ارجوكم المساعدة من عمالقة المنتدى ... ليجانزا ولا اسبيرانزا a620

تحياتي لعمالقة المنتدى
ده اول موضوع اشارك فيه
ارجوكم ساعدوني انا بحب العربيات القوية واللى عادة بتبقى 2000 cc طبعاً الفئة دى بتبقى غالية قوى في موديلات معينة
وانا طبعى مش بتحرك كتير بالعربية يعنى ممكن الاسبوع كله اروح مشوار من الهرم لمصر الجديدة رايح جاى وبعد كدة تتركن العربية الاسبوع كله لغاية ميعاد الاسبوع اللى بعده
ده غير ان سفري بيبقى مرتين او تلاتة في السنة الى الصعيد اسيوط
ومرة الى المصيف مطروح او الساحل الشمالي
المهم اللى لقيته سعره مناسب ليا ومواتيرها قوية هما عربيتين واللى اكيد بتوع سفر
الاولى دايو ليجانزا 2000 cc
الثانية اسبيرانزاa620 2000cc
الاولى موديلاتها من عام 99 حتى عام 2004
الثانية من عام 2006 حتى الان

ايهما الاقوى
ايهما الاكثر اعتمادية
ايهما الارخص في قطع الغيار
ايهما افخم وسهل في اعادة البيع
ايهما الاجمل شكلاً ورفاهية من وجهة نظركم

اشكركم جداة واتمنى المشاركة الايجابية
وجزاكم الله خيراً

هو محدش راضي يرد ليه ؟؟؟؟؟؟؟؟؟

ايهما الاقوى الليجانزا
ايهما الاكثر اعتمادية الليجانزا
ايهما الارخص في قطع الغيار مسألتش عليهم بس احتمال الليجانزا تكون ارخص و ليها مستعمل فى قطع الغيار
ايهما افخم وسهل في اعادة البيع الاسبيرانزا فيها اوبشن اعلى من الليجانزا و رفاهيه شويه الليجانزا اقل فى الرفاهيه دى شويه ( الموضوع تقريبا فى الدى فى دى و شاشات المخدع و الستاير الكهرباء فى الاسبيرانزا )
ايهما الاجمل شكلاً ورفاهية من وجهة نظركم الاجمل شكلا الليجانزا الاكتر رفاهيه الاسبيرانزا و ممكن تركب الرفاهيه دى فى الليجانزا برضه

الليجانزا سعرها هيبقى اقل من الاسبيرانزا و دى نقطه ليها برضه

هاتكلم في قطع الغيار الليجانزا قطع غيارها غاليه جدا ومش موجوده الا استيراد تلف عليها
ال 620 موتور متسوبيشي جالنت
فتيس ستيب ترونيك
جلد طبيعي
جميع الكماليات بمعني الكلمه
احدث بتشتري عربيه جديده وخط انتاج شغال

اقتباس:

---

المشاركة الأصلية كتبت بواسطة AlGazar2

ايهما الاقوى الليجانزا
ايهما الاكثر اعتمادية الليجانزا
ايهما الارخص في قطع الغيار مسألتش عليهم بس احتمال الليجانزا تكون ارخص و ليها مستعمل فى قطع الغيار
ايهما افخم وسهل في اعادة البيع الاسبيرانزا فيها اوبشن اعلى من الليجانزا و رفاهيه شويه الليجانزا اقل فى الرفاهيه دى شويه ( الموضوع تقريبا فى الدى فى دى و شاشات المخدع و الستاير الكهرباء فى الاسبيرانزا )
ايهما الاجمل شكلاً ورفاهية من وجهة نظركم الاجمل شكلا الليجانزا الاكتر رفاهيه الاسبيرانزا و ممكن تركب الرفاهيه دى فى الليجانزا برضه

الليجانزا سعرها هيبقى اقل من الاسبيرانزا و دى نقطه ليها برضه

---

+1

اشكر كل اصدقائي واحبائي من قاموا بالرد ومحاولة افادتي ولكن
اركب قديم شوية ومجرب (الليجانزا) مع العلم اني بسمع ان قطع غيارها شبيهة بالنوبيرا فضلاً عن تقارب الاسعار بشكل كبير
ولا اركب حديث وانا وحظي (اسبيرانزا a620)

وهل يمكن تركيب فتيس استيبتورنيك على الليجانزا ؟؟؟

منتظر ردودكم المفيدة :)

الليجنزا

انا معرفش حاجة عن الاسبيرانزا
بس الى اعرف ان اليجانزا قطع غيارها بالهبل استيراد مواتير وفتايس وبودى
و فيها اوبشنز كتير زى ال abs - air bags
كراسى جلد
وسعرها يعتبر رخيص جدا مقارنة بامكانيتها
دور المهم على حالة كويسة

اقتباس:

