حصرياً لنايل موتورز .. تقرير بالصور عن سيتروين ds 5

**Ahmed_Adham** · 25-10-2012 06:50 PM

المشاركة الأصلية كتبت بواسطة ahmed-adel

دي مش شركة أو برنامج محترم بيقيمها
ده واحد عادي عامل channel عال youtube
يعني مش مقياس خالص

اللي مش عاجباه دي أول diesel hybrid car في العالم و يقول مفيهاش تكنولوجي غير ال keyless entry!!!!!

ده غير إن العيوب اللي قايل عليها تافهة جدا

1. الشنطة بتفتح بمفتاح أو من جوه بس
مش عارف إيه فيها بصراحة ,ماهو إنت لو جوه و بتفتح لواحد هتستخدم الزرار اللي جوه
و لو إنت بره طبيعي إن معاك المفتاح

و برده شوف فيه comment كاتب إيه
I have a DS5 and the boot button is in the recess above the numberplate

الرجل شكله عبيط أصلا

2.الكرسي لما بتتني لازم تشيل القعدة عشان تبقى flat !!!!!!

3.إن الزراير كتير و مش عاجبه زراير السقف !!!! دي طيارة يا راجل

4.مش لاقي حتة يشيل فيها ال mobile ههههه ما عندك المسند

5.مش عاجبه العفشة إنها مش pneumatic

6.قاعد مجعوص ههههه و يقولك مش طايل التارة و التابلوه

بس عنده حق في

1.درج التابلوه صغير
2. ارتفاع السقف ورا لو واحد أطول من 180 هيتعب
3. مساحة الرؤية ورا قليله فعلا

ماهو العيوب اللي قالها أي مستخدم هيلاحظها مش لازم خبير لأنها عيوب user experience ودي جزئيه مهمه جدا لأنها بتأثر على العامل النفسي. يعني أنا مضايقني في الكارينز ان مفيش نور بيفتح مع باب الشنطه. أهي دي حاجه متكلفهمش حاجه بس واحد غبر عندهم مفكرش فيها مع انها مش اختراع.

هوه النقط اللي قال عليها هتضايق ناس كتير وممكن بالرغم من انها تافهه تخلي واحد ميشتريش العربيه.

1- مجال الرؤيه ضيق. العيب ده مش قوي من وجهة نظري بس هيفرق كتير مع حد ركب عربيه ازازها واسع من ورا قبل ما يركب ال ds5

2- الشنطه مبتفتحش من بره. طبعا ده عيب غبي. لأن بيبقى فيه مواقف تكون فيها المفاتيح فى الكونتاكت وانت بره العربيه وتبقى عايز ترمي حاجه في الشنطه قبل ما تركب هتضطر تدخل العربيه تفتح الشنطه وبعدين ترجع تحط الحاجه جوه. دي حاجه هتحس برخمتها لما تجربها كذا مره.

3- مفيش حامل أكواب فى الكونسول. طبعا عيب قوي جدا يعني أنا لو بشرب بيبسي أحطه في الباب؟ الميه انت بتشرب منها مره واحده فممكن ترميها في الباب وتنساها لكن البيبسي هتفضل تشرب وتنزلها تشرب وتنزلها يعني تجيبها من ايدك اليمين للشمال والعكس ييجي 10 مرات لحد ما تخلصها. ممكن ناس تضحك عشان هتقولي يعني ممكن متشتريش عربيه عشان مش هتعرف تشرب بيبسي وانت سايقها هقول أه وغيري كتير.

ملحوظه: في فيديو من الفيديوهات جايه العربيه لون ابيض مع كراسي جلد أحمر شكلها فاجر ملوش حل.

**A.Adel** · 25-10-2012 07:01 PM

المشاركة الأصلية كتبت بواسطة Ahmed_Adham

ماهو العيوب اللي قالها أي مستخدم هيلاحظها مش لازم خبير لأنها عيوب user experience ودي جزئيه مهمه جدا لأنها بتأثر على العامل النفسي. يعني أنا مضايقني في الكارينز ان مفيش نور بيفتح مع باب الشنطه. أهي دي حاجه متكلفهمش حاجه بس واحد غبر عندهم مفكرش فيها مع انها مش اختراع.

هوه النقط اللي قال عليها هتضايق ناس كتير وممكن بالرغم من انها تافهه تخلي واحد ميشتريش العربيه.

1- مجال الرؤيه ضيق. العيب ده مش قوي من وجهة نظري بس هيفرق كتير مع حد ركب عربيه ازازها واسع من ورا قبل ما يركب ال ds5

2- الشنطه مبتفتحش من بره. طبعا ده عيب غبي. لأن بيبقى فيه مواقف تكون فيها المفاتيح فى الكونتاكت وانت بره العربيه وتبقى عايز ترمي حاجه في الشنطه قبل ما تركب هتضطر تدخل العربيه تفتح الشنطه وبعدين ترجع تحط الحاجه جوه. دي حاجه هتحس برخمتها لما تجربها كذا مره.

