الموضوع: ماهو أصعب احساس من وجهة نظرك ؟

اغبي احساس هو الندم علي قرار اخدته بتسرع

يعني حتي الان انا شاري شقه من سنه وانا عارف من قبلها ان الأسعار في العماره مش عاليه ومع ذلك سبحان الله لقيت نفسي اشتريت شقه في الدور التامن بتمن شقه في الدور الأول + 20 الف تقولي ازاي معرفش وازاي اشترتها من غير ماافكر ان لو دي سعرها كده طيب اللي في الدور الأول هيبقي سعرها كام وهل ده سعر معقول ولا لآ
زي ماكون كنت مسحور الراجل لبسني واخد فلوسه ودلوقتي بقوله بفكر ابيع بيقولي لا مش هتجيبلك حاجه وهتخسر اصل المباني كترت كنت ه%^&*) قوله كلام وحش ليه هو انا شاري من سنين ده يادوب من اقل من سنه ومفيش حاجه ذادت او قلت بس تقول ايه بقي

احساس غبي برده هو احساس انك بتدي ومش بتاخد وتكون بتتعامل مع حد بياخد بس وعايزك تدي علي طول وميبقاش في تقدير

اعتقد الخيانة اصعب احساس خصوصاا لو من حد قريب منك اوي

المشاركة الأصلية كتبت بواسطة y a r i s

الف مبروك ياشداد ياخويا على الشقه الجديدة
وبالعكس اوعه تندم الدور التامن. هوى نقي وبعيد عن دوشة وغبار وعفار وازعاج الشارع كفاية انك بس تطلع كده من البلكونة. وتبقى كاشف الدنيا بحالها ومحدش كاشفك وتفتح الشبابيك تجيلك نسمة هوى مفلترة. ده غير مش هتلاقي دبان او نموس جنحاتها شايلاها تطلع لحد فوق في التامن هيا بس وحشتها لمن الاصانصير يتعطل بس متندمش ويارب تكون وش السعد عليك قادر ياكريم

هههههههههههه هو بصراحه حلوه في موضوع الهواء بس من جميع الأتجاهات جيران غلسه متعودين يقعدو في الشبابيك والبلكونات عريانين واشكال مش ظريفه والشقه مفيهاش عفش وفرش كتيير فبضطر اقفل الشبابيك معظم الوقت ده غيرا ن مفيش عماره مضلله عليها بالشمس بتفضل تخبط فيها طول النهار

يكفي ان اقولك بدخل الحمام والله العظيم بحس ان في حد مولع نار جنب الجدار وبيبقي فيه صهد طالع من الجدار وسخن مولع يعني بشحن حر طول النهار وتطلعه عليا بالليل

الظلم لما يقع عليك انا شايفه مش اوحش احساس لان علي الأقل هيبقي عندك حاجه تقتص بيها من حد يوم القيامه يعني وديعة حسنات متشالك