مبرزك يا باشا
مبرزك يا باشا
الف مبروك ياباشا ورنا يباركلك فيه بس المفروض بجد الموضوع ده يثبت لانه اكتر حاجه فى الاوبل مزعجه
مبروك ومجهود كبير
باشا استاذنك في عنوان الراجل الشتريت من عنده الثلاجة الورا سوق القنال والراجل الركبتها عنده في مدينة نصر عشان انا بصراحه كرهت العربية دي بسبب موضوع التكييف ده وانا اسف لو كنت هاخد منك المعلومات علي الجاهز بعد مطلع عنيك في ام التكييف
مش مليجي ده الفي الحرفين العنده عين تعبانه الي في محل العايدي
مهما اتكلم مش هديك حقك ...... ربنا يجازيك كل خير علشان انا عارف يعنى ايه معاناة مع الصنايعية و خصوصا قلة الاخلاق اللى عند الناس (لا حول ولا قوة الا بالله ) مجهود خرافى جبار ,,,, و بعد ده ترجع و تكتبلنا تقرير جميل فعلا كنت مستمتع بكل حرف قريته و عيشتنى معاك فى الموقف (: ............... الف مبروك على التكييف
الله يبارك فيك ... اللى انا غيرتو , بيبقى جنب الكباس فى السير اللى راكب علية سير الدينامو . بتاعة صغير كدة . بصراحة غالى اوى علية 175 , بس اكيد بيسترزقو منو بدل متغير كباس طبعا .
التلاجة الاستيراد بتيجى بالاكسبنشن عادى ,,لو زيرو لا .
لا طبعا التلاجة القديمة طالعان عنيها طبعا ,, هى على اليمين على فكرة من الشمال ,, السودة هى اللى بايظة ..
بدام جابت زيت يبقى شكراااااااا ,,, و هى كانت متغرئة زيت و من غير مكبس باين عليها كل حاجة ..
الجهاز دة بقى حاجة جامدة اوى ماشاء الله ,, جهاز ايطالى , كبير شبة جهاز الترصيص كدة ,, مفيش غير 15 واحد فى مصر بس عندهم الجهاز دة .. صاحبو قالى انى بعت الجولف 4 بتاعتى عشان اجيبو ,,هو سعرو 50 الف تقريبا .
الجهاز بيعمل كل حاجة لواحدة .. بعد منت تتاكد ان الدورة سليمة و مفيهاش تسريب ..بيركبو و بيظبطو على نوع العربية , تلاقية طلع كل الداتا , بتاخد كام لتر فيريون و النوع ,ووو حاجات كتير ..
ويشغل و يسيبو 30 دقيقة ,, بيعمل فيهم اربع مراحل ..
1- فاكيوم كاااااااااامل للدورة ..
2- كبس الدورة بالكامل و دى اهممممممم خطوة و كنت بموت جانبة , لانو بياخد فيها بتاع ربع ساعة تقريبا و الشاشة عمالة تطلع داتا مع نفسها و حاجات بتنور . واول مالنور البرتقالى ينور كدة تمااااااااام , يبقى الدور زى الفل
3- النور نور الحمد لله ,, قام ضاخخ زيت فى الدورة كلها و مررهها على الدورة ( فى 10 ثوانى)
4- ضخ الفريبون فى 3 ثوانى فقط بكمية 900 جم ! ..
و شكراااااا ,,, و فى الاخر 200 جنية بس ,, اة اكتر بتاع 50 جنية عن برة ,, بس صباح التكنولوجيا و الانجاز بجد , الراجل التاى كان هيقد مش اقل من ساعة عشان ينظف الدورة بجاز و يقلب انبوبة الفريون و حوارات كدة .
الله يبارك فية
اقولك انا التلاجة كدة ازاى .. بسبب الجو الجميل بتاع مصر ... رطوبة + تراب + عفرة + ندى . + حر + كل حاااااااااااااااااااااااا اااجة . فطبعا الحاجات دى بتخليها يجيلها برومة و بالسلامة
عشان كدة لما بتجيب المستورد مش بتلافى فية الهوا , عشان الجو بتاعهم نظيف .
مهو دة فى الرغى الكتير اللى محبتش اكتبو ,, عشان كل الدول اللى بتعمل التلاجات فى اسيا ,,زى بعض
يعنى الصين زى سنغافورا زى كوريا زى اى حاجة ,, افرق فى البروفيت اللى حاطو صاحب المحل . انما كلو نفس السعر و الخامة ,,
تكيف الاوبل اصلا كورى مش المانى .. لما طلعتو قيتو كدة , يظهر الالمان شايفين الحاجات دى تفاهات