بالصور تقرير عن مقابلة المنصورة الثانية 28/9/2012

بسم الله الرحمن الرحيم

تقرير مقابلة المنصورة الثانية بتاريخ 28/9/2012
الحمد لله كان يوم جميل جداً وكلنا اتبسطنا جداً
المكان : المنصورة عند باركينج مول عوض الله الجديد
الزمان : بعد صلاة الجمعة

الحاضرين :
1- محمد عاكف
2- مصطفى علاء
3- أحمد غالي
4- محمد مدحت
5- باسم طه
6- مالك

أحداث المقابلة تمت بشكل غير متوقع تماماً
أول الحضرين كان محمد عاكف وانا و محمد مدحت وصلنا بعده وبعدين وصل مصطفى يليه احمد ثم مالك اللي دايماً بيجي متأخر ويمشي بدري :bye:
بعد ما كل الناس وصلت قعدنا في الكافيه وطلبنا المشروبات قعدنا نتعرف لأن انا و احمد غالي ومحمد مدحت كنا أول مره نقابل مالك وعاكف و مصطفى
وفجأة عاكف قال هنتغدنا فين الظاهر كان جعان :U_thin1[1]: وفجأة في حد قال طيب ما تيجوا نتغدى في رأس البر وفجأة انا مصدقت قلت قشطه وكان في قبول من باقي الحاضرين فأتفقنا اننا هنخلص الطلبات اللي طلبناها ونشد على رأس البر على طول
دخلنا عوض الله بالمره علشان احمد كان عايز مناديل :ok:
صلينا العصر و توكلنا على الله رحنا رأس البر بعربيتين بس عربية عاكف و عربية مالك طلعنا على الطريق و طبعاً كنا عايزين نشد علشان نلحق نعد هناك شويه ولكن :majd(4): ماااااااااااااالك ماشي على 60 تقريباً
وكل شويه نستنى لحد لما يجي نقوله يلا يا مالك يقوم ضارب الكيكاكيه ويسبق عاكف يحصله ونسبقه ونبقى ماشيين 120 وبرده مفيش دقيقتين ويختفي مالك مره أخرى من على الخريطة :36_1_50[1]: المهم فقدنا الأمل وقلنا نمشي احنا و نبقى نستنا على أول البلد
عاكف لقى واحد معاه اوكتافيا قال لما يعلم عليه وياااااااااااااااااريته ما شد معاه بتاع الاوكتافيا كان :B4_048: هههههههههههههه
المهم وصلنا أول البلد وطبعاً قعدنا نستنى مالك تاني وأخيييييييييييييييييييييي يراً الحمد لله وصل وصل وصاااااااااااااااااال :coool:
دخلنا رأس البر صلينا المغرب و طلعنا على فرينش فرايز نتغدى ده طبعاً بعد ما مالك توهنا شويه في البلد لأنه مكنش يعرف مكانه ههههه وبعدها روحنا نتمشى شويه على اللسان ورجعنا تاني المنصورة علشان مالك كان عايز يروح :brn:
رجعنا المنصورة سالمين الحمد لله وطلعنا على الكافيه بتاع مالك وشربنا كل اللي نفسنا فيه :wink: وزي ما مصطفى كان متفق معاه كل واحد ليه 5 مشاريب مجاناً وأي مشروب بعد كده بــــ نص جنيه انا الصراحه أعترضت جداً على حكايه النص جنية دي لأن كدا كتير بس في الأخر وافقت بعد ما عاكف أصر :Copy of m-s5:
وروحنا بعدها وكلنا كنا مبسوطين الصراحة وكان يوم جميل و انا شخصياً أتمنى انه يتكرر
ودلوقتي أعزائنا المشاهدين جه معادكم مع فقرة الصور :bye: .
http://imageshack.us/a/img824/9201/20120928191421.jpg
محمد مدحت على اليمين ومالك على الشمال و انا اللي كنت بقطع البيتزا :tongue06:

http://imageshack.us/a/img835/9910/20120928191412.jpg
مصطفى علاء

http://imageshack.us/a/img228/7313/20120928191428.jpg
عاكف

http://imageshack.us/a/img405/1313/dsc02105y.jpg
باسم على اليمين ومحمد على الشمال

