الموضوع: مياه الموتور في الدواسات ...تجربة فردية..ممكن تفيد

سلام الله عليكم ..حصل معايا موضوع يا اخواني ...واتخضيت منه ..بس الحمدلله ربنا كرمني فيه ..ومش عارف حد حصله كده قبل كده ولا لا ....
فقلت احكلكم الموضوع ويبقى عندكم علم مسبق ...

المهم ...جيت من يومين لقيت في ميه تحت رجلي في الدواسات عندي و اللي جنبي كمان ....وميه مش قليله ...بركة صغيرة
المهم افتكرت ان التكييف كثف ونزل ميه ..مختش في بالي وزودت قربة الميه احتياطي
قلت مش اشغل التكييف واشوف الميه هتيجي تاني ولا لا ... بعد يوم وبليل وانا راجع من الشغل لقيت هوايات التكييف طالع منها هوا سخن مولع ورحته شياط وامبير الحرارة بيعلى ..والميه مليت الدواسات ورحيتها شياط ومولعه ...رحت راكن على طول ...وملقيتش المراوح شغاله ..بفتح الريداتير لقيته ناقص بتاع 2 ليتر ..طبعا استنيت لما العربية هديت ...ومليتها ميه ..وملقيتش اي خرم في اي حته ...

المهم لما رحت للميكانكي بتاعي وكشف ...لقيت الاتي:
- السربانتينه بتاعت التكييف السخن لازم يعدي عليها مياه الموتور ودي مكانها ورا الابلوه من تحت وطلعت مخرومة وهيا السبب في اللي حصل
- الحل اني يا اما اغيرها ..وده طبعا موال فك وتركيب ..وتكلفة ....يا اما اسد الخراطيم بتاعتها والغي السخن ..وقد كان
تم سدها بنجاح دون اي اعطال اخرى و التكييف البارد شغال زي الفل الحمدلله .....

معلش طولت ...نسيت اقولكم ان لو مشيت على العربية وهي كده كان ممكن طبعا لقدر الله تجيب ميه على زيت ...والباقي انتم عارفينه ...