حصرياً لنايل موتورز .. تقرير بالصور عن سيتروين ds 5

**SAMEH_FOUAD** · 13-10-2012 04:07 AM

مشكور على التقرير ياباشا

واية العربية المجرمة دية والجااااااااااااااااااااا ااااااامدة اوى دية , انا انبهرت بتصميمها من جوة يخربيت جمال التابلوة وسحبتة انا تخيلت كدة على طول ال porshe panamera الكونسول ضخم كدة فى الوسط , واية اللى فى السقف دة العربية فيها كونسولين ماشاء الله

ياباشا دية تتسعر ضمن فئة الطائرات بالنسبة للزراير اللى فيها وجمال تصميمها

يارب بس مايطلعش فيها مشاكل زى عائلة سيتروين السابقة لان فعلا العربية دية مظلومة جدا فى السوق المصرى ولازم يكون ليها حل لان اوبشنها عالللللللللللى جدا وسعرها كويس جدااااااااااااااا وتقفيل وخامات وثبات وماتور يعنى مش عايزة حاجة فاضل بقى اية الاعتمادية وعدم غلاء قطع الغيار لو دول اتحققوا الشركة دية مبيعاتها وانتشارها هيعادل ويتفوق على مبيعات فولكس فاجن

**Mzeid** · 21-10-2012 06:13 AM

لسة شايفها النهاردة مع واحدة بنت :)

**rahieb_100** · 23-10-2012 06:36 PM

المشاركة الأصلية كتبت بواسطة eng f3lix

ده الشارك قدامها تعتبر زي اللادا كدة مفيهاش انسيابية خالص
العربية مش عايزة تطلع من دماغي يا جدعان انا شكلي جالي تخلف ولا ايه؟

تسلم ايدك على التقرير يا فيلكس
مش انت لوحدك يا معلم انا برضه كنت هناك و شوفتها حاجة وهم

**samoevil911** · 25-10-2012 09:15 AM

تقرير جميل

اعتقد دا افضل تابلوه عربية فعلا انا شوفته خاصة في رنج السعر دا

بالنسبة لمساحة الكنبة الخالفية انا كنت شفت تقرير عن العربية
مساحة الرجل ورا كويسة , ممكن يكون في المعرض الكرسي الامامي راجع للخلف كتير

العربية من حيث البانوراما تحفة والسقف روعة كانه طياره

والخلفي بيفكرني بالميني كوبر -اللي بفتحتين سقف-

بس معلش فيه سؤال , العربية في حجمها كبير , يعني تنفع لشخص كبير والا باين انها هاش باك ؟

وجزئية الجي بي اس
يعني هي بتنزل ب 245 من غير الجي بي اس ؟!
واربعين الف للجي بي اس بس ؟!
اصل كتير اوي دا الواحد يجيب تاب فيه جي بي اس يحطه جواها افضل

والفئة اللي من غير جي بس اس , بيحي فيها الشاشة lcd والا شاشة كاسيت فقط ؟

واسف ع الأطالة

**Mohab.Nabil** · 25-10-2012 02:25 PM

المشاركة الأصلية كتبت بواسطة samoevil911

تقرير جميل

اعتقد دا افضل تابلوه عربية فعلا انا شوفته خاصة في رنج السعر دا

بالنسبة لمساحة الكنبة الخالفية انا كنت شفت تقرير عن العربية
مساحة الرجل ورا كويسة , ممكن يكون في المعرض الكرسي الامامي راجع للخلف كتير

العربية من حيث البانوراما تحفة والسقف روعة كانه طياره

والخلفي بيفكرني بالميني كوبر -اللي بفتحتين سقف-

بس معلش فيه سؤال , العربية في حجمها كبير , يعني تنفع لشخص كبير والا باين انها هاش باك ؟

وجزئية الجي بي اس
يعني هي بتنزل ب 245 من غير الجي بي اس ؟!
واربعين الف للجي بي اس بس ؟!
اصل كتير اوي دا الواحد يجيب تاب فيه جي بي اس يحطه جواها افضل

والفئة اللي من غير جي بس اس , بيحي فيها الشاشة lcd والا شاشة كاسيت فقط ؟

واسف ع الأطالة

اهلا يا باشا نورت قسم ستروين

العربية فى حجمها كبيرة مش صغيرة يعنى ممكن تكون تقريبا كده فى حجم الكارينز كطول و عرض مش كارتفاع طبعا و مش كوسع برضه .. هى واخدة ستايل الفان على الهاتشباك بس بشياكة اوى يعنى تقريبا مش شبه عربية تانية فى مصر يعنى تحس انها واخدة جمال الهاتشباك بوسع السيدان