http://imageshack.us/a/img441/2363/20120928191352.jpg

ودي شوية صور جنب اللسان

http://imageshack.us/a/img189/6989/dsc02113jq.jpg

http://imageshack.us/a/img211/4800/20120928200609.jpg
احمد غالي

http://imageshack.us/a/img440/1107/20120928200538.jpg

http://imageshack.us/a/img820/9183/dsc02110be.jpg

http://imageshack.us/a/img338/5879/dsc02112xh.jpg

http://imageshack.us/a/img202/7668/dsc02106a.jpg

http://imageshack.us/a/img585/3065/dsc02115ro.jpg

http://imageshack.us/a/img526/8780/dsc02114yf.jpg

ودول بقى الصور اللي كانت عند مالك في المحل :16:

http://imageshack.us/a/img5/249/20120928225318.jpg

مالك وترحيبه الحار بينا في المحل

http://imageshack.us/a/img195/2318/20120928225530.jpg

http://imageshack.us/a/img337/4586/20120928225455.jpg

http://imageshack.us/a/img339/6957/dsc02116x.jpg
عاكف بعد أول كوبايه سيبيا تقريباً كان عامل دماغ حلوه :0002014A:

http://imageshack.us/a/img844/3793/dsc02118ll.jpg
واحنا بنلعب UNO :10D5C8w1107:

http://imageshack.us/a/img138/8857/dsc02119sm.jpg

في النهاية أحب أشكر كل اللي حضروا ( عاكف - مصطفى - احمد - مالك - محمد ) كان يوم جميل جداً ميتنساش وبالنيابه عن كل اللي حضروا نتمنى نشوف باقى المنصوروية في المقابله الجاية .
كان معكم من قلب الحدث باسم طه

:bye:

http://www.nilemotors.net/Nile/28816...-2012-a-3.html

حبيبى اجدع تقرير و الله
تسلم ايدك و اللاب بتاعك ههههه
بس فى غلطتين فى التقرير وجب انى اصلحهم ههههههه
اولا مش انا اللى توهتكوا فى راس البر ده عاكف هو اللى كان تايه و متوهنا وراه ( انا برييييييئ ياعمنا ههههه )
ثانيا العصير اللى انتوا شربتوه اسمه سابيا مش سيبيا ههههههههههه
سوبيا يا عم سوبيييييييييا اية سيبيا دى ههههههه
و اية صحيح الصورة الفضيحة اللى انتا حاططهالى دى ههههههه الصورة رقم 12
بس يا جدعان بجد كان يوم لذيذ جدا و سريع جدا و مليان مطبات ههههههههه
ربنا يجمعنا دايما على خير
و ان شاء الله تبقى عادة نتجمع كلنا و كل اللى محضرش يحضر المرة الجاية

اقتباس:

---

المشاركة الأصلية كتبت بواسطة Medo.Malek

حبيبى اجدع تقرير و الله
تسلم ايدك و اللاب بتاعك ههههه
بس فى غلطتين فى التقرير وجب انى اصلحهم ههههههه
اولا مش انا اللى توهتكوا فى راس البر ده عاكف هو اللى كان تايه و متوهنا وراه ( انا برييييييئ ياعمنا ههههه )
والله كنت عارف انك هتقول كدا هههههههههههه وانا غلطت فعلاً اللي توهنا كان عاكف بس انا مخدتش بالي منها إلا بعد ما حطيت التقرير
ثانيا العصير اللى انتوا شربتوه اسمه سابيا مش سيبيا ههههههههههه
سوبيا يا عم سوبيييييييييا اية سيبيا دى ههههههه
معلش أعصورني أصل انا متعود أكل السيبيا و الحاجات دي لكن عمري ما شربت المشروب العجيب ده
شوفت عاكف عمل ازاي منه ههههههههههههههههههههه
و اية صحيح الصورة الفضيحة اللى انتا حاططهالى دى ههههههه الصورة رقم 12
مالها دي زي الفل والله
بس يا جدعان بجد كان يوم لذيذ جدا و سريع جدا و مليان مطبات ههههههههه
ربنا يجمعنا دايما على خير
و ان شاء الله تبقى عادة نتجمع كلنا و كل اللى محضرش يحضر المرة الجاية
ربنا يسهل و نحاول نعمل ايفينت تاني يوم الجمعه الجايه ولا حاجه

