طيب أفتح الماتور ازاي
عرض للطباعة
طيب أفتح الماتور ازاي
مصطلح "فتح الموتور" مصطلح مصري بلدي, معناه الواقعي انك تروح تنقي طريق سريع فاضي, وتبدأ رحلتك وتكملها على سرعة عالية فوق 140...وده طبعاً محتاج طريق آمن سريع ماعليهوش زحمة ولا منحنيات خطيرة ولا مشاة..... بعد الرحلة دي المفروض ان الموتور -قال يعني- هايتعود على السرعات العالية, ويبقى سحبه أحسن
انما الحقيقة انك بتتعامل مع حديد ومعدن, وبالتالي هو مش هايتربى على إيديك, لأنه معمول أصلاً للحركة والجري, الفرق بيكون ان الأجزاء المعدنية محتاجة تتطبع على بعضها وده بييجي من التليين الطبيعي, أما الجري الزيادة ومصطلح فتح الموتور ده فهو اختراع مصري أصيل وكان ينفع مع العربيات القديمة واللي مافيهاش حقن إلكتروني ولا تكنولوجيا زي الموجودة حاليا
فعلا زي ماقال الأعضاء الأعزاء روح غير محطة البنزين واتأكد انه بنزين 92 فعلاً ... لو المشكلة استمرت معاك روح التوكيل لأن دي حاجة لا يمكن السكوت عليها, معناها ان المحرك مش بيدي السرعة القصوى اللي هو مصمم ليها , أو معناها ان الرشاشات بتاعت البنزين مسدودة أو ضيقة نتيجة بنزين مش نضيف, ساعتها التوكيل هايقوللك بدل ماتسيب نفسك كدة والمشكلة تتفاقم أو الفتي يزيد
اعتقد يعني علي طريق سريع وتحرق علي الغيارات
ومش مرة ولا تنين تعودها علي كده فترة علشان لما تيجي تحرق تلاقيها
استمتع بعربيتك وغير البنزينة ممكن البنزين مغشوش او ممكن انتا فولت نوع بنزين تاني عل العموم شوف التوكيل هيقلك اية وشوف الرشاشات فعلا ممكن بنزين نوعة رديء سدهالك وخلا العربية زي لعيب الكورة الي فيص وربنا يسترا علينا وعليك يارب
بص
انت تغير البنزينة
مون من وطنية مثلا و دائما حط 92 مش 90
حط تفويلة 95 و معاها منظف رشاشات
و امشى بالعربية شوية كويسيين
و بعد كده ابقى جربها
سؤال على الماشى :هو انتا فى صيانة الالف حطيت زيت ايه؟؟