مشكله فى الباور

**general_a1** · 01-10-2012 03:46 PM

انا معايا اوبترا 2006 عامله 130000 كيلو
لما بشغل العربيه وهى بارده بسمع صوت شخلله من على اليمين لحد لما العربيه تسخن وتروح الشخلله كمان لما بلف الدركسيون على اخره بسمع صوت ضغط عالى لما بضغط على اخر الدركسيون يمين او شمال من فتره كده يجى 3 شهور لقيت ان الدركسيون با تقيل جدا لما بتكون العربيه ماشى بيها على السلانسيه او واقف والعربيه شغاله ومش عارف دى تكون مشكله ايه الميكانيكى قالى تعبت مكنه الباور غيرها بواحده استيراد ب 350
مع العلم ان زيت الباور مظبوط جدا ومش بينقص بس انا مغيرتوش من ساعه مشتريت العربيه وانا مشيت علي الزيت الى فيها 40.000 كيلو ومش عارف الى قبلى غيره ولا لا
وانا بصراحه لا اثق فى اى ميكانيكى
يريت الى كان عنده مشكله زى دى يفيدنى فى حلها او اصحاب الخبره

**moumen_hs** · 01-10-2012 05:20 PM

اخويا كان عندة نفس الحاجة فى نوبيرا بس كانت بتاكل زيت لان فى جوان ضارب بس راح لكذا واد والكل أجمع على تغيرها بواحدة أستيراد سعرها 300 جم وتركين 100 جم وأنصحك لو حد قلك صلحها فى معروف بلاش بتبوظ وعن تجربة من ناس كتيرة الاستيراد أفضل بس يكون معاك الى هيركبها وعلى التجربة

**HeMa_LanCeR** · 01-10-2012 05:20 PM

طيب هقولك حاجة صغير خالص
مدام في صوت شخللة يبقي البلية بايظة
حضرتك هتفك الطرمبة توديها لخراط يفك الطمبورة ويطلع البلية
وتشتري بلية ب 15 جنيه
يركهعالك تاني علي المكبس
وتروح تركبها تاني
وتوتة توتة خلصت الحتوتة :)

**HeMa_LanCeR** · 01-10-2012 05:21 PM

المشاركة الأصلية كتبت بواسطة moumen_hs

اخويا كان عندة نفس الحاجة فى نوبيرا بس كانت بتاكل زيت لان فى جوان ضارب بس راح لكذا واد والكل أجمع على تغيرها بواحدة أستيراد سعرها 300 جم وتركين 100 جم وأنصحك لو حد قلك صلحها فى معروف بلاش بتبوظ وعن تجربة من ناس كتيرة الاستيراد أفضل بس يكون معاك الى هيركبها وعلى التجربة

تركيب ب 100 :)
ياراجل دا بفكها واركبها بنفسي مش بتاخد ربع ساعة

**general_a1** · 02-10-2012 02:56 PM

اشكركم يجماعه على الردود ونصايحكم
هى الى هتتغير طرمبه زيت مش الباور كلو طيب دى ممكن انا فكهاا ازاى لو امكن حد يقولى

**HeMa_LanCeR** · 02-10-2012 07:05 PM

انت قصدك طرمبة زيت الباور صح ؟؟؟
عموما دي علشان تفكها
هتفك السير
وهتلاقي فيها صامولتين 10
واحدة فوق وواحدة تحت
وطبعا هتفضي علبة الزيت الاول
وبعدين تفك خراطيمها
هتيجي بقي تخرجها مش هتعرف :)
هتروح شايل علبة فلتر الهوا
هتلاقي تحتيها صامولة بتاعت قاعدة الموتور
فك الصامولة دي
وبعدين ارفع الموتور من تحت بالكوريك هتلاقيها طلعت معاك

**general_a1** · 03-10-2012 04:00 PM

اشكرك جدا جدا
بس هو استفسار اخير قبل التنفيذ
المشكله الى عن دى حلها انى اغير بليه طرمبه الباور والصوت هيكون اهدا والدركسيون هيرجع خفيف ولا اريح دماغى واغيرها بواحده استيراد