3- مفيش حامل أكواب فى الكونسول. طبعا عيب قوي جدا يعني أنا لو بشرب بيبسي أحطه في الباب؟ الميه انت بتشرب منها مره واحده فممكن ترميها في الباب وتنساها لكن البيبسي هتفضل تشرب وتنزلها تشرب وتنزلها يعني تجيبها من ايدك اليمين للشمال والعكس ييجي 10 مرات لحد ما تخلصها. ممكن ناس تضحك عشان هتقولي يعني ممكن متشتريش عربيه عشان مش هتعرف تشرب بيبسي وانت سايقها هقول أه وغيري كتير.

ملحوظه: في فيديو من الفيديوهات جايه العربيه لون ابيض مع كراسي جلد أحمر شكلها فاجر ملوش حل.

هي معظمها حاجات تافهة أو راجعة لغلط منه زي إنه مش طايل التارة مثلا هههههه

رقم واحد أنا معاك فيها و كتبت كده ,الرؤية مش ممتازة

رقم إتنين فيه comment كاتب إيه
I have a DS5 and the boot button is in the recess above the numberplate
يعني الشنطة بتفتح من بره عدي و عشان كده قلت عليه عبيط :)

رقم تلاته بقى دي حرية شخصية ,بس عشان تاخد تصميم تابلوه طيارة زي ده
لازم تستغنى عن شوية حاجات

على رأي إعلان mitsubishi ,
ملقاش فيها عيب قال لك cup holder و فيها زراير كتير ههههه

**Ahmed_Adham** · 25-10-2012 08:22 PM

الموقع ده فيه شويه صور يجننو

Citroen Reveals Family-Sized DS5 Crossover ahead of Shanghai Premiere - Carscoop

**Mohab.Nabil** · 26-10-2012 12:20 AM

المشاركة الأصلية كتبت بواسطة Ahmed_Adham

الريفيو دي جميله جدا والراجل عنده وجهة نظر ي بعض العيوب

(ENG) Citroen DS5 2.0 HDi - Road Test and Review - YouTube

عند 7:30 الجنوط جميله جدا وشكلها هيزعل اليهود كتير :d

يا باشا دا الراجل مقالش ميزة واحدة عن العربية الا الفرامل كأن العربية تعبانة مفيهاش حاجة و بينتقد اى حاجة و خلاص يعنى البانوراما يقولك 3 قطع ملهاش لزمة الا انك لو عايز تفتحها انت بس طيب يا عم الحاج ما انت بنفسك قولت ميزتها ايه

.. و تصميم العربية فى الاول يقولك جميل و مميز و بعدين يقولك لا التصميم بين المينى فان و الهاتشباك ميخليش ناس تشتريها طيب التصميم حلو ولا لا حيرتنا ..

المشاركة الأصلية كتبت بواسطة dede_dodo88

ده الراجل طلع في العربية كل القطط الفاطسة!!.. العربية أتشلفطت خلاص!!..

عندك حق و الله .. انا نفسى اشوف الراجل ده لما يركب عربية من اللى ماشية عندنا فى الشوارع هيولع فى نفسه فى اخر الريفيو ولا ايه هههههههههههههه

المشاركة الأصلية كتبت بواسطة ahmed-adel

دي مش شركة أو برنامج محترم بيقيمها
ده واحد عادي عامل channel عال youtube
يعني مش مقياس خالص

اللي مش عاجباه دي أول diesel hybrid car في العالم و يقول مفيهاش تكنولوجي غير ال keyless entry!!!!!

ده غير إن العيوب اللي قايل عليها تافهة جدا

1. الشنطة بتفتح بمفتاح أو من جوه بس
مش عارف إيه فيها بصراحة ,ماهو إنت لو جوه و بتفتح لواحد هتستخدم الزرار اللي جوه
و لو إنت بره طبيعي إن معاك المفتاح

و برده شوف فيه comment كاتب إيه
I have a DS5 and the boot button is in the recess above the numberplate

الرجل شكله عبيط أصلا

2.الكرسي لما بتتني لازم تشيل القعدة عشان تبقى flat !!!!!!

3.إن الزراير كتير و مش عاجبه زراير السقف !!!! دي طيارة يا راجل

4.مش لاقي حتة يشيل فيها ال mobile ههههه ما عندك المسند

5.مش عاجبه العفشة إنها مش pneumatic

6.قاعد مجعوص ههههه و يقولك مش طايل التارة و التابلوه

بس عنده حق في

1.درج التابلوه صغير
2. ارتفاع السقف ورا لو واحد أطول من 180 هيتعب
3. مساحة الرؤية ورا قليله فعلا

بس كده جبت من الاخر انت يا معلم .. مفيش كلام يتقال بعد كده

**egytamer** · 26-10-2012 12:28 AM

ستروين عليها شوية تصميمات تجنن بس للاسف العربيات النضيفة دي ملهاش سوق في مصر احنا عايزين عربية مفيهاش اي تكنولوجيا علشان لما تعطل الاسطي بلية يعرف يصلحها وهوا مغمض عينة مش حساسات وايرباج ممكن يتفتح لو العربية عملت حادثة ويقلل من تمن العربية لا احنا بنقفلو احسن
ربنا يسهل بعد مالجمارك تتشال والعربيات ترخص الناس تبتدي تفكر صح في القيمة مقابل الفلوس الي بيدفعوها مش ادفع فوق ال 125 الف في النترا مفيهاش ايرباج ولا اية بي اس