الموضوع: موضوع للمناقشة .. ليه ستروين لا ؟

كأحد ملاك ستروين اكسارا (سابقا) احب اقول ان المشكلة فى التوكيل والمغالاه فى سعر قطع الغيار
طبعا انا مش هاتكلم عن عربية موديل السنة 2012 ولا 2013 انا كان معايا اكسارا 2002
بس مش معقول اكون راكب عربية عدى عليها 10 سنين ولما احب اغير عفشة كاملة فى التوكيل الاقى انها تتكلف حوالى 15 الف جنية !!! مع ان سعر العربية فى السوق ما بين 35 ل 40 !!
ثانيا معظم الناس اللى بتشتغل فى الستروين حتى التوكيل فى اعطال ومشاكل معديتش عليهم قبل كده فيبدأوا شغل هات ونجرب ودى حاجة زفت
وطبعا زى ما بعض الاخوة قال ثقافة الميكانيكى :)
تصدقوا انه مره روحت لواحد سمكرى علشان يعدل خبطة قعد يلف حوالين العربية وقالى هى العربية دى نوعها ايه ...قولتله ستروين ..مش عايز اقولكم على التعبيرات اللى ظهرت على وشه كأنى قولت حاجة عيب !!!
ستروين من اكتر العربيات المحترمة اللى ركبتها فى حياتى ولو قدر لى انى معايا ثمن حاجة جديدة هاشترى ستروين تانى :)

المشاركة الأصلية كتبت بواسطة Hosam_Optrawy

مساء الخير يامهاب باشا

رأيى ان فى 3 حاجات مهمين كمان غير موضوع قطع الغيار وتوافرها واسعارها وسهولة الصيانه

اولا اعادة البيع , معظم اللى بيركب عربيه مش عايز يخسر فيها كتير لما يغيرها على اد مايقدر

ثانيا مفيش عربيات سيدان وانت عارف ان نسبتها فى المبيعات اكتر من 80 - 90 % والهاتش باك بيكون اقل بكتير

ثالثا البنزين , اعتقد لازم بنزين 95 لان نسبة الانضغاط 11

مساء النور يا حسام باشا منور قسم ستروين

فعلا موضوع اعادة البيع ضايع بس ده حال كل الاوروبى و بعض اليابانى برضه اظن مفيش الا العربيات المنتشرة اوى زى اللانسر البوما او السيراتو الشكل الجديد او النترا .. و طبعا ديه ثقافة سوق و للاسف اللى بيتحكم فيه التجار ..

موضوع العربيات السيدان ديه فعلا كانت غايبة عنى خالص مش عارف ازاى ، كلام سليم جدا بدليل فشل السيراتو الهاتشباك مع ان هى هى السيراتو السيدان

البنزين بصراحة معرفش نظام البنزين فى الجديدة بس اظن 92 عادى بس انا اللى معايا الشكل القديم على طول 92 و زى الفل

الف شكر لمشاركتك يا باشا

المشاركة الأصلية كتبت بواسطة abdulkhaleq

أستاذي الفاضل
كل ده كلام سوق
معلش بقى بلدنا كده هنعمل ايه طيب

عموما السيتروين وغيرها من العربيات اللي فيها تكنولوجيا وأمان
اللي بيشتريها مش بيفكر في اعادة البيع اصلا هو بيدفع عشان يركب حاجه محترمه ولو بيركب ويغير كل 6 شهور عنده الكوري او حتى الياباني (التيوتا خصوصا)

اما عن التصليح فبرضه اللي بيجيب حاجه زي دي صياناتها في التوكيل او في مركز معتمد, يعني لو عمل كده وطلعلع حاجه بعدين تبقى قضاء وقدر
لا اكثر ولا اقل

اصل معلش يعني قوللي كده
عربيه بتعمل الصيانات في معاده تخرب ليه ؟؟؟

(الاجابه المعتاده: جو البلد ومش مصممه لينا......الخ )
:) :)

