امبارح كنت هموت بسبب توك توك انا واسرتي !

**HeMa_LanCeR** · 01-10-2012 01:04 PM

المهم عملت ايه في الشيكولاتة :)

الف حمد الله علي سلامتك وخلي بالك المرة اللي جاية

**JAM** · 01-10-2012 01:17 PM

حمد بالسلامة ياباشا... بس انا لو منك.. أستنى التكوتوك دا فى نفس المكان تانى... وأكيد أكيد هيعدى تانى وهيكون برضه طافى النور... وساعتها تنزل تدغدغ التوكتوك على العيال اللى فيه

**hpxp** · 01-10-2012 03:42 PM

الحمد لله انك بخير
وربنا يستر طرقنا وطريقك وطريق كل واحد ماشي يارب
نصيحه حاول مش تبص وراك بقدر الامكان لان الطريق بيتغير في ثانيه
وحاصلي موضوع كده مشابه لبتاعك ده بالظبط موتوسيكل طلع من تقاطع من غير مايشوف الي جي وكنت هلبس في الموتوسيكل هلبس في الموتوسيكل اصل الفرق كان بتاع 8 متر وكمان كنت كابس فرامل علي الاخر ومفيش دروكسيون لحد قبليه ب2-3 متر كده لقيت رجلي بترفع من الفرامل لا ارادي وحدفت حدفه ولقيت نفسي في وش حيطه وعمود نور وكبست تاني روحت ومبقاش في دريكسيون تاني روحت رافع ومعدي وعادل العربيه وروحت موقف بعده
واخدتنا مشاده كلاميه حاميه حبتين بس انا كنت ماسك نفسي علشان في رمضان
الحيوان عايز يغلطني بيقلي دي سرعه تمشي بيها ياعم فيلاتينو وهبيت فيه هبه سوده
وفي الاخر غلط رراح الي معايا نازل شتمه ومبهدله وانا قعدت زي الباشا في العربيه وروحت ماشي بعدها بس مكنتش قادر اعدي ال40 سعتها

**Y a r i s** · 01-10-2012 04:04 PM

حبايب قلبي جميعاً شكراً جميعاً وإلاهي يسلمكم
ويحميكم قادر ياكريم من كل ردي ومن الاشكال دي قادر ياكريم .... بالنسبة للواد ده انا مش قادر انسى شكلو لغايت دلوقتي بس المشكلة انهم كلهم نفس السحنة ونفس الشكل ونفس اللبس والتكاتيك كلها شبه بعضيها. .... ومشكلتهم انهم كتيررررررر قوووي قوووي قوووي في اكتوبر انا اتوقع ان عدد التكاتيك في اكوبر بعدد العماير الموجودة فيها والفيلل. يعني توك توك لكل فيلا وتوك توك لكل عمارة .... ومفيش توك توك معلق فيهم نمر علشان تقول والله هحفظ اول رقمين واعرف اجيبوا

بس انا لغايت دلوقتي مش قادر افهم هو عمل كده ليه ودخل في وشي رغم ان الطريق فاضي معقولة كان عاوز يثبت لصحابوا ان ممكن يهوش عربية ويقلبها ولا علشان يدحكوا ولا هو شارب اساساً !

تاني نقطة ليه العربية. مع لفت وعدلت الدريكسيون على السرعه دي رغم انها مش سرعة عالية مع سنة فرامل. عملت الفيلم ده كلو وفقدت السيطرة عليها

يعني هيا تعتبر عملت كده بالزبط

فهل ده الطبيعي من العربية تعمل كده .... وهل لو كان عندي نظام Ebs او. Ebd مش فاكر كنت عرفت اسيطر على العربية ولمت نفسهم ومكنتش شنطتت من ورى وعرضت كده

ولا هوا انا غلطان وكان المفروض اول مالوحت مني كده كان المفروض ارفع فرامل اليد .... ياريت حد عندوا خبرة يفيدني رجاءً في الموضوع ده لان بجد اول مره اعرف واكتشف ان الامركة والتفحيط مهمين .... بيعلموك ازاي تقدر تلم العربية بسرعة وتسيطر. عليها في اوقات اللزوم .... !!!! وشكراً

**hossam_elwani** · 01-10-2012 06:37 PM

حسبى الله ونعم الوكيل وحمد لله على السلامه

**horas3000** · 01-10-2012 06:56 PM

اولا الحمد لله علي سلامتك
ثانيا انت غلطت لما انشغلت عن الطريق و كان الافضل تخلي المدام تتصرف
ثالثا و ده الاهم اكبر غلط انك مركب اطفالك من غير الحزام و من غير seat لو صغيرين او cushions لو كبار

رابعا ربنا ياخد التكاتك و سواقينها و اللي دخلوها البلد

**eng.m7md.ali** · 01-10-2012 07:12 PM

ربنا سترها والحمد لله انكو بخير
ولو الشكاليطة لسة موجودة كلها انت عشان ميتخنقوش تاني عليها ههههههههههههههههههههههههه ههههههههه
المهم شوفو كدة الموضوع ده

http://www.nilemotors.net/Nile/311000-a.html

وطبعا لو حصل انا هقاطع المنتدى ده نوهائي

**zangry** · 01-10-2012 07:46 PM

حمدلله على سلامتك وسلامة اسرتك وطبعا مكنش ينفع تبص وراك خالص وانت ماشي على سرعة زى كده !! والحمدلله

انكوا بخير انا عارف طبعا احساسك كان ازاى لأنى لسه مجربة :d

سيبه ياكلها :d مش لازم هى تاكل يعنى :d

-

الموضوع: امبارح كنت هموت بسبب توك توك انا واسرتي !

LinkBack

أدوات الموضوع

عرض

-

-

-

-

-

-

المواضيع المتشابهه

كنت هموت

هموت من الحيرة

هموت علي جين 2

كنت هموت امبارح

كنت هموت النهاردة بسبب سواق ميكروباص حمار

الكلمات الدلالية لهذا الموضوع

المفضلات

المفضلات

ضوابط المشاركة