تنبيهة بخصوص سائل تبريد سيارات نيسان

كيف حال الصقور؟
يا رب يكون الجميع بخير و سلامه
اثناء صيانة ال 40 الف أحضرت مياة تبريد total حمراء صناعة فرنسى بتركيز -33 كونت شايف أنها أفضل نوع فى السوق لتغيير مياة دورة التبريد بها
بعد ما تم وضع المياة فى العربية المهندس أتصل بية و نزلت أشوف العربية و قالى أننا هنزل المياة ده لأنها لا تصلح للعربية و تصلح للسيارة تويوتا و أن نيسان بتحذر و بترفض أنها تحط أى سائل تبريد فى سيارتها غير المياة الخضراء فقط
أنا حسب معلوماتى أن خواص المياة بتكون واحدة و اللون بس هو اللى بيختلف بس المهندس قالى أن كل لون بيكون خاص بأنواع معينة من السيارت مثلآ نيسان مياة خضراء و تويوتا مياة حمراء و هكذا لأن الخواص بتختلف من سيارة الى أخرى
فحبيت ألفت نظر الأعضاء للموضوع دة علشان لو حد أحضر معه سائل تبريد من خارج التوكيل يحرص أنة يكون سائل أخضر
تحياتى للجميع

تسلم على المعلومة القيمة للغاية دي ... انا فعلاً جايب زجاجة مية خضرا حاططها في الشنطة ورا للطوارئ...وساعات الاقي ناس شاريين الحمرا أو الزرقا من غير مايعرفوا هي مناسبة ليهم ولا لأ


ربنا يباركلك ويجزيك كل خير

اللون فى المياه ليس له تاثير وانما هو لتبيان اماكن التسرب عند حدوثه ولكن الإختلاف بيبقى فى المكونات من ماركه لماره مياه وكذلك المكونات اكيماويه ودرجه التركيز وطبعا الجوده .

حضرتك أوتو ايجيبت حطولي مية حمرا من اسبوعين لما غيرت الرادياتير بعد الحادثة.
هل كده خطر؟؟؟

اختلاف المياة بيكون حسب خامة الردياتير
نحاس او حديد

تسلم على المعلومه اول مره اعرفها

توكيل اوتوايجيبت حط في صيانة 40000 كيلو

- مياه الريدياتير توتال 6 لتر = 77جنيه

http://img706.imageshack.us/img706/8974/dsc01138ea.jpg

شكرا عالافادة ..

لكن حابب اوضح حاجة ان كافة السوائل والزيوت غير ثابتة او موحدة فى كافة مراكز خدمة نيسان ..
بمعنى ان المصنع ونيسان بتنصح بحاجة وكل مركز بيحط نوع معين حسب الاتفاقات ..
والاصح هو الالتزام بالمواصفات فى اى سائل وليس اللون فحسب الا اذا كان اللون دليل فعلا على مواصفات بعينها

وللمعلومية السبع - المعادى كل منتجاته من شل ومياه الرادياتير لونها أخضر (غيرتها فى صيانة ال40.000 كم) بتكلفة 50 ج
لكن اوتوايجيبت بتحط كافة منتجات توتال ومياه الرادياتير لونها أحمر ..

بصراحة يا جماعة انا ماكنتش مقتنع بالكلام و كونت جايب معايا فعلآ total الأحمر لأنى شايفة أفضل سائل تبريد فى السوق و علشان أكون متأكد من تاريخ الأنتاج لان مياة التبريد بتقعد 40 ألف كيلو فى العربية
بس المهندس بعد ما الفنى ما وضع السائل فى العربية أتصل بية و بلغنى أن السائل دة لا يصلح للعربية و يصلح لتويوتا كان مصمم أنة يغيرة تانى بسائل أخضر لأن دة تعليمات نيسان و حفاظآ على العربية
رغم أنى مقتنع أن دة مجرد لون و المهم خواص السائل بس المهندس كان مصر أن لكل نوع من السيارات سائل معين و اللون دة علشان يميز بين أنواع السيارات
و فى الأخر نزلت التوتال تانى من العربية و أخذت سائل أخضر من عندهم
و على فكرة لما جيت أحاسب لقيت المهندس خصم سعر سائل التبريد من الحساب و وضع السائل مجانآ و أبلغنى أن دة علشان دة غلطة التوكيل و أنهم فتحوا السائل التوتال و ماينفعش يرجع تانى
بصراحة كانت حركة محترمة