كلام حضرتك سليم 100% و يا ريت الناس تبدأ تفكر بالاسلوب ده و الله الناس هتركب عربيات افضل كتير و هتنتشر و التجار هيبدأوا يجيبوا قطع غيار و ناس اكتر هتشتغل فيها

المشاركة الأصلية كتبت بواسطة hosam_optrawy

بصراحه انا مابشوفش البيجو كتير زى برضه مابشوفش الستروين يعنى الاتنين قليلين

الجولف والاسترا منتشرين عشان " المانى "

مش عارف والله السيراتو فى رنج كام دلوقتى بس هى كانت بتتباع جديده ب 126 الف هاى لاين وكيل

عموما اعتقد مش هاتقل عن 90 اكيد يعنى خساره 25-30 % تقريبا




والله ياباشا انت مجرب وادرى

بس اللى اعرفه ان الجديده اللى هى 2011 وال 308 برضه لانهم نفس الموتور prince بقوة 120 حصان 160 نيوتن n/a نسبة الانضغاط بتاعته 11:1 يعنى المفروض 95

واعتقد برضه الموتور دا نزل فى الموديلات 2009 و 2010الشكل القديم facelift

فعلا الاتنين يعتبروا قليلين بس البيجو اكتر شوية يمكن عشان ارتباط الناس بأسم بيجو من ايام الـ 504 و انها عربية حمالة اسية .. الله اعلم و فعلا موضوع الالمانى ده عقدة يعنى الالمانى من افضل انواع السيارات بس بصراحة انا مش شايف ان الايطالى و الفرنسى اقل منه كتير يعنى تقريبا نفس المستوى الالمانى اعلى سنة بس مش الفرق الرهيب يعنى ..
.
الموتور فعلا نزل فى السى فور الشكل الجديد بس زى ما احمد عادل قال

المشاركة الأصلية كتبت بواسطة abdulkhaleq

ياباشا منغير حلفان والله صادق
اصلها مش تكنولوجيا صواريخ ولا هي جايه من كوكب تاني
كل الفكره ان ثقافة الميكانيكي (اللي عندنا) انقرضت من العالم كلله

اه فيه في كل بلد (ورش اصلاح) بس دي متخصصه ومعتمده ومافيهاش (فتي)
هنا الميكانيكي يقف قدام العربيه من دول يحس انه حمار يقوللك العربيه وحشه :) :)

اي عربيه فيها تكنولوجيا مش هتتصلح بالفتي
صيانه في مواعيدها

هتبوظ ليه ؟؟؟ هي جايه من مصنع تروسيكلات ؟؟؟؟؟

كلامك سليم يا باشا .. يا ريت كل الناس يبقى تفكيرها كده

المشاركة الأصلية كتبت بواسطة Ahmadhamza84

أنا ياعم أتكلم على قدي ...ال ax ماتتباعش كتير علشان عربية حوضها ضيق ...والميكانيكية مابيفهموش فيها ..ولا الكهربائية .....كل ما أوديها لحد لازم يبوظلي حاجة لحد ما أعرف حد معين شاطر فيها ...احنا شعب ماشي بثقافة : الميكانيكي هوا اللي هيصلح وهو اللي بيبيع فلازم نجيب حاجة الميكانيكي راضي عنه

كلامك صح يا باشا فعلا الميكانيكية اللى يفهموا فيه ده يبقى الحلو و الباقى وحش و بيبوظ لوحده .. ثفافة غلط طبعا .. يا باشا ربنا يباركلك فى الـ ax و عقبال ما تركب الـ ds5 كمان و الف شكر على المشاركة و يا ريت نشوفك اكتر فى القسم

