حمد الله على سلامتكو
عرض للطباعة
حمد الله على سلامتكو
هذه تقريباً أول مشاركة ليا و أهي جت في توكتوك :)
أولا حمد لله على السلامة
أقولكم أنا معاياميجان 2005 و مريت بموقف مع توكتوك في المطرية وقلبته ... تحداني العيل على طريق الحرية وحاول يقف قدامي عشان يوقفني و كان معايا المدام وأختها و أولادها وحماتي و كان عيلين هما اللي سايقين التوكتوك رحت زقه بالعربية 200 -300 متر و صعب عليا وسبته ... بعدها بدقيقة الاقي التوكتوك ماشي جنبي و داخلين على تقاطع تروماي شارع الكابلات روحت زنقه في اليمين و خلليته يبقى ورايا ... المهم دخلنا على تقاطع عديت أنا منه و هو لبس في عربية هايلوكس من ورى و راح مقلوب ... لقيت عيل فوق عربيتي و عمال يخبط عليها رحت دايس بنزين ومسرع راح خاف و نزل وكملت انا على الطريق معلنا النصر و التعليم على التكاتك :) ويا له من نصر ويا لها من بطولة :) :)
حمد الله ع السلامه .... ومن الأخر كده كل اللي ساكنين ف أكتوبر أي حد فيهم يشوف ( واسطه كويسه) ويجيب الحكومه وتنزل حملتين محترمين ع المدينه وياريت بالليل ويلموا شويه من الملاطيش دول الباقي هيتلم ... أهي العينه دي من الشعب لازم يتعاملوا بطريقة الشرطه القديمه .... بالجزمه وأديلوا.
اول البارح راجع من القاهره وطلعت الساعه 3:30 الظهر والحمد لله كنت واصل سيدي بشر قبلي علي الساعه 7 مساء وماشي في امان الله خلاص مفيش مترات علي العماره والاقي حيوان عمره لايتحاوز ال 13 سنه راكب تروسكل عليه انابيب وطالع من شارع جانبي ظلمه وانا ماشيش في اشارع رئيسي والحمد لله مكتش بجري يعني كنت يادوب علي التاني علي سرعه 30 مثلا ولكن قطع عليا الطريق بغباء والأرض كان عليها رمله وتراب كتير وفرملت ووقفت قبله بسنتيمترات وطبعا هو مخضوض وانا روحي وقعت في رجليا قمت فاتح الشباك وبقوله مش تبص قبل ماتعدي والواد عمال يبحلقلي كانه هياكلني قمت سايبه وماشي بس بصراحه كان هاين عليا انزل اولع فيه وخصوصا اني كنت مولع النور وهو لا يعني المفروض انه شايف في نور عربيه بس تقول ايه بقي
انتوا يا جماعه مضايقين من التكاتك ليه مش الرئيس اللى انتخبتوا مرسى شكرهم مضايقين ليه بقى حقهم يعملوا اللى عاوزينه