت, لكن خلينا نشوف رأي الصقور المحترفين هنا لو كان عندهم إضافة