المشاركة الأصلية كتبت بواسطة zeyad2010

والله يا جماعة ببساطة المسألة إن في مقابل خقيقي وعملي ورفاهية عالية جداً مقابل كل جنيه في العربية السيتروين .. رفاهيات عالية جداً .. إستقرار قوي جداً علي السرعات العالية وخصوصاً فوق ال 160 كلم / ساعة .. عوامل أمان متعددة وعملية .. وفوق كل ده جوده عاليه تكفي للإحتفاظ بالسيارة لفترات تصل من 15 ل 20 سنة لو تم الحفاظ عليها ومعاملتها بشكل جيد .. وكمان كل ده بييؤدي في الآخر لمتعة حقيقية في القيادة .. لكن هانعمل إيه بقي للسوق المصري العقيم بمقاييسه ومعاييره المختلة اللي يخللي عربية ( فاشلة ) بكل ما تحمل الكلمة من معاني زي الإلنترا 2012 ب 151 ألف جنيه بنفس سعر السي 4 تقريباً .. وبعد سنتين تلاتة تلاقي الالنترا بقت مستعملة ب 120 الف والسي 4 بقت ب 90 ألف .. فعلاً سوق عقيم ومتخلف .. أنا راكب سي 4 بقالي 4 سنين وكل ماتجيلي فلوس وأقول أغير ألاقي صعوبة شديدة في أني أركب حاجة قريبة منها .. لغاية ما قررت مؤخراً واشتريت سيراتو كوبيه زيرو واحتفظت بالسيتروين برضه .. بعد سواقة الكوبيه 3 شهور مازلت حاسس ان ركوبة السيتروين أكثر فخامة ورصانة وإتزان برضه

زياد باشا .. كلام فى الصميم بصراحة و فعلا السوق محكوم بحاجات غريبة جدا بعيدة كل البعد عن الجودة و الاداء .. حاجة غريبة جدا و فعلا انا و الله برضه كنت بفكر ابيع عربيتى و كنت خلاص هخلص البيعة و جالى واحد صاحبى الله يكرمه قالى طب انت هتركب ايه بعدها .. دا انت محتاج تدفع على الاقل 120 الف فوق ثمنها عشان تركب حاجة تحس انك عليت بيها .. الف مبروك يا باشا على السيراتو الكوبيه تصدق انا كنت هشتريها وقت ما اشتريت عربيتى بس رحت قعدت فيها فى اوتو سمير ريان و بصراحة حسيت بشىء نفسى مش مريحنى مع ان العربية ماشاء الله فيها كل حاجة الواحد بيحلم بيها و شكلها جميل جدا بس حسيت بعدم توافق ما بينا كده و عايزين نشوف حضرتك فى القسم اكتر و مستنيين موضوع الساوند عشان ان شاء الله ناوى عليه و هتبقى ساعدتنى اوى فيه

المشاركة الأصلية كتبت بواسطة rahieb_100

كأحد ملاك ستروين اكسارا (سابقا) احب اقول ان المشكلة فى التوكيل والمغالاه فى سعر قطع الغيار
طبعا انا مش هاتكلم عن عربية موديل السنة 2012 ولا 2013 انا كان معايا اكسارا 2002
بس مش معقول اكون راكب عربية عدى عليها 10 سنين ولما احب اغير عفشة كاملة فى التوكيل الاقى انها تتكلف حوالى 15 الف جنية !!! مع ان سعر العربية فى السوق ما بين 35 ل 40 !!
ثانيا معظم الناس اللى بتشتغل فى الستروين حتى التوكيل فى اعطال ومشاكل معديتش عليهم قبل كده فيبدأوا شغل هات ونجرب ودى حاجة زفت
وطبعا زى ما بعض الاخوة قال ثقافة الميكانيكى :)
تصدقوا انه مره روحت لواحد سمكرى علشان يعدل خبطة قعد يلف حوالين العربية وقالى هى العربية دى نوعها ايه ...قولتله ستروين ..مش عايز اقولكم على التعبيرات اللى ظهرت على وشه كأنى قولت حاجة عيب !!!
ستروين من اكتر العربيات المحترمة اللى ركبتها فى حياتى ولو قدر لى انى معايا ثمن حاجة جديدة هاشترى ستروين تانى :)

فعلا اسعار التوكيل عالية جدا بس برضه يا باشا خد بالك ان اى عربية هتروح بيها التوكيل هتلاقى ارقام غريبة .. ديه مش مشكلة ستروين بس برضه عز العرب بيغالى شويتين فى الحاجات