اقتباس:

---

المشاركة الأصلية كتبت بواسطة night_whisper

بصراحة يا جماعة انا ماكنتش مقتنع بالكلام و كونت جايب معايا فعلآ total الأحمر لأنى شايفة أفضل سائل تبريد فى السوق و علشان أكون متأكد من تاريخ الأنتاج لان مياة التبريد بتقعد 40 ألف كيلو فى العربية
بس المهندس بعد ما الفنى ما وضع السائل فى العربية أتصل بية و بلغنى أن السائل دة لا يصلح للعربية و يصلح لتويوتا كان مصمم أنة يغيرة تانى بسائل أخضر لأن دة تعليمات نيسان و حفاظآ على العربية
رغم أنى مقتنع أن دة مجرد لون و المهم خواص السائل بس المهندس كان مصر أن لكل نوع من السيارات سائل معين و اللون دة علشان يميز بين أنواع السيارات
و فى الأخر نزلت التوتال تانى من العربية و أخذت سائل أخضر من عندهم
و على فكرة لما جيت أحاسب لقيت المهندس خصم سعر سائل التبريد من الحساب و وضع السائل مجانآ و أبلغنى أن دة علشان دة غلطة التوكيل و أنهم فتحوا السائل التوتال و ماينفعش يرجع تانى
بصراحة كانت حركة محترمة

---

ده رد تلراجل الي اخترع العربيه على مهندس التوكيل و زي ما احنا شايفين ذكر التركيز 30/70. و مقالوش على لون و لا اسم معين. و لكن قال يوصى بمياه تبريد نيسان الاصليه غير كده هات المتوافق مع النسب المذكوره

http://img268.imageshack.us/img268/4552/53875934.jpg

اقتباس:

---

المشاركة الأصلية كتبت بواسطة night_whisper

بصراحة يا جماعة انا ماكنتش مقتنع بالكلام و كونت جايب معايا فعلآ total الأحمر لأنى شايفة أفضل سائل تبريد فى السوق و علشان أكون متأكد من تاريخ الأنتاج لان مياة التبريد بتقعد 40 ألف كيلو فى العربية
بس المهندس بعد ما الفنى ما وضع السائل فى العربية أتصل بية و بلغنى أن السائل دة لا يصلح للعربية و يصلح لتويوتا كان مصمم أنة يغيرة تانى بسائل أخضر لأن دة تعليمات نيسان و حفاظآ على العربية
رغم أنى مقتنع أن دة مجرد لون و المهم خواص السائل بس المهندس كان مصر أن لكل نوع من السيارات سائل معين و اللون دة علشان يميز بين أنواع السيارات
و فى الأخر نزلت التوتال تانى من العربية و أخذت سائل أخضر من عندهم
و على فكرة لما جيت أحاسب لقيت المهندس خصم سعر سائل التبريد من الحساب و وضع السائل مجانآ و أبلغنى أن دة علشان دة غلطة التوكيل و أنهم فتحوا السائل التوتال و ماينفعش يرجع تانى
بصراحة كانت حركة محترمة

---

مهندس على الورق بس وواخد الشهاده من منازلهم ومتعين بلواسطه اكيد ..... والغريب انه بيجادل فى الغلط واكنه العالم ببواطن الامور ومع ذلك فاشل

