عرض للطباعة
السلام عليكم
الاول اسف لو كان الموضوع عبيط وملوش لازمة ، ثانياً بقى اكيد فيه ناس سمعت عن محل ( بابيك ) بتاع وسط البلد هو خاص بصيانة الولاعات وبيع التبغ والسيجار انا بقى سؤالى هل فيه حد تانى فى مستوى بابيك بيملى ولاعات او بيعمل صيانة ليهم وعنده قطع غيار يكون قريب من المهندسين او وسط البلد ؟
ايه يا جماعة محدش يعرف محل بيملى ولاعات يكون محترم زى بابيك كده .؟
هيا بقت صنعه نادرة شوية. الي هما بيصلحوا ولعات انا برضوا دوخت السبع دوخات وفين وفين لمن لقيت واحد اسمو عزت بس بسته اكتوبر بيملى ويصلح ولعات .... بس هو صحيح ايه الي حصل لمحل بابيك ماقلتليش
نحن لا نزرع الشوك .. سوري . " نحن لا نستخدم الولاعات "
مالو الكبريت :tumb:
فيه محل أعرفه فى المهندسين فى شارع البطل أحمد عبد العزيز والأقرب لك من ناحية شارع جامعة الدول حتلاقيه على الشمال (بعد تكا وباسكن روبنز) إسمه Zippo .
الف شكر على ردك بس 6 اكتوبر بعيدة اوى عنى ، بابيك من ساعة عم محمد ما تعب ومبقاش يشتغل وهو مش مظبط الولاعة ممكن متكملش 4 ايام وتفضى وكمان الراجل اللى موجود مكانه بياخد اجازات كتير 0اقتباس:
المشاركة الأصلية كتبت بواسطة y a r i s
ياريت يبقى كويس جدااا ، طيب حضرتك تعرف اهم كويسين وعندهم خبرة ولا لاء ؟ وياريت لو ليهم رقم تليفون يبقى كتر خيرك 0اقتباس:
المشاركة الأصلية كتبت بواسطة mesaharaty
محل smoking اللى فى شارع سوريا بعد تقاطع شهاب امام مول بلاتينيوم بيبع وكيد عنده ملء ولاعات
وسط البلد:عندك الممر اللى قدام بابيك خلف الامريكين بيبيعوا واكيد بيملوا
ومحل فوزى برده ممكن تلاقى عنده
للاسف الممر اللى خلف الامريكين ملهمش غير فى الولاعات اللى مش ماركة ، وممكن يحطو الغاز المصرى وده ممكن يقضى على الولاعاه ، كده يبقى اتنين زيبو وسموكنج ، ربنا يسهل ونلاقى حاجة تانى0
في واحد بس هو مش محل هو فرشة بس هو راجل صاحب صنعة من اكتر من 30 سنة
مش بامن لحد غيرة حتي الطقم ال Zippo الدهب بتاعي
عندة جميع قطع الغيار و انواع الغاز سواء المصري او المستورد
مكانة في شارع شبرا علي ناصية بنزينة موبيل جنب شارع الورشة
بس تعلالة بليل عشان الصبح ساعات بيبقي اخوه الي موجود و هو كويس برضة بس بتاع بليل احسن
الف شكر يا جماعة على ردودكم ،