الموضوع: و ديني لأقطع عنهم المصروف !!!!!!! ههههههههه

المشاركة الأصلية كتبت بواسطة devilishtigers

انا كل اللي شايل همه يا ترى هعرف اربي ولادي زي ابويا وامي ما ربوني ولا لأ

إن شاء الله هتعرف تربيهم زي ما اتربيت لأن فاقد الشىء لا يعطيه ياسيدي

فلأن حضرتك اتربيت صح وعرفت قيمة ومعنى التربية بالتالي هتحاول بكل قوتك تعمل كدة معاهم
ما تقلق (وبعدين دا بيبقى تااااااااااااااااااار ولازم ناخده ههههههههههه))

تحيتي

المشاركة الأصلية كتبت بواسطة محمد جلال

انا لسه مجربتش الاخ عبدالرحمن عندى 9 شهور دلوقتى بس البوادر باينة أصل انا كمان من بتوع من اعمالكم .......... الجيل ده غير جيل نتيت انسواالضرب لانى مش عايزه من اللى بيمشو بالعصاية والجزرة وجتته هتنحس ومتفرقش معاه العقاب الافضل وهو صغير مكلموش (مقاطعة شاملة) لو أخطاء ولو تصرف كويس اكافئه انا نفسى يوصل لقناعة شخصية بالاحساس بالمسئولية ازاى !!!!!!! ولما يكبر الثواب والعقاب وسلاح المال ( المصروف طبعاً ) هينفع وله لا حاجة تحير بجد جميل من حضرتك انك فتحتى الموضوع ده يا ريت الاباء الخبرة ذوى التجارب الذرية يفيدونا بتجاربهم مع الجيل الخرافى ده اما بالنسبه لياريس خلى الطبيعة تاخد مجراها اهئ اهئ اهئ

ربنا يخليلك عبد الرحمن باشا وتشوفه حالا 19 سنة مش بس 9 شهور ووقتها لو فى العمر بقية
هاجي هنا وهسأل حضرتك من جديد بتعمل ايه معاه دلوقتى؟ ههههههههههههه
نيجي بقى لتعليقي على كلام حضرتك
طبعا أنا اللى بشكر حضرتك على تواصلك ومشاركتك وان الموضوع عجبك
المشكلة بقى إننا فى الآخر نلاقي نفسنا بنعمل فى ولادنا نفس اللى اتعمل فينا لقناعتنا بإنهم كانوا صح

تحيتي واحترامي

فيه في علم التربية حاجة اسمها ( استنساخ الصفة )

وبيضربوا مثال عن بنت متمردة وأمها بتعاملها بقسوة ومحاسبة دقيقة وهي دايما شايفه إن دي قلة ثقة وسوء تربية من والدتها لها وتعنت ليس له مبرر

بعد ما تتجوز وتخلف بنت نلاقيها بتعيد نفس المشاهد مع بنتها

وعلى العكس لو واحدة متعودة تناقش أمورها بهدوء مع بناتها نلاقي البنات يستنسخوا الصفة الكويسه دي وفي بيتها في المستقبل ما حدش يسمع حس لمشاكلها مع أولادها

مش كل شوية الناس يسمعوا صراخ وخناقات ونقد بالزعيق وطفشوني ومنهم لله وربنا ياخدهم ويريحني منهم وأنا خلاص مش قادرة العيال جننوني ووالله العظيم أكسر عضمك وأصوات جزم بقى ومكانس نازلة ترف يمين وشمال وووو من الحوارات المصرية العظيمة

المشاركة الأصلية كتبت بواسطة totaa

ربنا يخليلك عبد الرحمن باشا وتشوفه حالا 19 سنة مش بس 9 شهور ووقتها لو فى العمر بقية
هاجي هنا وهسأل حضرتك من جديد بتعمل ايه معاه دلوقتى؟ ههههههههههههه
نيجي بقى لتعليقي على كلام حضرتك
طبعا أنا اللى بشكر حضرتك على تواصلك ومشاركتك وان الموضوع عجبك
المشكلة بقى إننا فى الآخر نلاقي نفسنا بنعمل فى ولادنا نفس اللى اتعمل فينا لقناعتنا بإنهم كانوا صح

تحيتي واحترامي

[justify]

الله يخليكى وعقبال ما تبقى عروسة ونشوف أولادك إن شاء الله انا من الناس اللى بفكر بعقلى ومبخليش ايدى تسبقنى اباء زمان واطفال وشباب زمان كانو مختلفين الطاعة واننا نسمع الكلام ومنعترضش على بطال ده كان زمان كان اقل حاجة بترضينا دلوقتى فى كل حاجة لكن الرضا فين ؟؟؟ دى ظروف وقت وزمن وجيل هحاول افهم عبدالرحمن واصاحبه بحدود لازم اعمل كده معاه هو واخواته إن شاء الله وإن شاء الله هعوده على المسئولية مش هخليه يعتمد على فى كبيرة وصغيرة لازم اديله فرصته يختار فى المسموح أتمنى ربنا يعيننى على ذلك واشكرك مرة اخرى

