مبروك يا باشا وربنا يباركلك فيها ويرزقك خيرها ويكفيك شرها
عرض للطباعة
مبروك يا باشا وربنا يباركلك فيها ويرزقك خيرها ويكفيك شرها
مبروووووووووووووووووووووو وووك يا باشا ربنا يباركلك فيها
مليووون مبروووك لحضرتك وربنا يباركلك فيها ان شاء الله ويكفيك شرها
الأخوة الأعزاء
متشكر جدا على زوقكم و ربنا يكرمكم جميعا
النهاردة كان يوم الترخيص فى مرور السلام
مش هاقدر اوصفلكم كم العشوائية و عدم النظام و عدم الإهتمام بخدمة المواطنين " اللى هو دورهم أساسا.
مفيش حاجة بتمشى من غير من ما تدفع الشاى من اول فنى الفحص للمهندس لموظف الشباك للموظف اللى هايعتم فاتورة الشراء
و طبعا الجو ده بيكتر فيه اللى بيعرضوا خدماتهم و معظمهم نصابين و ناس كتير حذرتنى من التعامل معاهم و أشكالهم بصراحة سوابق....وكل ه داخل مبنى المرور مش بره المبنى........... يعنى عينى عينك و كله مستفيد.
بجد لازم تطهير ..لأ إزالة من الوجود لأشكال الموظفين اللى عايشين على الرشوة و الشاى و خلافه
المهم
و بعد ما خلصت كل الإجراءات و الطوابير من الساعه 9:30 صباحا لحد الساعة 12:00 الظهر
ساعتين إنتظار على الرخصة ما تتطلع و تستلم اللوحات و خرجت من المرور الساعه 2:15 وأنا بنطق الشهادتين إنى خلصت
الحمد لله
مبروك على الترخيص والعربية وربنا يباركلك فيها ويديك خيرها ويكفيك شرهـــــــا يارب ..
اهم حاجة تكون اتعودت على ابعــــــــادها ..
وبالنسبة لشاى والبيتى فور والافلام اللى بتحصل فى المرور وعينى عينك مالناش غير نقول حسبى الله ونعم الوكيل نفر نفر !!
وربنا يهديهم ويهدينا ..
مبروك الترخيص و انا زى حضرتك هرخص بكرة ان شاء الله
حضرتك رخصت كام سنة و بكام ؟؟
الاجمالى كام ؟
أولا الله يبارك فيك و يباركلك
وربنا يعطيك خيرها و يكفيك شرها
بالنسبة لمصاريف الترخيص
انا رخصت 3 سنوات
اول خطوة تدخل على كشك التصوير وتشترى ملف فاضى و بيان صرف لوحات صورتين و بيان ضريبة صورتين و تصور البطاقة برضه صورتين.
ثانيا : تشترى النماذج من الشباك الخاص بالنماذج ... و دول تقريبا ب 50 جنيه
ثالثا : تروح كشك التامين الإجبارى و تأمن ( 3 سنوات ب 318 جنيه)
رابعا : تروح تشترى الطفاية و يدقلك عليها الأرقام و يختملك نموذج فحص الطفاية.
خامسا : تدخل على الفحص علشان ياخد بصمة الموتور و الشاسية (طبعا لازم ترش على الفنى و المهندس).
سادسا : تروح تقف على شباك تقديم الملفات و ما تنساش الشاى جوه الملف... الموظف هايديك ورقة بقيمة الضريبة تروح تدفعها فى الخزنة ( 3 سنوات ب 812 جنيه). و كمان هايقوللك على البيات المطلوب تكميلها و خلافه.
سابعا : بعد الملف ما يبقى تمام....تروح تنتظر الرخصه و بعد ما تستلمها تروح على شباك صرف اللوحات و تستلم اللوحات
و ألف مبروك على النمر الجديدة و ربنا يحفظهالك من المخالفات :vctry:
الف مبروك عليك
بس حضرتك جبتها على كام ومنين .. يعنى خلاصة تجربتك فى الشراء