---

المشاركة الأصلية كتبت بواسطة hugan

هاتكلم في قطع الغيار الليجانزا قطع غيارها غاليه جدا ومش موجوده الا استيراد تلف عليها
ال 620 موتور متسوبيشي جالنت
فتيس ستيب ترونيك
جلد طبيعي
جميع الكماليات بمعني الكلمه
احدث بتشتري عربيه جديده وخط انتاج شغال

---

اقتباس:

---

المشاركة الأصلية كتبت بواسطة hugan

هاتكلم في قطع الغيار الليجانزا قطع غيارها غاليه جدا ومش موجوده الا استيراد تلف عليها
ال 620 موتور متسوبيشي جالنت
فتيس ستيب ترونيك
جلد طبيعي
جميع الكماليات بمعني الكلمه
احدث بتشتري عربيه جديده وخط انتاج شغال

---

هو انت ليه دايما بتدافع عن الصيني :)
الليجانزا قطع غيرها موجوده ومش غاليه ومش جدا
وحجاتها كلها ستيرااد موجوده بالهبل

وكعربيه اعذرني تضرب سبرانزا بالبرطوش :)

تحياتي

باشا لوعلى قوة ليجانزا معاك لحد سرعه 230 وثبات وهمى وانا عارف بقول ايه -اسبرانزا 2000 سى سى اخرها 195 وبطلوع الروح
لو قطع الغيار
ليجانزا قطع غيارة عاديه جدااااااااااااااا
والماتور كامل استيراد 3000 جنيه والفتيس 500 جنيه المانيوال الاتوماتيك 1200 جنيه الكنترول 300 جنيه
وصيانه سيور الكاتينه نفس اسعار النوبيرا
وكل قطع غيارها استيراد وجديدة موجودة
وخد المفاجاءة -ليجانزا بتمشى باى بنزين

انا انصحك لو عايز تتفرج على اسبيرانزا روح شوفها في التوكيل بتاع ابو الفتوح على شارع كورنيش المعادي ..... اركبها من جوه وشوف الاوبشن بتاعها ..... بصراحة عربية جميلة جدا ...... اشتريناها لخالي من كام اسبوع ....... عجباني جدا ..... المشكلة ان حجمها كبير شوية ..... ولو عايز تسأل على قطع غيارها اطلع على مركز المتحدة اللي على الدائري مريوطية او اتصل بيهم واسال عن شوية حاجات تكون محضرها وشوف الاسعار ....... بعدين ما تنساش ان قطع غيار الاسبيرانزا جديدة بينما الليجانزا هتبقى غالبا كلها استيراد .... يعني في فرق في العمر الافتراضي لقطعة الغيار ..... وانا بصراحة معرفش عن اليجانزا حاجة تاني... ربنا يوفقك لكل خير

الف الف الف شكر لكل اخوانى واصدقائي في هذا المنتدي العظيم
وااسف على التاخير في الرد والمتابعة في الفترة الماضية
لان الله عز وجل رزقنى بمولدتى الاولى " بيسان "
وكانت تعانى من بعد اللام التى استدعت دخولها حضانة لمدة اسبوع الى ان خرجت بسلامة الله ورعايته .

هذا ما اخرني عنكم ومعلوماتكم قيمة جدا واستفدت بها جدا ولكن
لم يرد احد عن استفساري بخصوص امكانية تركيب فتيس استيبترونيك على الليجانزا ولا لا ؟؟

الليجانزا طبعا بدون كلام لانها عربيه كويسه جدا

الليجانزا شكل احسن وقطع غيار متوفرة اللى حد ما
السعر اعادة البيع مبتخسرش كتير عربية قوية بس تكون حالة نضيفة ومش متهانة
وربنا يوفقك

اقتباس:

---

المشاركة الأصلية كتبت بواسطة engboy

الف الف الف شكر لكل اخوانى واصدقائي في هذا المنتدي العظيم
وااسف على التاخير في الرد والمتابعة في الفترة الماضية
لان الله عز وجل رزقنى بمولدتى الاولى " بيسان "
وكانت تعانى من بعد اللام التى استدعت دخولها حضانة لمدة اسبوع الى ان خرجت بسلامة الله ورعايته .

هذا ما اخرني عنكم ومعلوماتكم قيمة جدا واستفدت بها جدا ولكن
لم يرد احد عن استفساري بخصوص امكانية تركيب فتيس استيبترونيك على الليجانزا ولا لا ؟؟

---

اول حاجة مبروك المولوده الجديده تتربى فى عزك ان شاء الله و حمدا لله على سلامتها

تانى حاجة فى الفتيس لو نزل ليها بره فتيس ستيب ترونيك و ده صعب نسبيا يبقى هاينفع بس هيتكلف كتير كام بالظبط معرفش

و الفتيس الاوتو بتاعها العادى مفيش فيه اى مشاكل بس لازم الاهتمام بالصيانه الدوريه بتاعته من زيت و فلتر