كل التحيه لحضرتك وشكرا على التنبيه

لما أتناقشت مع المهندس و قولت له أن دة مجرد لون و المهم الخواص مش اللون و الدليل أنهم مش كاتبين على العبوات أن السائل الأحمر مثلآ لتويوتا و الأخضر للنيسان أنما مكتوب خواص السائل فقط
قالى أن دة تعليمات نيسان و هما عاملين العربية و هما أدرا بيها و أنة لما أتكلم فى الموضوع دة مع مهندس يابانى قالة أن المصريين بيحبوا الرغى
المهم ما وصلناش الى نقطة أقتناع و فى الأخر قولتة عمومآ حضرتك المهندس و أعمل اللى شايفة صح
فنزل التوتال من العربية و حط سائل أخضر من عندة
بس أنا مقتنع أن المهم الخواص مش اللون بدليل أن أوتو أيجيب بتحط توتال زى ما الأعضاء ما أوضحوا

اقتباس:

---

المشاركة الأصلية كتبت بواسطة FBIAhmed

ده رد تلراجل الي اخترع العربيه على مهندس التوكيل و زي ما احنا شايفين ذكر التركيز 30/70. و مقالوش على لون و لا اسم معين. و لكن قال يوصى بمياه تبريد نيسان الاصليه غير كده هات المتوافق مع النسب المذكوره

http://img268.imageshack.us/img268/4552/53875934.jpg

---

بجد كل مرة بتجيب المعلومة الدقيقة جداً من مصادرها الأصلية, بسم الله ماشاء الله عليك :first:

اقتباس:

---

ده رد تلراجل الي اخترع العربيه على مهندس التوكيل و زي ما احنا شايفين ذكر التركيز 30/70. و مقالوش على لون و لا اسم معين. و لكن قال يوصى بمياه تبريد نيسان الاصليه غير كده هات المتوافق مع النسب المذكوره

http://img268.imageshack.us/img268/4552/53875934.jpghttp://img219.imageshack.us/img219/9615/quote10.pnghttp://img221.imageshack.us/img221/3964/quote08.png

---

الراجل ده عنده ملفات ...ولا أمن الدوله...:)
بصراحه أحيييك وأشكرك من كل قلبى

اقتباس:

---

بجد كل مرة بتجيب المعلومة الدقيقة جداً من مصادرها الأصلية, بسم الله ماشاء الله عليك :first:

---

والله كنت مستنى زيك الدليل من user's manual

محدش رد عليا يا جماعة ..اوتو ايجيبت حطولي مية حمرا....هل كده في مشكلة ولا ارجعلهم ولا اعمل ايه؟ انا معرفش اللي كان مكتوب على الجركن ولا المواصفات؟
شكرا

طيب سؤال ... هى الميه دى ليها عمر افتراضى فى العربية ولا عدد كيلومترات
عشان عندى العربية بقى لها 3 سنين لكن كيلومترات قليلة

اقتباس:

---

المشاركة الأصلية كتبت بواسطة nightrider2012

محدش رد عليا يا جماعة ..اوتو ايجيبت حطولي مية حمرا....هل كده في مشكلة ولا ارجعلهم ولا اعمل ايه؟ انا معرفش اللي كان مكتوب على الجركن ولا المواصفات؟
شكرا

---

توتال من أفضل سوائل التبريد فى السوق و صناعة فرنسية و مصنعة طبقآ لأعلى المواصفات
رغم أنى غيرت بس مقتنع أن المهم المواصفات فرائى أنك تخلى المياة زى ما هيا و أنتظر رأى باقى الأعضاء

اقتباس:

---

المشاركة الأصلية كتبت بواسطة ali_abo_amr

طيب سؤال ... هى الميه دى ليها عمر افتراضى فى العربية ولا عدد كيلومترات
عشان عندى العربية بقى لها 3 سنين لكن كيلومترات قليلة

---

لما أشتريت توتال كانت الصلاحية 4 سنوات من تاريخ الأنتاج
و بيتم تغيير المياة كل 40 الف كيلو او عند أنتهاء تاريخ صلاحية المياة

المهم يكون مطابق للمواصفات وماركه محترمه والسوق مليان بمياه مضروبه واللون عباره عن شوية بودره ودا بيعمل كوارث وبيصدى