---

حبيبي يا باسم تقرير جامد تسلم ايدك ده انت مسبتش تفصيله الا و قولتها حتي المناديل :majd(4):
لا كان يوم فعلا تحفة محستش اني غيرت جو مع ناس حلوة كدة من زمان و كانت السوبيا تحفة متتنساش :ma(36): عدي اليوم بسرعة و استمتعني بيه جدا و مطباته كانت عامله شغل برضو
و بجد اللي مجاش هوة اللي خسران ان شاء الله تتكرر كتير و لازم الكل ييجي بلاش الحركات دي :verygood:

صحيح ايه الصورة رقم 12 دي انا متوقعتش انك تحطها لازم فضايح يعني هههههههههههههه

اقتباس:

---

المشاركة الأصلية كتبت بواسطة medoghaly

صحيح ايه الصورة رقم 12 دي انا متوقعتش انك تحطها لازم فضايح يعني هههههههههههههه

---

دي صورة عاديه جداً مفيش فيها أي حاجه يا جماعه :ilikeit:

اكملك انا التقرير الى عندى علشان كنت مسافر اليومين الى فاتوا دول



متجمعين فى المكان الى تستاهلوه كده ان شاء الله يا رجالة:):):):):):)


و الله كان يوم حلو فعلا


و حصل فيه شوية حجات غريبة مكنش حد متفق عليها خاااااالص



احنا كنا متفقين اننا نتقابل و نقعد مع بعض شوية فى الكافيه على ما باقى الناس تشرفنا بس تقول ايه بقا الناس مجتش مش عارف ليه الصراحة رغم ان كان فى ناس مأكده حضورها مرتين على الموضوع التانى بس لعل المانع خير ان شاء الله

و د.ابو نضال كان قال انه جاى بس تقريباا هو صلى هناك و مشى على طول مش استنى حد فينا لو بس حضرتك كنت تتصل باى رقم تليفون من الى كانوا موجودين على الموضوع التانى كان زماننا جينا لحضرتك على ما باقى الرجالة تتجمع يلا ملناش نصيب نشوفك النهارد ده



المهم ان يوم الجمعه بعد الصلاة او على الساعه 2 كد تقريباا جالى تليفون من عاكف ايوه انت فين انا لسه فى البيت :)

طب مش ناوى تنزل لقيته بيقولى انا فى المول بتاع عوض الله و فى البارك اهوه تعالالى على هناك على طول

المهم نزلت و روحتلهم لقيت هناك عاكف و باسم و محمد مدحت زميل باسم

طبعا بعد التعارف على الرجالة الى زى الفل انا قاعد بقا و مستنى تقريباا كده ييجى 10 كانوا قايلني ايوه احنا جايين استنى ان حد ييجى طب حد يتصل مفييييش صحرااااء

المهم بعد ربع ساعه كده لقيت تليفون جايلى ايوه مين انا احمد غالى

قوله هيييييييييييه الناس بدات تيجى اهيه و هتبقى لمه

لقيته بقولى انتوا فين قولتله احنا فى الكافيه الى هناك فى عوض الله بيقولى مش شايف حد


اتاريه كان داخل على الكافيه الى جوه المول و بيدور علينا ههههههههههه(حبيبى يا غالى)

المهم لحقته قبل ما يدخل و يتدبس هناك



و بعدها بشوية لقيت مالك بيتصل بيا و بيقولى انت فين و ناوى تنزل ولا ايه ضروفك
قولتله تعالا هناك يلا احنا كلنا موجودين انت الى فين من ساعتها المفروض انت اول الناس الى تيجوا انت عضو مؤسس هنا:)



المهم بعد ما اتجمعنا كنا سته و ان اعامل حسابى على اكتر من كده نقول طيب عاوزين ندخل على الموقع هنا او على الفيس علشان نشوف الناس حد قال جاى حد قال لا مش جاى طب نجيب ارقامهم

نحاول ندخل من الموبايلات مفيش شبكة خالص و الى دخل و لقت شبكة فصل معاه كريديت :)

و جبنا اللاب المينى بتاع باسم برضه نحاول نلقط منه مفيش غير شبكة عوض الله و كمان كانت فاصله علشان تقريباا مدفعوش النت :):