[/justify]

بحس احيانا ان الفكرة في احساس قلب الادوااار .. عشان يشوف رد الفعل على ولاده ههههههه

بجد الاطفال بيتاثروا بسرعة فالازم يكون العقاب على اد الموقف اللي حصل
لا زيادة ولا اقل عشان يخلق جوا الطفل احساس بالتوازن والعدل
وان ده حصل عشان هو عمل الموقف ده واللي عمله كان غلط
لكن لو العقاب زايد عن الحد او جسدي بيعمل ازمة مهما فاااات وقت
وعشان كده نلاقي ناس كتير بعض المواقف فاكرينها زي ماتكون حصلت امبارح

بس اسوأ عقاب وللاسف بيحصل كتييير
الصوت العالي بزيادة في وش الطفل مهما كان الطفل شقي ومش بيهمه
بياثر فيه وبيبقى عنده شوية تردد او عدم ثقة في النفس بعدين في اي مناقشة او مواجهة

المشاركة الأصلية كتبت بواسطة sanhory

فكرتوني بعلقة اخدتها و انا صغير وانا في اعدادي , بس كان ابويا بيستعمل سلاح سحري الا و هو ضهر مضرب الدبان كان بيلسع و رخم

المهم قالي قوم صلي قولتله ماشي سابني دخلت الحمام و خرجت و دخلت اوضتي جالي بعديها سألني صليت قولتله اه
قالي يعني انت صليت قولتله والله صليت و عينكم ماتشوف الا النور طلب المساعدة من الحاجة و الحاجة بتيجي تقعد علطول هي تقعد و هو يمد عالرجلين بمضرب الدبان الفلوط بتاعه

المهم بعد ما مدني قالي وانت بقى صليت ازاي من غير وضو ولا اتيممت ؟ ارضيت الحمام نشفة و الشبشب ناشف !!!

انا صعقت طبعا و قفلت بقى هو اللي زعله اكتر اني بحلف بالله كدب

بس ارجع و اقول كتر الف خيرهم ربونا احسن رباية ربنا يديهم الصحة

بس انا ولادي دلوقتي عمري مضربتهم بحاجة علطول ساعات بزعق و بندم اني زعقت في وشهم و بعض الاحيان بضرب بايدي بس في حالات قصوى

بداية أشكرك على مشاركتك وكل الاحترام لتصرف والدك وقتها
(لا والله بتكلم جدا جدا ) وهقول لحضرتك ليه:ـ
لأني مع العقاب اللى يكون على قد الذنب خصوصا لما يكون الذنب له علاقة بسلوكياتنا وأخلاقنا
لما نكبر عشان كدة لازم يكون التقويم سريع ورادع ..لكن اللى مستغربة له هو موقف الوالدة
يعني هو حر معاك لكن هى كمان تساعده !!! ههههههههههههههههه حرام والله فعلا هنا صعبت عليا
حسيت إن فيه اتفااااااااااااق عليك ..
يمكن زي ما فهمت من حضراتكم إن إختلاف الزمن بيختلف فى رد فعل أي اب وأم
يعني جيل التمانينات واللى قبله كان مطيع إلى حد ما وشقاوته كانت ليها حدود لكن كان العقاب
على السلوك أكتر منه على الشقاوة
تحيتي وكل احترامي

توتااااااااااااا

المشاركة الأصلية كتبت بواسطة nonia

بحس احيانا ان الفكرة في احساس قلب الادوااار .. عشان يشوف رد الفعل على ولاده ههههههه

بس اسوأ عقاب وللاسف بيحصل كتييير
الصوت العالي بزيادة في وش الطفل مهما كان الطفل شقي ومش بيهمه
بياثر فيه وبيبقى عنده شوية تردد او عدم ثقة في النفس بعدين في اي مناقشة او مواجهة

فكرتيني يا نونيا بالمقولة (الصوت العااااااااالي دليل على ضعف موقفك هههههههههه)

لكن أنا فعلا بتفق معاكي فى ان الزعيق فى وش الطفل سىء للغاية وبمرور الوقت هيخلق طفل عصبي
وصوته عالي . لكن فيه سؤال هنا بجد مش عارفة اجابة له وهو :ـ
إزااااي نضبط أعصابنا ونحكم عقولنا قدام أي تصرف صعب من ولادنا؟؟
يعني اجيب الصبر منين والهدوء قدام مثلا كارثة عملها أو عملتها؟؟؟؟

تحيتي واحترامي

توتاااااااااا