اقتباس المشاركة الأصلية كتبت بواسطة d . A .\ ayman مشاهدة المشاركة
أربع توكيلات في عربية عاملة على كلامه 10000 كيلو فقط ... يعني العربية كانت بتتباع كل 2500 كيلو مرة وهية لسة المفروض زيرو

أولا هو راجل كداب من أولها زي ما انت بتقول وأكيد اللى هايكدب في الصغيرة هايكدب في الكبيرة

وغالبا العربية عاملة حادثة مصيبة وخدوها ظبطوها تمام ولعبوا في العداد بتاعها لأن على الأقل العربية عاملة 40000 كيلو أو حاجة زي كدة وعايزين يلبسوها لأي حد واحتمال تكون مسروقة أصلا وملعوب في ورقها ... ده العادي انهاردة

أفتكر واحد زميلي سنة 2006 كان جايب نوبيرا 2004 وكانت عالة على العداد 11000 كيلو وطبعا حالتها مبهرة لكل اللى يشوفها وفي الآخر وهو رايح يصاينها في التوكيل بعد ما خدها وبيشتكي من زنة بسيطة في الموتور قالوله إن الموتور مرحل من مكانه نتيجة حادثة قديمة وفرد الشاسيه معووجة شوية وكمان استحالة العربية دي تكون عاملة 11000 كيلو وإنها بالميت عاملة 60 -70 الف كيلو غير طبعا البلاوي التانيةاللى مش مجال ذكرها ... طبعا بعد كدة الراجل كان هايجيله سكتة قلبية

هو ده شغل التجار من زمان وانهاردة كمان بقى أفظع نتيجة للحالة الأمنية المتردية ... وكويس انك صرفت نظر عنها ... نفسي يبقى فيه عقاب للناس دي

وعموما أنا واخدها قاعدة في حياتي ... ماتاخدش عربية بتوكيلات ولا تبيع عربية عربية بتوكيلات نهائيا ... لازم عقد بيع نهائي مسجل في مكاتب الشهر العقاري حتى لو الرخصة فاضلها عشر سنين ... وكمان ماتشتريش من تجار بقدر الإمكان
الف شكر دكتور ايمن على مشاكرتك المفيده :)
كلامك صح فعلا
انا صرفت نطر اكيد عن الموضوع انا قلت انقل التجربه لعل الكل يستفاد والناس تاخد بالها كويس
مبقاش فى ضمير