هههههههههههه بقا مول زى عوض الله و مدفعوش الاشتراك بتاع النت يتقال عليهم ايه دول



المهم احنا قولنا شكلها رسيت علينا و قد كان فعلا


لسه عاكف بيقول نتغدى فين لقيت حد بيقول راس البر و بعديه باسم رد عليه ماشى و مالة و واحد تانى يقول طب مطاعم ايه الى ناويين تروحوها هناك و لا ناخد اكل من هنا و سبحان الله لقيت نفسى بردعليهم و اقولهم طيب انا عارف المطاعم الى هناك

يعنى سبحان الله كان فى اقبال و اجماع على الفكرة بمجرد انها اتقالت


و بعدين روحنا صلينا العصر و قولنا نمشى على طول لقيتهم طلعوا من السجد على المول الى يجيب عصير و الى يجيب مناديل و الى جايب مياه :):):):) تقولش مسافرين الصعيد



المهم فبنشوف هنطلع ازاى علشن منطلعش 4 عربيات مع بعض هنتوه و احنا مش كتير يعنى




العبد لله الحمد لله الفرامل بتاعتى كان بقالها كده اسبوعين بتصوت و بتعمل اصوات غريبه ان اخوفت الصراحة و قولتلهم معلش سامحونى مش هعرف اطلع بيها انا المرة دى انا كنت عامل حسابى على البلد هنا كده و خلاص


المهم اتفقنا على اننا نطلع فى عربية مالك و عاكف



طبعا عاكف بالصيراتو :p:p:p:p:p

و مالك ابو لينا او ليونا بس هى اختلفت الاقاويل بس اتفقنا انها لينا و مش فاكر مين قاله دا انا كنت فاكرك كاتب اسم بنتك عليها من ورا

ههههههههههههههههههههههههه

بشس و الله كتر خيرها هى و صاحبها



بس عاوز اقول حاجه بس علشان الناس متضلمش مالك انا الى خليته يتاخر فى الاول علشان خليته يمشى ورايا كنت بركن العربية تحت البيت علشان لو الحاج احتاجها ولا حاجه



ده بس للتوضيح و بعدين طلعنا على الطريق مالك كان ماشى على سرعه 100 كده و هى مرة يتيمه كده الى مشى على 140 طبعا علشان الطريق كان فيه صيانه و نصه مكسر و حارة واحده الى ماشية

لحد ما وصلنا الساحلى و كان بيشد هو و عاكف و واحد تانى زميل عاكف باوبيل فيكترا


المهم وصلنا الحمد لله لراس البر و عاكف بقا قعد يقول انا عارف المطعم فين دا هو فى شارع 71 دخلنا 71 و دخلنا 77 و دخلنا شوارع راس البر و طلعنا منها تانى لحد المغرب ما اذن بالصدفة لقى قدامة مسجد قال بس انا انا كنت بدور على المسجد ده الاول نصلى فيه شوف ازاى :):):) هههههه


صلينا و طلعنا بقا على فقرة التربو و اختباراته و ماادراك ما اخبارات التربو


لينا :p ربنا يخليها لابو لينا 1400 تربو و عاكف مصر يسمع صوت التربو هو فاكر بقا هيسمع صوت فروم فروم فروم و يسمعه مقاطع على الموبايل قال ايه علشان يقلدها يعنى بيسمعه جى تى و كامارو كلام كده ملناش دعوة بيه و قدام الجامع و فضحونا ولا سامعين حاجه ولا الهوا واحد بس بينعر بالماتور و خلاص
هههههههههههههههههههههه (متزعلش يا مالك هو كان في صوت بس هما الى مش سامعين )



و رحنا اكلنا و الاكل الحمد لله كان كويس




و بعدين قلنا نلف شوية كده و نطلع على اللسان نتصور






و الصور ضغرتها و بعتها لباسم هو رفعها و حاطها فوق اهوه


المهم و احنا راجعين بقا رحلة العودة


عاكف اقترح اننا نروح على الزراعى علشا ن الساحلى بليل برضه مش مضمن و فيه تكسير و مش عارفين اماكن التكسير