العربية فعلا متطورة جدا عن بقية العربيات تكنولوجيا و بالتالى الاعطال بتبقى زيادة شوية و دا طبيعى فى اى حاجة مش عيب فى العربية

فعلا انا اى حد بروحله حتى لو بتاع كاوتش لازم يسألنى عن نوع العربية و شكلها .. دا حتى بتاع الستيكر سألنى برضه ايه العربية الغريبة ديه

فعلا ماركة محترمة جدا و الناس مش مديالها حقها فى مصر خالص .. ربنا يباركلك يا باشا و تركب ds5 ان شاء الله

السلام عليكم
هل من معلومات عن c3 بيكاسو؟

المشاركة الأصلية كتبت بواسطة rahieb_100

كأحد ملاك ستروين اكسارا (سابقا) احب اقول ان المشكلة فى التوكيل والمغالاه فى سعر قطع الغيار
طبعا انا مش هاتكلم عن عربية موديل السنة 2012 ولا 2013 انا كان معايا اكسارا 2002
بس مش معقول اكون راكب عربية عدى عليها 10 سنين ولما احب اغير عفشة كاملة فى التوكيل الاقى انها تتكلف حوالى 15 الف جنية !!! مع ان سعر العربية فى السوق ما بين 35 ل 40 !!
ثانيا معظم الناس اللى بتشتغل فى الستروين حتى التوكيل فى اعطال ومشاكل معديتش عليهم قبل كده فيبدأوا شغل هات ونجرب ودى حاجة زفت
وطبعا زى ما بعض الاخوة قال ثقافة الميكانيكى :)
تصدقوا انه مره روحت لواحد سمكرى علشان يعدل خبطة قعد يلف حوالين العربية وقالى هى العربية دى نوعها ايه ...قولتله ستروين ..مش عايز اقولكم على التعبيرات اللى ظهرت على وشه كأنى قولت حاجة عيب !!!
ستروين من اكتر العربيات المحترمة اللى ركبتها فى حياتى ولو قدر لى انى معايا ثمن حاجة جديدة هاشترى ستروين تانى :)

بص يا باشا كده ده موضوع شفته بالصدفة
ده موضوع عن عربية honda sir بقالها على الاقل 15 سنة
وصاحبها صرف على عفشتها في التوكيل 8 الاف جنيه :)
خد بالك من صرف ,يعني مغيرهاش كلها
http://www.nilemotors.net/Nile/311184-sir.html

طبعا الموضوع جميل جدا ومشاركات حضراتكم اجمل بكتيييييييير
اسمحولي اعلق علي موضوع الصيانه الغالية ..... انا عربيتي اسبيرانزا 620 وطبعا قطع غيلارها اغلي من 516 لانها 2000 سي سي , ولما رحت عملتلها صيانة 40الف وغيرت حاجات كتيره لزوم الصيانة الدورية عارفين دفعت كام !!!!! دفعت 3100ج ودفعتهم وانا مستغرب اني ادفع علي صيني كل ده لكن الصراحه الاداء اختلف ...... فما بالكو بالفرنساوي الوروبي !!!!! لازم يكون غالي لانه بيفرق فى العمر الافتراضي والاداء
احب اصارح حضراتكم اني من اشد معجبين الفرنساوي وبالاخص السيتورين سي 5 ..... ونفسي اشتريها بس غالية عليا وربنا يرزقنا
اما بالنسبة للبنزين ............ بنزين 92 يشتغل كويس وبدون مشاكل ,,,,, والمفاجئة ان بنزين 95 بيوفر اكتر وبيعمل اداء عالي جدا
بالنسبة لاعادة البيع .......... فعلا بتخسر جامد ولكن بعد مرور حوالي سنتين او تلاته السعر بيكون مناسب فى اعادة البيع
لكن الصراحه يا جماعه السيتروين اعلي امكانيات وكماليات وقوة بودي من اي غربية تانية

ولكم جزيل الشكر