كم جمرك سيارة كهربائية فى مصر ؟

**MaNoLa** · 30-09-2012 07:24 AM

سمعت أن فيه دول بتعمل خصم للسيارات الكهربائية على الأقل تشجيعا على الطاقة النظيفة

و شوفت من كام يوم عربيه كهربائية و كانت 600 سى سى بالتأكيد هيا ضعيفة جدا
لكن تجربة مثيرة و تستحق المجازفة أسمها (((برايفت)))
سعرها حوالى 18 ألف جنيه مصرى

و فيه منها 800 سى سى و 1300 سى سى بس مش عارفة سعرهم بالظبط

مكتوب تتـوفـر لدينا في المنطقة الحـره للشحن الى مصر مش فاهمه الكلمة دى يعنى اية غير أنها ممكن تتشحن مصر
بس مكتوب الشحن و الجمارك على المشترى

طيب بالسعر دة و بالسى سى القليل دة و دى كهربائية يا ترى بقى
الشحن + الجمارك هيخلوها سعرها كام و ليه ؟

**khaled sabry** · 30-09-2012 10:32 AM

اللى اعرفه ان عيب العربيات الكهرباء بصفه عامه هو شحنها (يعنى زى تفويل العربيه بالنزين كده)
بتفضل تتشحن مده 6 ساعات تقريبا --- يعنى من الاخر كده حراااااااااام
و علشان كده العربيات دى مش منتشره غير فى ملاعب الجولف :)

**MaNoLa** · 30-09-2012 05:12 PM

المشاركة الأصلية كتبت بواسطة khaled sabry

اللى اعرفه ان عيب العربيات الكهرباء بصفه عامه هو شحنها (يعنى زى تفويل العربيه بالنزين كده)
بتفضل تتشحن مده 6 ساعات تقريبا --- يعنى من الاخر كده حراااااااااام
و علشان كده العربيات دى مش منتشره غير فى ملاعب الجولف :)

على ماأظن معلومتك غلط فى التعميم على كل أنواع السيارات ممكن تكون سيارات ضعيفة
لأن فيه سيارات محترمة جدا هايبرد و بتتشحن بالكهربا
كيا أوبتيما - هيونداى سوناتا - هوندا أكورد - هوندا سيفيك - تويوتا كامرى
و أنواع كتيرة جدا جدا جدا
يبقى أزاى الماركات العالميه دى طبعا أنا مش بقارنها بالبرايفت إلى عاملة زى الصينى
لكن أنا بتكلم على طريقة التعميم

**ehabomar1987** · 30-09-2012 05:30 PM

متابع

**mohamed_selim** · 30-09-2012 05:36 PM

مش متاكد بس هتتعامل على انها 600 سي سي مفيش حاجه مخصوص فى الجمارك للعربيات الكهربا

**gabbbr** · 30-09-2012 05:45 PM

السلام عليكم
انا بس عايز اقول حاجة بسيطة السيارة بالكهرباء لا يقاس موتورها بالسى سى لانه يعنى السعة اللتريه يعنى و حدة لقياس السوائل و الغازات مثل البنزين و الغاز مش الكهرباء و التى يقاس موتورها بالوات و الله اعلم

**mohamed_selim** · 30-09-2012 05:52 PM

هو انا فهمت انها هايبرد بموتور 600 سي سي + كهربا و دى غالبا هتتعامل بقواعد جمرك العربيات العادى ملهمش دعوه بجزء الكهربا

**gabbbr** · 01-10-2012 01:37 AM

انا قرأت اعلان السيارة و لم الاحظ انها هايبرد فقط تعمل بالكهرباء كما فهمت و هو منطقى مع سعرها لان الهايبرد على ما افهم تحتوى على موتورين احدهم يعمل بالبنزين و الاخر بالكهرباءاو على الاقل موتور واحد يعمل بالكهرباء و مولد كهربائى يعمل بالوقود ( البنزين او السولار ) لتشغيل الموتور الكهربائى و ذلك ليس رخيصا ايضا !!!!
يعنى لو صور السيارة المتوفرة ظاهر بها شكمان ممكن تكون هايبرد و الله اعلم