الزراعى مطبات اكتر اه بس وسط بلدان و كده يعنى


و احنا ماشيين و اذا فجات طب فى ملف و هوبااااااااااااااا عاكف طار و بعدها بدقيقه هوباااااااااااااااا مالك طار

احنا الاتنين اكلنا المطب و الناس جبناهم من على السقف و اىل جبناه من فوق الكبوت :):):):)
ههههههههه



و بعدين فى نص الطريق كان عاكف شادد قدام و احنا قاعدين نتكلم انا و غالى و مالك و هوبااااااااااا كمان مطب
هههههههههههه


قاعدين نقوله براحة يا ابنى انت مش عارف السكة ولا عارفين الطريق و المطبات هنا غشيمة و هوبااااااااااااااااا



الصراحة كانوا 3 مطبات دلع


و بعدين رحنا عند مالك فى الكافيه و لعبنا اونو و مالك شربنا حاجه ابيضه و كان عاوز يشربنا حاجه اصفرة :)


و القعده كانت حلوة و الله و ربنا يباركلك يا مالك فى المحل كده ان شاء الله


و بعدين عاكف ربنا يكرمة وصلنا و كانت هذة نهاية قصة كفاحى :):):):):):)




الصور بقا مع باسم هو يضبطها


سلااااااااااااااااااااااا م و الى اللقاء فى مقابلة قادمة باذن الله

اسف يا رجاله علي التأخير في الرد بس فعلا كان يوم جاااااااااااااااااااامد جدا ولله و نفسي يتكرر انتو رجاله زي العسل و الواحد اعد يدحك بشكل هستيري معاكم
بس في حجتين
ايه الصور الي انت رفعها ليا دي يا باسم :(
و الثانيه كانت فيها موتور بيقول 1.7 مش الموجود هنا :)
ان شاء الله يا شباب نتقابل علي خير في اقرب وقت تاني

اقتباس:

---

المشاركة الأصلية كتبت بواسطة M.Akef

اسف يا رجاله علي التأخير في الرد بس فعلا كان يوم جاااااااااااااااااااامد جدا ولله و نفسي يتكرر انتو رجاله زي العسل و الواحد اعد يدحك بشكل هستيري معاكم
بس في حجتين
ايه الصور الي انت رفعها ليا دي يا باسم :(
و الثانيه كانت فيها موتور بيقول 1.7 مش الموجود هنا :)
ان شاء الله يا شباب نتقابل علي خير في اقرب وقت تاني

---

انت ومالك معترضين على الصور ليه دول جامدين والله ده في صور تاني مرضتش ارفعها علشان الفضايح ههههههههههههههههههه :shine[1]:

انا مش قادر انسى الواد بتاع الاوكتاقيا ده هههههه ربنا يحفظهاله

اقتباس:

---

المشاركة الأصلية كتبت بواسطة tiktaktok2008

انت ومالك معترضين على الصور ليه دول جامدين والله ده في صور تاني مرضتش ارفعها علشان الفضايح ههههههههههههههههههه :shine[1]:

انا مش قادر انسى الواد بتاع الاوكتاقيا ده هههههه ربنا يحفظهاله

---

ههههه حبيبى لا كفاية فضايح .. اصلا الصورة اللى انت منزلهالى دى اللى يشوفها يخاف يحضر مقابلات تانى ههههه

وحشتونى والله العظيم يا ولاد والله الواحد لما شاف الصور دلوقتى اتعقد من السفر ومن العيشة واللى عايشنة وبعدين بقى فين نصيبى فى البتزا والمشروبات اللى عند مالك انا هحوشها عنده ولا اية المهم انتوا اية اخباركم يارب تكونوا كويسين وفى صحة تمام التمام اخبارك اية يا مالك انت وصاصا وعاكف والجماعة الجداد اللى شرفونا ياريت بعد كدة تبقوا تقولوا ليا وانا ادخل معاكم اون لاين فى المقابلة

كان معكم من داخل الشغل والقرف
أخوكم محمد بازيد\
المملكة العربية السعودية

اقتباس:

