-
عملت الفرامل الخلفية
سلام عليكم...
اخيرا الحمد لله عملت الفرامل هلخصه فى كام نقطة
العيوب
1- صوت تصفير جامد عند الضغط على الفرامل او عدم الضغط عليها
2- صوت تصفير لما اخد اى منعطف
3- الفرامل خفيفة رغم وجود تيل جديد امامى
4- وجود اشبه بالخبطة عند الضغط على الفرامل
خطوات العلاج
1- روحت للاسطى سيد عندنا فى حلوان (متخصص فى اصلاح الفرامل والدبرياج فقط) قولتله على المشكله المهم شيك على الالطنابير المامية والتيل الامامى والحمد لله كانو كويسين
2- بص على التيل الخلفى والطنابير الخلفية ولقى فيهم مشكله
3- روحت للخراط مسييت الطنابير الخلفية (وش وظهر + وش تيل الهاند بريك) ب 30 جندى(على فكرة الفرامل ABS)
4- اشتريت تيل خلفى نوعه تركى ب 80 جندى (على فكرة اول مرة الاقى حاجة لعربيتى بسهولة)
5- عمل شيك على تيل الهاند بريك كان كويس بس عايز يتصفر ثم عمل رجلاش ليه
6- ظبط زيت الباكم وطلعت اجرب:oh:
النتائج
1- كل الاصوات راحت
2- حسيت ان العربية وانا جيبها على D بقت سريعه فى الطلوع
3- الفرامل بقت بتمسك شوية + المفروض انى هروحله تانى يخدلى هواء بس امشى عليها يومين كمان
المصاريف
30 خراطة طنابير
80 تيل خلفى
60 مصنعية
الحمد لله ..هم واتزاح :Oc_sun1[1]:
-
-
ياما نفسي ارتاح زيك كدا في موضوع الصوت ده
كان الأول عندي صفارة شديدة اوي مع أي فرامل خصوصا مع السرعة العالية او النازلة الجامدة من كوبري مثلا ، والحمد لله مع الوقت راحت
بس اللي بقى منها دلوقتي صوت صفافير صغيرة اوي وانا ماشي في الزحمة ، دا غيرة الجعرة المكتومة اللي جدت لما بهدي جامد من سرعة
-
ألف مبروك.... ربنا يبارك لك فيها.
Content Relevant URLs by
vBSEO 3.6.0 PL2