الموضوع: الحمــــــــــــــــد لله اشتريت الكاسيت والسماعات

السلاااااااااام عليكم
ازيكم يا جوووووودعاااان
ايه اخبار عدد الصوت بتاعتكم

انا من فترة كنت عايز اغير الكاسيت والسماعات
وكنت محتااااااااار جدااااااااا
لكن بعد قراءة مواضيع المنتدى وخبراء الصوتيات كنت استقريت على الكاسيت السونى ال 500 وسماعات جى بى ال او كينووود
الحمد لله كده الحيرة قلت
طبعاااااااااااا جرجاوى باشا مينفعش يسبنى مرتاح فقالى بلاش السونى
واقنعنى
طب وبعدين
قلت اتوكل على الله واجيب كاسيت بايونير وببلوتوث كمان ماهى خربانة خربانة
بس للاسف ملقتش ولا كاسيت بايونير ببلوتوث اضاءته حمرااااا

طب والحل
المرة دى بقى جرجاوى ريحنى وقالى هات بايونير باضاءة حمراااا
كنت نويت على ال3350 و سعره على حسب اخر موضوع على القسم هنا كان 680 جنيه
المهم
نزلت وكان عندى مشوار فى باب اللوق وعبد العزيز
قلت طيب ما اشوف النظام هناك ايه
بعد لفة سريعة لقيت
ال3350 سعره 655
ال 4350 سعره 695
قلت حلو اوووووووى
انا كنت عامل حسابى على 680 يبقى اجيب ال4350 واستفيد بتعدد الوان الاضاءة
وكنت هشتريه خلاص بس ملقتش السماعات هناك
قلت خلاص اشوف السماعات الاول (ازاى فكرت كده مش عارف ) الطبيعى انى اشترى الكاسيت وبعدين اجيب السماعات من التوفيقية عشان مرجعش تانى
بس عملت كده لييييه (من عند ربنا الحمد لله)
قبل ما اروح التوفيقية رحت باب اللوق وعديت على ادريان
عندك يا عم 3350
لا
طب ال 4350 لاااا
امال عندك اييييه
قالى عندى ال5350
شكله حلو وكمان سنترييييييت
طب ازاى ادريان بالسعر ده
اكيد فى حاجة غلط
المهم
كملت ورحت على التوفيقية (والفكرة اللى فى دماغى اتغيرت وعدلت التفكير الى 5350)

دخلت على البركة
ملقتش عنده اى واحد منهم
دخلت على الارخص
عندك ال5350
اه
بكام يا عم
وكانت المفاجأة
680
انا فرحت اوى
بس طبعااااااا عشان انا مصرى
طب اخره كام يا عم
قالى 670
قلت ادخل بقى على اخر محل
توكيل المنتدى (ارخصهم )
لقيت عنده ال 5350
بكاااااااااااام بقى
750

قلتله 750 ولا 650
قالى لااااا 750
طبعااااااا طيااااااارة على الارخص قبل ما يرجع فى كلامه
قلتله عايز الكاسيت ال 5350 (لقيت واحد تانى غير اللى اتكلمت معاه)
وهو بيكتب الفاتورة قمت راميله الكلمة المعتادة
مش هتعمل معايا واجب
قام كاتب فى الفاتورة
660 فقطططططططططط
والجهاز تايلندى مش صينى
وقعد ينصحنى بالسماعات البايونير
بس انا كنت ناوى على الكينوود او الجى بى ال
وفجأة افتكرت ان الكينوود محتاجة جى ام عشان دبل بيييييز
قمت توكلت على الله واشتريت الجى بى ال من توكيل سيمفونى اللى قدام الارخص
بكام يا عم السماعات
قالى 265
قلتله فى ناس شارينها ب 255 من كام يوم (كان فى واحد معانا على المنتدى كاتب تقرير)
قلتله ده كاتب سعرها على النت
قالى يعنى مش هنعرف نكسب منكو
قلتله لاااااااااااااااا
واشتريتها


انتهى الفصل الاووووووووووووول
ومع فاصل من الصور




ورجعنلكو تانى بعد الصور

بالنسبة للتركيب
انا لسة مركبها انهاردة والكاسيت ما شاء الله شكله تحفة
وركبت السماعات
وشغلت
بس اتصدمت فى الصوووووووت
البيز ضعيف اوى
قلت اكيد الجى بى ال البيز بتاعها مش زى الكينوود بس مش هيبقى كده
دخلت على الاوبشنززززززززززز بتاعة الكاسيت وظبطت الاوكلايزر و ال loudness
وفجأة
كأنى ركبت كينوود دبل بيييييز (مش اوى يعنى )
الصوت والبيز بقى تحفة ما شاء الله
ونقاء الصوت جميل جدااااا

وفى النهاية احب اسمع اى اسئلة

معلش نسيت احط الصور

المشاركة الأصلية كتبت بواسطة eldell

الف مبروووووك يامومو وربنا يباركلك فيهم وعقبال البازوكا او الصب ياحبى

الله يبارك فيك
بس موضوع البازوكا خلاص
انا لسة بايعها وكانت جى بى ال القديمة
هشترى تانى ليه
بتااااااااااااااكل الشنطة

المشاركة الأصلية كتبت بواسطة hamdymsr

مبروك عليك الطقم الجديد
واسمحلى استفسر منك عن بعض حاجات لأنى ان شاء الله على وشك الشراء
وكنت ناوى على ال Sony500 ممكن اعرف الفرق بين الجهاز اللى معاك وال sony

ثانيا : انا عندى السماعات هتكون مدورة مش بيضاوى ترشحلى اية
ولو تعرف سعرهم يبقى كتر خيرك

الله يبارك فيك
الفرق الاول
ده سونى واللى معايا بايونييير
انا كنت ناوى على السونى
بس ناس كتييييييير قالتلى كاسيت يعنى بايونير
ده اولا
نيجى بقى للاختلافات العادية
اللى معايا 3 باند اولايزر والسونى 7 باند (لصالح السونى )
اللى معايا سنتريت والسونى عادى (لصالح البايونير)
وتحكم الايبود واضاءة لونين (احمر و اخضر)
مش عارف بصراحة ايه الفروق تانى
بس الناس هنا مممكن يفيدوك

وبالنسبة للمدورة
الله اعلــــــــــــم

المشاركة الأصلية كتبت بواسطة eldell

هههههههههههههه ممكن صب والبوكس صغير مش هياكل الشنطه

ممكن بس معتقدش حالياااا

التركيب فين وبكام. طبعا بعد الف مبرووووك لولولولولي

المشاركة الأصلية كتبت بواسطة eljokr2010

التركيب فين وبكام. طبعا بعد الف مبرووووك لولولولولي

التركيب شخصـــــــــــى
انا اللى مركب
طبعا بعد الله يبارك فيك