الموضوع: دايو لانوس full option 2007ايه رايكوو فيها

اهلا بيك يا صديقنا العزيز

بص يا سيدى : اولا بالنسبة للعربية اللانوس

1- العربية كويسة وناجحة جدا، بالنسبة لفئتها المالية كويسة وممتازة، موتورها معمرة، شاسيهاتها ممتازة ، عفشتها كويسة، ثباتها على الأرض حلو ، عربية شغل وحمالة أسية ، قطع غيارها متوفرة
عيوبها مش كتير وتنحصر فى ان الصاج خفيف شوية، طرمبة البنزين عمرها قصير الى حد ما، طقم الرشاشات عمره قصير الى حد ما،
العربية موتورها 1500 سى سى ،85 حصان، وزنها فاضية 1035 كييلوجرام ، طولها 420 سم، تعتمد على الجر الامامى بواسطة فتيس ذو خمس نقلات امامية وواحدة خلفية، سرعتها القصوى 170 كيلمتر فى الساعة(على طريق مستوى وهواء ساكن بحملها الكامل)، اقصى تحميل لها 450 كيلوجرام،سعة الشنطة الخلفية 420 لتر

2-بالنسبة للانوس الكاملة تزيد عن اللانوس العادية زجاج كهرباء،فوانيس شبورة،عداد RPM، مراية واحدة كهرباء(يمين)،ساعة صالون،سنتر لوك
والموديلين فيهم تكييف وباور ستيرنج وكاسيت

3- بالنسبة لأبو غالى انا معرفش ايه ظروفه فى مواعيد التسليم بس اللى انا عارفه ان مواعيدهم فى الإسبيرانزا بتتأخر، مع ملاحظة ان الإسبيرانزا بتطلع من نفس المصنع

ثانيا: انا بس حابب الفت نظرك ان اعضاء ومشرفى هذا المنتدى لهم اهتمامات تانية فى الحياه-ما بين عمل واسرة ومسئوليات اجتماعية-الخ حيث ان هذا المنتدى تطوعى، فمش كل الناس قاعدة على المنتدى 24 ساعة فى اليوم، لان المنتدى اساسا قائم على فكرة تبادل المعرفة بين كل اعضائه وليس على وجود هيئة ادارية تتولى الرد على اسئلة الأعضاء فبالتالى من حقك تزعل لو مثلا عدا يوم كامل محدش رد عليك، لكن بعد 4 ساعات من ارسال الرسالة ، لسة محدش شافها ، وانت نفسك بتقول ان سبعة بس اللى شافوها، ممكن يكون ولا واحد فيهم عنده معلومة يفيدك بيها

لحد اخر مرة شفت عربية جديدة لانوس كان الكاسيت عادى مش سى دى

ولا اظن ان الأمر اتغير، فغالبا هو كاسيت عادى مش سى دى

دوس يا مان
اللانوس عربيه شديده