بسم الله الرحمن الرحيم

انا شاب 22 سنة من القاهرة طالب جامعى اخر سنة
بدور بقالى فترة على عربية كويسة تكون حالتها كويسة يعنى اروح بيها الشغل و امتحانات الجامعة يعنى مشواير داخل البلد وكل اللى معايا 19000 على بعض وان شاء الله هاتبقى اول عربية ليا وهاتعقد معايا فترة

شوفت اعلان عربية بيجو 309 موديل 87 معروضة على 18000
ودى مواصفاتها زى ما صاحبها كاتب ومحتاج رايكم يا اهل الخبرة جزاكم الله خيرا

بيجو 309 فرنساوى حالة – بها موتور (بيجو 405 1600 سى سى ) استيراد من حوالى 7 شهور حالة ممتازة – السيارة موديل 87 و الموتور موديل 97 – لون بترولى ميتاليك – رخصة 4 شهور انتهاء ديسمبر 2012- فابريكة دواخل – جنوط سبور – كاوتش تيوبلس – زجاج كهربا امامى – هاف باور – شاشة dvd – طاقم صوت سونى اصلى – اضاءة زرقاءled للتابلوه والصالون – فرش الفابريكة بتاع بلادها – ماستر فرامل وتيل فرامل جداد – لا تحتاج اى مصروف نهائى – وقطع غيارها متوافرة فى كل مكان وبأقل الاسعار ومعايا بعض الكروت الشخصية للمحلات التى توجد عندها قطع الغيار وجميعها بالقاهرة – الصور والمعاينة خير دليل – البيع لظروف السفر …. السيارة مرور العجوزة وانا شاريها من مالكها المباشر
ملاحظات هامة ((غير موجودة بالصور)) : العيوب الموجودة بالسيارة (( شاشة الدى فى دى للاسف ساحت من الشمس بسبب ركنة السيارة فى الشمس – توجد بعض الخدوش البسيطة فى جسم السيارة الغير مؤثرة على الشكل العام بالمرة – زجاج فانوس الاشارة الشمال مكسور لكن الاشارة شغالة عادى بدون مشاكل – توجد بعض الكسور البسيطة فى تابلوه السيارة – توجد 2 دلاية فقط للكاوتش اتنين وقعوا منى للاسف)) غير كده الحمد لله كله تمام وكل الحاجات دى بسيطة .




ايه رايكم فى حالة العربية وهل مناسبة للسعر اللى عارض بيه؟
مشكور مقدما اخوتى الكرام