عايز ارائكم و خبرتكم فى تركيب ساوند سيستم

**ahmedg0g0** · 30-09-2012 03:15 AM

بسم الله الرحمن الرحيم

كنت عايز اركب ساوند سيستم كامل و نضيف بس من غير بازوكا و جى ام و الشغل ده انا سمعت اصوات فاجرة كتيير و من غير الكلاام ده الكاسيت بايونير و السمعات ورا بيونير و تقيربا بردو فى ناس بتركب كينود. . هو انا خبرتى على قدى كده فا قولت اسمع رأى المتخصصين. . انا عايز الوحوش يقولولى اجيب ايه و ايه احسن حاجة تركب و بكام و منين. . يعنى عايز تقرير كامل انا عارف انى هتقل عليكم. بس ده عشم و الله و غير كده اكيد عايز استفيد ب الخبرة. . اه حاجة كده كنت بسمع ان السمعات فى الباب تركب سونى صح الكلاام ده. و اشمعنى ؟؟؟

**Loay94** · 30-09-2012 10:19 AM

ميزانيتك يا معلم و لو عايز تسمع صوت صح يبقى لازم جى ام لو عايز بيز لو عايز صوت نقى يبقى سماعتين او اربعة ورا على حسب ميزانيتك و اتنين قدام فى البيبان فا قولنا ميزانيتك

**ahmedg0g0** · 30-09-2012 11:27 AM

يا باشا هو انا عامل ميزانيه. 1500 و ممكن ادخل فى تزيد شوية 2000 ده اخرى. بس حوار جى ام ده مش عارف. . انا سمعت قبل كده عدة صوتها مشاء الله و من غير جى ام و لا باوازيك كان مركب ورا 2بايونير دبل بيز بس و قدام سونى فى البيبان

**Loay94** · 30-09-2012 05:12 PM

اولا مفيش حاجة اسمها بايونير دبل بيز
انت حتسمع صوت حلو بس حتبقى ظالم السماعات لانك مهما ركبت من كاسيتات مش حتدى السماعات قوتها لازم جى ام وانت ميزانيتك مش وحشة و كمان انت حتخلى الكاست يقوم الاربع سماعات يعنى حتظلم السماعات اكتر عامة
لو مش عايز جى ام هات
هات سونى gt700 ب 710 من
سماعات jbl gto938 300 وات ب270
او سماعات انفنتى 300 وات 450 جنيه
سماعتين ادام سونى سماعتين قدام xs-gt1627 وات190 40 rms ب120
المجموع 1100 جنيه

تجميعة بايونيير
كاسيت بايونير 5350 820 جنيه
سماعتين بايونيير 400 270 جنيه
او سماعتين بايونيير 500 ب300
و قدام بردو السماعة السونى المدورة 120 جنيه
1210جنيه ب السماعات ال400
1240جنيه بالسماعات ال500