انا مش شايف اي مواضيع للسونيك خالص هو محدش اسشتراها ولا ايه يا جماعه مع انها شكلها تحفه وواضح انها عربيه كويسه جدا في ايه ؟
عرض للطباعة
انا مش شايف اي مواضيع للسونيك خالص هو محدش اسشتراها ولا ايه يا جماعه مع انها شكلها تحفه وواضح انها عربيه كويسه جدا في ايه ؟
انا مبشفهاش فى الشارع اصلا !!!!!!!!!!!!!
صحيح لانها مينفعش انها تتقارن بالعربيات اللي في فئتها (ريو - سيراتو - النترا - اكسنت) اصلن ازاي ادفع 117 الف في عربية صفيحة وموتور من غير حتى abs
يا جماعة abs و ebd و ايرباج دي (أ ب) وسائل حماية اذا عايز تشتري عربية لازم تحط في بالك الكلام ده علشان تشتري عربية ومتندمش عليها بعد كده
كنت شوفتها في الكويت شهر 11 السنه اللي فاتت وقلت العربيه دي مش هتاكل عيش في مصر خالص ومن غير ما أركبها حتى ومعنديش تفسير لكده...
اول ما اعلنوا سعرها الكل قال البسها يامنصور وقد كان
العربيه يعيبها سعرها فقط
وان كان في وجهه نظري هيه احسن عربيه في الفئه ديه
وهيه مش حته صفيحه
:untitled 1:
طيب السؤال هنا لما هيا مبيعاتها ضعيفه كده ومنصور اكيد مش اهبل وفاهم مبتتباعش عشان سعرها طيب ماينزل سعرها ايه الغباء ده وليه هيا اصلا مش فيها ابي اس؟؟
العربية دي شكلها كده وقعت بجد من منصور اولا سعر مبالغ فيه جدا وشكل مش حلو بس مش وحش للدرجة والاهم هو افتقار الي (أ ب) كماليات من الواضح ان منصور عاوز اي بديل ينزله مكان الاوبترا وخلاص
السعر كان صدمه لناس كتير
المعظم كان فاكر انها هاتبدأ ب 105 الف مثلا زى الريو والاربى , بس فوجئنا ب ال 117 والعربيه فاضيه من الكماليات فيها ايرباجز فقط مفيش ABS
فمحدش اشتراها لان اللى هايدفع 117 ممكن يزود حاجه بسيطه ويركب ريو هاى لاين او اربى هاى لاين
او يوفر شويه ويجيب ريو Ex او اربى برضه وهايبقى فيها كماليات اكتر
بس دا مش معناه انها مش عربيه كويسه بالعكس دا فيها موتور Ecotec بتاع الاسترا وفتيسها 6 سرعات ونظام تعليق ب setup محترم
بس انا زعلت والله العربيه شكلها تحفه بس اكيد هو مغلي سعرها لسبب معين و الا يبقي ده غباء
مبيعتها قليله ليه
من وجهه نظري عشان الناس اللي بتشتري
بتشتري بعنيها فقط
اعتقد ان فى القريب العاجل حيتعمل عليها تخفيض كبير عشان تبيع فى السوق حتى ولو عرض مؤقت زى الكروز ... بس لو وصلت لــ 105 مثلا هل تستحق سعرها
متعه الركوب في الشيفورليه
احسن حاجه في كل الكوري
وده من وجهه نظري
صدقني لايمكن اركب عربية من غير abs و ebd انا نفسي تجرب واكيد معظمنا جرب يركب عربية مفيهاش abs و ebd ويمشي على سرعة عالية وتعالا فرمل فرامل شديدة شوف ايه اللي هيحصل
وتعالا جرب نفس الشئ على عربية فيها abs و ebd وشوف جوده الفرمل وخصوصاً في المنعطفات لان الـebd وظيفته الاساسية وانت بتنعطف بالعربية في شارع اخر دي وظيفته بيقسم الفرامل على الاربع عجلات
فعلشان كده هتحس بفرق جامد جداً فحرام انك تشتري عربية 2012 زيرو من غير انظمة فرامل متقدمة
ده رأيي الشخصي المتواضع
العربية تحفة وأنا شوفتها مرة واحدة في المنصورة لكن الكل هنا في المنتدي توقع فشلها بسبب السعر غير المنافس مع عربيات في فئة أعلي منها
العربية دى فعلا غاليه عالفاضى و موتورها موتور نوبيرا و اوبترا بشوية تعديلات فهل يعقل انها تكون بالسعر ده على ايه يعنى ده الواحد يجيب سيراتو احسن واكبر واوسع وشياكه سونيك دى حوار فاكس وتنفع للستات اللى بتشترى العربيات بالشكل وليس المضمون
مين قال الزجاج مانوال ... الأربعه زجاج كهربا ... والعربية دي وخلوا بالكم النسخة الأولي ... لكن في النسخ الجاية هتبقي حكاية ... السعر + السمعة إللي خدتها الأفيو ... والناس بتقول دي تحديث للأفيو ... دي أسباب عدم إنتشارها ... بس إستنوا عليها شوية وشوفوا
لا لا لأ :dontudear:
واضح ان حضرتك ماقرتش عنها كويس , نوبيرا ايه واوبترا
السونيك موتورها Ecotec نفس موتور الاوبل استرا من 2010 ل 2013 , فتيس اوتوماتيك 6 سرعات من GM-Opel زى الاسترا برضه والكروز بس موديل مختلف , مبنية على شاسيه الكورسا المطور GM Gamma II SubCompact Platform
فان كان على المضمون اللى حضرتك جبت سيرته , فهى مضمونها GM و Opel صناعة كوريه , مش شكل وخلاص