بيرسوناوي جديييد وربنا يستر

**amr saad** · 30-09-2012 04:50 PM

السلام عليكم
ازيكوا يا رجالة عاملين ايه ..انا جديد ف المنتدى والصراحة استفدت كتير منو وانا بدور على عربية
المهم الحمد لله انا استلمت البيرسونا 2012 الاربع اللي فات وحاططها ف الجراج لحد م استلم شهادة الافراج الجمركي عشان ارخصها ...بس في حاجتين قلقوني ...اولا اسلاك السماعات ولمبة الشنطة مكشوفين كده ممكن اي غلطة تقطع سلك فيهم مش عارف دا ف عربيتي بس ولا البيرسونا كلها كده ..ثانيا الريوستات اللي بيعلي ويوطي اضاء العدادات دا مش شغال بالمرة ...هل هو بيشتغل تحت شروط معينة زي م فهمت م الكتيب ولا يكون لا قدر الله بايظ ؟؟؟
وشكرا

**Motarjim** · 30-09-2012 05:21 PM

السلام عليكم أستاذ عمرو،

ألف مبارك على العربية اختيار موفق بإذن الله؛ وربنا يعطيك خيرها، ويدفع عنك شرها.

على فكرة اتفرجت على برسونا عند عز العرب ع الطريق الصحراوي إمبارح، وشد انتباهي الموضوع ده في سقف الشنطة، إن إسلاك السماعات ومصباح الشنطة مكشوفة، وعرضة للقطع، لو اتحشرت بالشنط والأمتعة. اعتقد أنه كل البرسونا كده!

**moh2015** · 30-09-2012 05:31 PM

المشاركة الأصلية كتبت بواسطة amr saad

السلام عليكم
ازيكوا يا رجالة عاملين ايه ..انا جديد ف المنتدى

والصراحة استفدت كتير منو وانا بدور على عربية
المهم الحمد لله انا استلمت البيرسونا 2012 الاربع اللي فات وحاططها ف الجراج لحد م استلم شهادة الافراج الجمركي عشان ارخصها ...بس في حاجتين قلقوني ...اولا اسلاك السماعات ولمبة الشنطة مكشوفين كده ممكن اي غلطة تقطع سلك فيهم مش عارف دا ف عربيتي بس ولا البيرسونا كلها كده ..ثانيا الريوستات اللي بيعلي ويوطي اضاء العدادات دا مش شغال بالمرة ...هل هو بيشتغل تحت شروط معينة زي م فهمت م الكتيب ولا يكون لا قدر الله بايظ ؟؟؟

وشكرا

أولا ألف مبروك وربنا يديك خيرها ويكفيك شرها
ثانيا الاسلاك مكشوفة عندي فعلا وهي العربية كده
بالنسبة للريوستات دي بتتحكم في إضاءة ازرار التابلو والتكييف و الفتيس لو اوتوماتيك مش للتحكم في إضاءة العدادات

**amr saad** · 30-09-2012 06:23 PM

المشاركة الأصلية كتبت بواسطة moh2015

أولا ألف مبروك وربنا يديك خيرها ويكفيك شرها
ثانيا الاسلاك مكشوفة عندي فعلا وهي العربية كده
بالنسبة للريوستات دي بتتحكم في إضاءة ازرار التابلو والتكييف و الفتيس لو اوتوماتيك مش للتحكم في إضاءة العدادات

الله يبارك فيك يا باشا وشكرا على التوضيح

**haissam24h** · 30-09-2012 06:33 PM

مبررررررررررررررررررررررو ك وعقبال لما ترخصها وتجوزها بقا لبتاع الاكسسورات والروشنه ههه ربنا يكفيك شر طريقها

**amr saad** · 30-09-2012 10:55 PM

طب يا حماعة حد عندو فكرة استيكر نايل موتورز بنحصل عليه ازاي :d
كمان استفسار ..انا عايز افيم العربية ..حد ليه خبرة يقوللي هل في أنواع للفيميه ولا هو نوع واحد وايه اكتر درجة تفييم مسموح بيها قانونا وكده وبيبقى ف حدود كاااام ؟؟
وشكرا

**Al-Farooq** · 01-10-2012 01:22 PM

العدادت ليدات نورها قوي و ثابت ، وتعرف انك مشغل النور الخارجي لما تلاقي اضائتها قلت شوية، الزرار اللى عندك بيتحكم فى نور زراير التابلوه.
والف مبروك وربنا يعطيك خيرها ويكفيك شرها.