---

المشاركة الأصلية كتبت بواسطة bazed2006

وحشتونى والله العظيم يا ولاد والله الواحد لما شاف الصور دلوقتى اتعقد من السفر ومن العيشة واللى عايشنة وبعدين بقى فين نصيبى فى البتزا والمشروبات اللى عند مالك انا هحوشها عنده ولا اية المهم انتوا اية اخباركم يارب تكونوا كويسين وفى صحة تمام التمام اخبارك اية يا مالك انت وصاصا وعاكف والجماعة الجداد اللى شرفونا ياريت بعد كدة تبقوا تقولوا ليا وانا ادخل معاكم اون لاين فى المقابلة

كان معكم من داخل الشغل والقرف
أخوكم محمد بازيد\
المملكة العربية السعودية

---

نهارك ابيض !
اية يا راجل يا طيب انت اختفيت فجأة و تلفوناتك اتقفلت و محدش يعرف عنك حاجة ينفع كده ؟!!
ابقى طمنا عليك ...
يا باشا نصيبك فى البيتزا و المشروبات محفوظ و مستنيك لحد ما تيجى تاخده ( لو فضل سليم يعنى p: )
يا باشا انا الحمد لله و الشكر لله بخير اخبارك انت اية ؟ و هاتيجى امتى ان شاء الله ؟!
حلو اقتراح الاونلاين ده
:) ان شاء الله نتجمع على خير دايما و سيادتك تكون موجود ان شاء الله
و بالتوفيق فى حياتك هناك ان شاء الله
امانة عليك تدعيلنا و انت هناك

ازيكم يا أحلى شباب عاملين اية يا ولاد واخبار المنصورة اية على حسكم
محمد بية مالك يارب اشوفك كدة صاحب كافيهات فى مصر ومجمع الشباب على طول كدة ان شاء الله عايز اشوفكم لما انزل ان شاء الله وتكون مقابلة تمام المهم اللى عنده برنامج وات ساب يضفنى عنده عايزين نتواصل يا شباب المنصورة 966533785725+

اقتباس:

---

المشاركة الأصلية كتبت بواسطة bazed2006

ازيكم يا أحلى شباب عاملين اية يا ولاد واخبار المنصورة اية على حسكم
محمد بية مالك يارب اشوفك كدة صاحب كافيهات فى مصر ومجمع الشباب على طول كدة ان شاء الله عايز اشوفكم لما انزل ان شاء الله وتكون مقابلة تمام المهم اللى عنده برنامج وات ساب يضفنى عنده عايزين نتواصل يا شباب المنصورة 966533785725+

---

صديقى الغالى محمد باشا معلش على التأخير فى الرد
ربنا يباركلك متشكرين على الدعوة الجميلة و بتمنالك التوفيق فى غربتك
ان شاء الله يا صديقى نظبطلك مقابلة تمام لما تنزل ها تنزل امتى ان شاء الله ؟
انا معنديش و الله الواتس اب ده بس هابعت لينك لمصطفى و محمد عاكف لينك الموضوع

اقتباس:

---

المشاركة الأصلية كتبت بواسطة BAZED2006

ازيكم يا أحلى شباب عاملين اية يا ولاد واخبار المنصورة اية على حسكم
محمد بية مالك يارب اشوفك كدة صاحب كافيهات فى مصر ومجمع الشباب على طول كدة ان شاء الله عايز اشوفكم لما انزل ان شاء الله وتكون مقابلة تمام المهم اللى عنده برنامج وات ساب يضفنى عنده عايزين نتواصل يا شباب المنصورة 966533785725+

---

يااااا محمد باشا اخبارك ايه يا راجل وحشنا ولله نفسنا نشوفك :(
انا الاكونت بتاعي علي الفيس
fb.com/medo.akef الموب تباعي بايظ !

بسم الله الرحمن الرحيم صور جميله بصحبه جميل والضحكه الصافيه والروح الحلوه بينكم ربنا يحميكم بفرح لما بشوف صحبه جميله

اقتباس:

---

المشاركة الأصلية كتبت بواسطة ايمان احمد

بسم الله الرحمن الرحيم صور جميله بصحبه جميل والضحكه الصافيه والروح الحلوه بينكم ربنا يحميكم بفرح لما بشوف صحبه جميله

---

شكراً لحضرتك
و احنا الحمد لله من يوم ما اتقابلنا اليوم ده واحنا على طول مع بعض و على طول بنسافر سوا لاقاهرة وراس البر كتير و بنتقابل كل يوم جمعه كمان ووبقينا أصحاب أوي