عرض للطباعة
السلام عليكم
انا والدى بيفكر يجيب العربيه دى Speranza A516 2012
بس الغريب ان انا لئيت دى صورها على جوووجل :untitled 1:
http://www.nilemotors.net/wp-content...-a516-2012.jpg\
http://img4.bitautoimg.com/autoalbum...11_550x366.JPG
هى دى يا جماعه ولا لا ؟؟؟
لو مش هى تفرق ايه عن ال 2011 وشكراً
متابع
هتبقي تاكس بردو ؟
المشكلة انها صيني و ده في حد ذاته مسبب عقدة كبيرة لكتير من الناس مش عارف هل بسبب اننا ما بنشوفش غير المنتجات الفرز التالت و الرابع من الصين ولا ايه ولا الناس ماتعرفش ان منتجات الصين انواع ؟؟؟؟!!!!!!!!!
طب هو ده شكلها ؟؟؟اقتباس:
المشاركة الأصلية كتبت بواسطة mshmshm3
بس دي مكتوب عليها e5 مش a5
يتهيألي ان دي عربية تانية من شيري
هي فعلا ال 516 الاصدار التاني منها
لكن مانزلتش مصر
وفي الغالب ابو الفتوح مش هاينزلها
نفس الكلام علي التيجو ظهر منها نسخه جديده
لكن ابو الفتوح مبسوط من الاصدارات الحاليه وعامله شغل كويس معاه
صينى وكمان اسبرانزا--فيه حاجات صينى انضف
الضهر من ورا صينى صينى عن جداره
اولا التاكس دة بقى شتيمه يعنى انتشار العربيه ده فى صالحها مش ضدها ده بيوفر ليك اعتماديه وقطع غيار ويافرحتلى بعربيه انا لوحدى بس راكبها وصدقنى لو سواق التاكسى لقى ان السيراتو تنفع تاكسى كان جابها وسواقين التاكسى مش بيركبوا غير الغربيه اللى بتستحمل والله انا شايف بعينى وكبت مع سواق تاكسى عامل بالاسبرنزا 220 الف كيلو ياباشا خلاص انتهت خكايه الصينى ده والناس خلاص عرفت كده اسبرنزا برلينس وجيلى القادمه وهو ده الجيل القادم والناس هتعرف كمان وكمان:majd(4)::majd(4):اقتباس:
المشاركة الأصلية كتبت بواسطة mshmshm3
كلامك صح الصح
الشكل ده منزلش مصر ولا هينزل لان نزوله هيشكل تكلفه اضافيه لتطوير او تغيير خطوط الانتاج وبالتالي هتقل ارباح ابو الفتوح علشان متتوقعش نزولها مصر الا بعد فتره
وده العادى من اى مصرى الربح ثم الربح ثم الربح
ده قرب يقولنا عبوكو كلكو
ابو الفتوح عمره ما بيغير اشكال عربياته ولا حتي بيطور .............. فاكرين الدايو بكل انواعها !!!!! عمرو ماغير من شكلها غير شكل الفانوس الخلفي فى موديل 2000 ومن بعدها 13سنه علي نفس الوتيره
ونفس المبدأ فى الاسبيرانزا من 2006 حتي الان ماغيرش ومش حيغير لا شكل ولا مواصفات
وده اكبر عيب فى ابو الفتوح
انا كان نفسي ينزل 620 الشكل الجديد ..... شكلها وامكانياتها خرافيه
لكن حنتظر طول العمر ...... ومش حيجيب جديد
غصب عنه ها يغير
الجيلي الجديده هاتوقف مبيعاته هو الراجل بتاع الامل وكيل بي واي دي
هو كونها منتشرة كتاكسي ده طبعا مش عيب خاصة لو اشتريت لون بعيد عن الابيض علشان ماتتهريش عتبة عتبة وانت ماشي ههههاقتباس:
المشاركة الأصلية كتبت بواسطة mshmshm3
لكنه برضه مش دليل سوى على رخص قطع غيارها وانتشارها
لكن الاعتمادية لا .... يعني الشاهين تاكسي برضه تبقى اعتمادية بالعكس
سواق التاكسي مستعد يروح للميكانيكي كل يوم وضارب معاه صحبية وبيحاسبه حساب خاص
انت ممكن تعمل كده اشك طبعا معظمنا عاوز يركب ويدور ويمشي ويروح بس للتوكيل وقت الصيانة
أما الصيني انواع فدي عندك حق فيها برضه
كنت في المانيا من فترة ولقيت بضاعة صيني كتير لكن جايه من مناطق في الصين نسبيا متقدمة هناك
والبلوبيرد سيلفي متجمعة في الصين بس نيسان (يعني متجمعة في مكان محترم) وتمنها 155 الف جندي رغم انها مافيهاش ملتي فنكشن
الوضع هنا يختلف التوكيل بيجيب العربيات الرخيصة وساعات بيجمعها في مصر وكان فيه فضيحة لقطع غيار الاسبرانزا كلنا سمعنا عنها من أبو الفتوح لما جاب قطع غيار مضروبة بس ارخص عليه مش علينا
مع احترامي للصين كدولة نامية كبيرة وبتجمع كمبيوترات توشيبا على اعلى مستوى كمان ... لكن
انا اتردد كتير قبل ما احط فلوسي في عربياتها الي بتيجي عندنا لحسن تكون زي فوانيس رمضان هههه فرز عاشر
مع الاعتذار لملاك الصيني ده مجرد رأيي وممكن اوي يكون مش صح
تقبولي تحياتي
والله حضرتك ده رايك بس اللى انا عايز اقوله ليك ان من 10 او 15 سنه كان هو ده اللى بيتقال على العربيات الكورى اللى دلوقتى الشعب المصرى بيتعامل معاها على انها مرسيدس وبالتالى ده طبيعى جدا لاى دوله بتدخل فى سوق السيارت وخاصه مصر و1لك لان المصريين متعودين على جدا يحبوا اى ماركه لدرجه الجنون وبعد كده يشتموا فيها بدا من سياره الشعب 128 الى البيجو الفرنساوى 504 !!!!! تقدر انت دلوقتى تقول حد هات فرنساوى تلاقى اللى بيقولوا لا ياراجل هو فى احسن من الكورى اللى هو ظهر بعد العربيات دى ب 20 سنه ....وعجبى !!!!!اقتباس:
المشاركة الأصلية كتبت بواسطة Ultramisho
:khd:
مع احترامي للفرنساوي .......... لكنه افضل السيارات حتي الان وينافس الالماني وبالاخص البي ام والمرسيدس فى الثبات و القوه والسرعه
لكن لو حنرجع تاني لموضوعنا ....... فانا بقولك ان ابو الفتوح واعوانه بيلعبو علي المواطن اللي نفسه يركب عربيه امكانياتها عاليه ورخيصه ....... فبيجيب قطع غيار غير اصليه
بالمناسبة انا من مالكي اسبيرانزا 620 وكنت من مالكي 516 ومعجب بيهم جدا ..... بس للاسف لو معايا فلوس اكتر ان شاء الله ححول للفرنساوي او الالماني ...... لا الكلام البايخ والتعليقات السخيفه علي الصيني خلاني تعبان جدا مش كده وبس جه عم ابو الفتوح يكمل علينا