كيف تتعامل مع إزعاج جيرانك !!!!!

**medomadamody** · 01-10-2012 01:05 AM

يا باشا ما احنا بالنسبة ليهم الخليج
شوف السواقين بيتعاملوا ازاى مع بتوع اكتوبر
فاكرين ان كل الى ساكنين فيها عندهم بير بترول تحت بيته والله الواحد زهق للأسف مميزات اكتوبر كل يوم بتقل وخصوصا مع الاخوه الوافدين الى انت بتقول عليهم انا نفسى يتمنعو من دخول اكتوبر لأن معظمهم هما الى خربينها بلطجه وحرامية وشمامين وكل الى نفسك فيه

**Elawany13** · 01-10-2012 01:20 AM

المشاركة الأصلية كتبت بواسطة y a r i s

ماشي ياشباب. .... بس عاطف بما انك ساكن في سته اكتوبر .... شفت ازاي عربيات الانابيب بيخبطوا على الانابيب للساعه اتنين بالليل. .... شوفت الحيوان الي بيعدي بعربية نص نقل وبينده حليب يا قشطة لغايت الساعه وحدة بالليل. سواقين الفيوم. ومشاكلهم .... التكاتيك ولاد اللزينة. معرفش بيجيبوا الفلوس منين بيركبو حبت سمعات.

ده حتى في رمضان الناس الي بتبني مكنوش بيبنوا الصبح لان العمال صايمين وكانوا بيقعدوا يشتغلوا لغايت ادان الفجر .... وزي ماذكرت حضرتك بتوع الروبابكيا الي في سته كتوبر يجي ٢٠٠ عربية كلهم من الفيوم وبميكروفونات ليل ويا نهار. دول ازاي الواحد كمان يتصرف معاهم

@@@@@@@@@@@@@@

انا اهو قاعد بكتب المشاركة دي وبقالي ساعه. سامع صوت خبط. بياع الانابيب وعمال يلف في المنطقة وافضل اسمع صوت السنفونية بتاعتوا المشهورة

ياااااااااااااااابختك عندكم انابيب
اسكت انت فى نعمة
احنا هنا بجوار اكبر مصنع تعبئة انابيب فى الدلتا والناس كلها شرقانه ومش لاقيه الانبوبه
وناس بتموت فى سبيلها

**Y a r i s** · 01-10-2012 01:26 AM

انا امبارح كنت هتقلب يامحمد بسبب توك توك والعربية عرضتها مني. قوي كنت ماشي في الشارع العمومي الي بعد ميدان النجدة عارف الحته دي الاضائة مش قوية فيها ونور العربية مشغلوا وماشي في الحارة الي في النص. وكان العيال ورى بيتخانقوا على شيكولاته فيادوبك بلف علشان اخطف من الواد الشيكولاته واديها للبت بصيت لقيت مراتي بتقولي حاااااسيب. فجئة ببص قدامي لقيت حاجة سودة في وشي وداخل عكس في وشي. والعربية ايئ شمال وايئ يمين ويا هتقلب يا هضرب في عمود نووور ابن ستين زفت توكتوك مركب اربعه صحابوا من الاشكال الضالة وجي عكس في شارع عمومي ومطفي نوروا بيخرم ابن التييييت

لا والعربية معرضاها مني وفاقد السيطرة عليها سامع ابن الزفت بيشتمني. حتت شتيمه قذرررررررة وخد بعضوا وجري ابن ( .........) مش عارف انا ايه الي ممشيهم على العمومي. وازاي يخش عكس ومطفي نوروا. والشارع ظلمة وحاجة اخر قرف اجارك الله

**Y a r i s** · 01-10-2012 01:29 AM

المشاركة الأصلية كتبت بواسطة elawany13

ياااااااااااااااابختك عندكم انابيب
اسكت انت فى نعمة
احنا هنا بجوار اكبر مصنع تعبئة انابيب فى الدلتا والناس كلها شرقانه ومش لاقيه الانبوبه
وناس بتموت فى سبيلها

ايه ده انتا بتتكلم بجد يا بوحميد ان في ازمة انابيب. اومال ابن. اللذينة الي بيعدي بالليل ده كل يوم بيجيب الانابيب منيييييييين

ااااااااااه علشان كده ..... كده انا فهمت بالظاهر هو بيبيع الانابيب بالليل كده وخري علشان يبعها بالسعر الي هو عاوزوا سوووق سوده ياترى هو سعر الانبووبة بقت بكام دلوقتي اخر سعر كان بيبوعوها ب ٢٥ جنيه ياترى غليت دلوقتي كويس انتا قولتلي ان في ازمة يالله لمن يعدي كده على الساعه ٣ بالليل الفجر ابقى اخود منوا احتياط ههههههه

**S O P H O S** · 01-10-2012 03:45 AM

انا من كتر الازعاج
صدقني والله لو الدنيا هدوء خالص مش بعرف انام
لازم يكون في حاجة عاملة صوت ودوشة علشان انام
تعود بقي علي الطباع المصرية ..

**A.Saad** · 01-10-2012 12:07 PM

المشاركة الأصلية كتبت بواسطة moataz01mousa

ههههههههههههههههههههههههه ههههههههههههههههههههههههه هه
خلاص مش قادر امسك نفسى من الضحك
الحمد لله
كونت عايز اخد شقة فى اكتوبر و اتجوز
بس ممعيش فلوس
بعد الموضوع اللى انا قريتة دة و

يا غالى تنور اكتوبر كلها
انا ساكن هناك
بشوف بس بتاع الانابيب ومش كل يوم ولا كذا مرة فى اليوم
يارس بيبالغ ساعات
وفيه عندك احياء هادية واحياء دوشة
او ممكن تشوف كمبوند فى زايد
هيكون شوية اغلى من بعض مناطق اكتوبر

**Y a r i s** · 01-10-2012 04:33 PM

هههههههههههههه. يبقى انتا اكيد يا اسد باشا ساكن في المجاورة التامنة .... قولي ساكن فين بالزبط وانا ابعتلك بتاع اللبن. وعربيات الروبابكيا كل يووووم على الفجر ههههههههه

الموضوع: كيف تتعامل مع إزعاج جيرانك !!!!!

LinkBack

أدوات الموضوع

عرض

-

-

-

-

-

المواضيع المتشابهه

ازاى تتعامل مع عربيتك

كيف تتعامل مع هذه الشكوى؟؟؟؟؟؟؟؟؟؟؟؟

كيف تتعامل مع البلطجية

أرجوا من المصريين كلهم بلاش إزعاج في الأماكن و المواصلات العامة

كيف تتعامل مع سواقي التاكسي

الكلمات الدلالية لهذا الموضوع

المفضلات

المفضلات

ضوابط المشاركة