لا الفرق بين الفئتين مش جى بى اس بس .. الفرق فى الشاشة الفئة الاولى شاشة عادية شاشة كاسيت و اعطال و كده زى البيجو 508 و الفئة التانية شاشة Lcd كاملة فيها جى بى اس و ديفيدى زى شاشة الـ idrive فى البى ام دابيو و الفرق كمان فى الفرش الجلد الكامل .. الفئة الاولى مش جلد كامل و فرق فى الكاميرا الخلفية مفيش فى الفئة الاولى و فرق فى الـ head-up display مش موجود برضه فى الفئة الاولى و اظن بس مش متأكد من الاتنين دول باركينج سنسور قدام و كرسى مساج للسائق فالفرق يستحق الـ 40 الف بصراحة لأنك لو عرفت تركب الكلام ده كله مش هتتكلف اقل من 50 الف جنيه عشان تجيب الحاجات ديه اصلى فتشترى العربية نازلة بيهم اصلا احسن كتير

و مفيش اطالة و لا حاجة

**Ahmed_Adham** · 25-10-2012 03:00 PM

الريفيو دي جميله جدا والراجل عنده وجهة نظر ي بعض العيوب

(ENG) Citroen DS5 2.0 HDi - Road Test and Review - YouTube

عند 7:30 الجنوط جميله جدا وشكلها هيزعل اليهود كتير :d

**dede_dodo88** · 25-10-2012 04:02 PM

المشاركة الأصلية كتبت بواسطة ahmed_adham

الريفيو دي جميله جدا والراجل عنده وجهة نظر ي بعض العيوب

(eng) citroen ds5 2.0 hdi - road test and review - youtube

عند 7:30 الجنوط جميله جدا وشكلها هيزعل اليهود كتير :d

ده الراجل طلع في العربية كل القطط الفاطسة!!.. العربية أتشلفطت خلاص!!..

**A.Adel** · 25-10-2012 04:56 PM

دي مش شركة أو برنامج محترم بيقيمها
ده واحد عادي عامل channel عال youtube
يعني مش مقياس خالص

اللي مش عاجباه دي أول diesel hybrid car في العالم و يقول مفيهاش تكنولوجي غير ال keyless entry!!!!!

ده غير إن العيوب اللي قايل عليها تافهة جدا

1. الشنطة بتفتح بمفتاح أو من جوه بس
مش عارف إيه فيها بصراحة ,ماهو إنت لو جوه و بتفتح لواحد هتستخدم الزرار اللي جوه
و لو إنت بره طبيعي إن معاك المفتاح

و برده شوف فيه comment كاتب إيه
I have a DS5 and the boot button is in the recess above the numberplate

الرجل شكله عبيط أصلا

2.الكرسي لما بتتني لازم تشيل القعدة عشان تبقى flat !!!!!!

3.إن الزراير كتير و مش عاجبه زراير السقف !!!! دي طيارة يا راجل

4.مش لاقي حتة يشيل فيها ال mobile ههههه ما عندك المسند

5.مش عاجبه العفشة إنها مش pneumatic

6.قاعد مجعوص ههههه و يقولك مش طايل التارة و التابلوه

بس عنده حق في

1.درج التابلوه صغير
2. ارتفاع السقف ورا لو واحد أطول من 180 هيتعب
3. مساحة الرؤية ورا قليله فعلا

**A.Adel** · 25-10-2012 04:56 PM

شوفوا كده fifthgear بيقولوا إيه عنها

Fifth gear tests the Citroen DS5 - YouTube

الموضوع: حصرياً لنايل موتورز .. تقرير بالصور عن سيتروين ds 5

LinkBack

أدوات الموضوع

عرض

-

-

-

-

المواضيع المتشابهه

بيتل كابورلية الجديدة من فولكس فاجن-حصرياً لنايل موتورز

اسعار ومواصفات- لنايل موتورز تقرير كامل بالصور لباسات 2013 cc

تقرير بالصور لتويوتا فورتشنر لنايل موتورز -حصري

بالصور: ظاهرة هبوط الطرق في مصر - تقرير حصري لنايل موتورز

الكلمات الدلالية لهذا الموضوع

المفضلات

المفضلات

ضوابط المشاركة