الموضوع: كيف تتعامل مع إزعاج جيرانك !!!!!

بسم الله الرحمن الرحيم





بالفترة الاخيرة وبعد الانفلات الامني وقبله الانفلات الاخلاقي .... حابب اسئل حضارتكم انتو بتتعاملوا ازاي مع ازعاج جيرانكوا .... تصور مثلاً انك بعدت عن القاهرة وجو القاهرة ورحت دفعت شيء وشويات وسكنت في منطقة هادية لكن مع مرور الوقت المنطقه الهادية دي بقت مدينة. وبقى فيها. هدوء ودوشة. يعني مية سخنه مية ساقعه لا انتا عارف تتعود على الهدوء ولا انتا عارف تتعود على الدوشة

تبقى الدنيا هدية. وهوس هوس وفجئة يعدي توك توك افندي. بزماميروا وكلكساتوا وسباتوا وسمعاتوا يصحي الدنيا .... تبقى قاعد في امان الله. ونايم وفي سابع نومه وهوبا. تصحى على صوت خناقه وزعيق وصويت. .... تبقى ماسك كتابه ولا جرنال كده ولا حتى مقالة. ولا شوية شغل بتخلصوا وفجئة. واد معاه عربية فاتح الاربع ببان ومشغل صوت الكاسيت على الاخر علشان يتسلى .... واحياناً ورغم التحضر الي المفروض وصلنالوا يحصل فرح ولا خطوبة تسمع صوت زغاريط ودي جي للساعه سبعة الصبح. ..... دي في واحد جمبنا عمل فرح ابنو تالت ايام بلياليهم تقلش شهرايار بسلامتو واتجوز الاميرة مرجانه .... وطلع في النهاية ابن الغفير الي جمبنا

في مرة كنت تعبان جداً وعاوز انام ومش قادر انام من ميكس الصوت الي سمعوا. واحد عامل صوان للساعه ٢ بالليل. فاهمين يعني ايه صوان عزى للساعه ٢ بالليل وفي نفس الوقت فرح شعبي طحنننننننننننن والاغاني الوسخه الي اكيد كلنا سمعناها ومفهمناش منها حاجة

اتصلت على البوليس يومها .... قلتلوا لو سمحت انا في المكان الفلاني. ومن المغرب لحد دلوقتي واحنا قرب الفجر وانا سامع صوت فررررررح وصوان ومش عارف انام قالي ااااااااااه. ده فرح ساعتك في الحي ١١ قلتلوا طيب انا في ...... ....... وسامع الصوت رغم اني بيني وبينوا. ٤٠ كيلو

لكن دون اي فايدة وعبثاً احاول



مفيش قانون يحميك .... او يحمي راحتك في بيتك
وحتى لو كنت ساكن في شقه والشقه الي فوق منك. عندهم عيال بيطنططوا طول الليل برضوا مليكش حاجة عندهم .... ويطنططوا براحتهم. مليكش دعوووووووة

لو حمام الشقه الي فوق منك بيخوووور على حمامك. برضوا مليكش دعوة خليه يخور براحتوا .... ولو مش عاجبك ابعت جيبلنا سباك وسيراميك وطقم صحي وحياة ابوك بس نقيه كيلوبترا



تعمل ايه علشان تعرف تنام
والجميل ان كل عربيات المنطقه مركبة جهاز انذار في عربيتها وطول الليل في عز الهدوء تسمع صوت وي وي وي وي
وتلاقي العربية الي جمبها ويك ويك ويك ويك

ليه مفيش قانون يحميك من جيرانك. .... واذا واحد غلط تطلبلوا البوليس والبوليس يشدوا مباشرةً للقسم ويعملوا قضية. إقلاق راحت المواطنين او السكان !!!