الموضوع: بالذمه ده كلام يرضي مين؟

اعتقد الناس المتضررة المفروض أنها تجمع نفسها و تعمل شكوى تطالب التوكيل انه يمد الضمان إلى خمسه سنوات اسوه بما يحدث فى الخارج و توصلوا الطلب حتى إلى مجموعه فولكس فاجن فى ألمانيا و اضعف الإيمان أنهم حتى يمدوه بمقابل و لكن العدل انه يبقى مجانا سنتين كمان و خاصه أن اللى مشترى العربيه بيبقى حاطط أيده على قلبه و العربيه فى الضمان فما بالك لما يخلص

المشاركة الأصلية كتبت بواسطة land_cruiser

اعتقد الناس المتضررة المفروض أنها تجمع نفسها و تعمل شكوى تطالب التوكيل انه يمد الضمان إلى خمسه سنوات اسوه بما يحدث فى الخارج و توصلوا الطلب حتى إلى مجموعه فولكس فاجن فى ألمانيا و اضعف الإيمان أنهم حتى يمدوه بمقابل و لكن العدل انه يبقى مجانا سنتين كمان و خاصه أن اللى مشترى العربيه بيبقى حاطط أيده على قلبه و العربيه فى الضمان فما بالك لما يخلص

ولا حاجه نفعت
الواحد طبع من النت ما يفيد بان الضمان اتعدل في امريكا و هو يقول لك ما لناش دعوه
و تيجي تراسل المانيا تقوم جايالك رساله بعد ثواني اسطمبه يعني يقول لك فيها ان مشكلتك اتحولت للوكيل اللي في بلدك!!!!!
امال انا بكلمكم ليه يا اغبياء !!!
وطبعا حماية المستهلك اتظبطت و اقنعوها ان دي تكنولوجيا جديده و طبعا اللجنه مش هتفرق بين الفتيس المعيوب و الفتيس السليم عشان العيوب بتطلع في الزحمه و تفضل تغل في روحك لحد ما تبيع و تشتري صحتك
انا بعت من سنتين بعد ما اتقسم وسطي بس الخساره ما كنتش مريعه للدرجه دي

المشاركة الأصلية كتبت بواسطة bob12345

باشا فيه 2010 كانت مغروضة ب 160 و اتباعت
و فيه 2009 ب 150 الف
قول فيه فصال ف 10 الاف
لكن 2010 ب 115 الف تبقي ال 2006 بقي 60 الف ارخص من البورا
new and used volkswagen jetta cars in egypt

حضرتك اطلب اللي انت عايزه و سعر السوق يحكم
طب محضرتك انا كنت طالب في الباسات 185 الف و بعت ب 169 الف
و الاسعار اللي انا كاتبها ده اللي اصحابها عايزنها قبل الفصال كمان
و لعلمك الجيتا 2009 اغلى من 2010 عشان ال 2009 الفتيس اوتو عادي
وبعدين سيبك من السعر اغلى او ارخص شويه مش دي المشكله
دي المصيبه العربيات بقت تقيله جدا في بيعها لدرجة ان معظم التجار ما بتاخدهاش اصلا

الكلام ده طبعا مايرضيش حد ...بس ده معتاد من توكيل هو الاسوء رغم انه يتعامل مع ماركه عالميه محترمه....الا انه يتعامل باسلوب عامل الزبون كويس جدا لحد مايشتري ...وبعدها........تحس انك بتتعامل مع توكيل تكاتك...حسبنا الله ونعم الوكيل

لا طبعا ما يرضيش حد و للا سف فعلا الشريحه السعريه دى كانت بتملاها vw . واحد زى محتار كنت ناوى على الفانتازيا - بعد استبعاد vw بسبب dsg - بس عرفت ان شكلها حيتغير السنة اللى جايه و حتنزل ب dsg برده الله يخرب بيت ال dsg على الحمار اللى اخترعه

المشاركة الأصلية كتبت بواسطة dozo

لا طبعا ما يرضيش حد و للا سف فعلا الشريحه السعريه دى كانت بتملاها vw . واحد زى محتار كنت ناوى على الفانتازيا - بعد استبعاد vw بسبب dsg - بس عرفت ان شكلها حيتغير السنة اللى جايه و حتنزل ب dsg برده الله يخرب بيت ال dsg على الحمار اللى اخترعه

ههههههه
و الله اللي اخترعه كان المفروض ياخد بيه لفه في صلاح سالم الساعه ٤ الضهر عشان يشوف اللي بيحصل
نصيحه هات الفنتازيا و يهمكش الشكل عشان لما الجديده تنزل باللي ما يتسمى هتشرف جنب اخواتها و الموضوع هيعمل زي السيفيك لما الناس رفعت سعر المستعمل بسبب الشكل القديم كان مفضل