الموضوع: يابنت اللذينة لابسة الدبلة ليييه ( مشكلة العنوسة ) !

السلام عليكم و رحمة الله و بركاته

أنا متهيألى أن لغة الخواتم و الدبل دى لغة ليها مفردات كتير أوى عند البنات.

أنا مرة و أنا فى السعودية, دخلت أكشف على مريضة فى المستشفى, أول ماخلت و شديت الستارة ورايا و كان طبعا معايا الممرضة الفليبينية كالمعتاد, لقيتها قامت لفة الدبلة اللى فى ايديها و بقت بقدرة قادر خاتم !!!!, دى أول حاجة افتكرتها أما شافت الدكتور و الممرضة !!!!!!!!!, أنا يومها فسرتها, أنها عاوزة تعرفنى أنها مش متجوزة, فبالتالى ماسألهاش اذا كانت حامل و لا لأ و كمان ماتهبلش فى نافوخى و أطلبلها تحليل حمل (يا نهار أسود), تحليل حمل لواحدها مش متجوزة و فى السعودية , دى فى السعودية, كأنى ...... بالظبط !!!!!!!!!

هييييييييييييييييييه, كانت أيااااااااااام.