محتار بين لانسر كريستاله ومكوة ودايو نوبيرا

بصراحة انا عاوز مقارنه بين لانسر كريستاله ومكوة ودايو نوبيرا علما باني محتار بينهم اوي لتقارب الاسعار وخصوصا خصوصا بين لانسر كريستاله ومكوة لان الفرق في السعر مبلغ بسيط بس شكل تاني خالص انا بصراحة مش عارف اية الصح لان فية ناس بتقول الكريستاله احسن ودايما اشوف الكريستاله بتتباع بسرعة اوي غير المكوة وناس بتقول الكريستاله احسن من المكوة والبومة كمان وكلام كتير بسمعة اتمني منكم تعملولي مقارنه شامله كل شئ عن العربيتين من حيث الاعتماديه وقطع الغيار لو اني عارف ان البومة اكيد اعلي لانها احدث بس اتمني منكم انكم تفيدوني لان استخدامي للعربية شاق سفر وجوة البلد وعاوز تكيف وسحب وتوفير في البنزين واستخدام بنزين 80 اهم شئ ياريت تفيدوني اي عربية فيهم هلاقي فيها الي محتاجة ولو ان النوبيرا مش اختيار رئيسي بلنسبالي بس لو حد شايف انها تنفعلي في اية ياريت يقولي وياريت مقارنه بين اسعار قطع الغيار بلزات الكريستاله والمكوة انا عارف اني طولت عليكم بس الاختيار دة مهم لان العربية تقريبا كل شغلي بصراحة ومش عاوز اقع في عربية وحشة ياريت تفيدوني واشكركم

بس ياباشا الكمواة عربية محترمة جدا واقتصادية وقطع غيارها يعنى تقيلة بس هتلاقيها مش هدوخ يعنى تانى شئ انها مش انجكشن يعنى بنزين 80 زى الفل معها شكلها جميل طبلوها اجمل واحمل اما بالنسبة كرستالة عربية محترمة قطع غيارها رخصية موجودة كتير فى السوق هيا واطية عيبنها بس محترمة شكرا حلو برضة بس انا عموما بحب المكواة وبدور على وحدة محترمة بجد اما النوبيرا عربية كويسة بالنسبة للمنيول فقط بلاشششش اتوماتك فيها انا لسة بايعها من شهر علشاان االفتيس ميزاتها حاجة واحدة بس الوسع والراحة من جوة بس خليك فى المضون طلما سفر فى اليابانى يكسب .. والله والى التوفيق.

المكواه طبعا تكسب بس مش قريبه من سعر الكريستاله .. الكريستاله توبها لحد 50 مثلا انماالمكوه بتجيب لحد 65 لو اوتوماتيك نضيفه ..

خد بالك المكواة 1300 سى سى لو اتوماتيك والتكيف شغال السحب بيبقى ضعيف مش المكواة بس كل العرب العربيات ال1300 اتوماتيك كدة لو مانيوال شغال

انا معايا نوبيرا وصاحبى لسه شارى كريستالة
عربيه كويسة وإعتمادية جدا
بس فى التكيف مع الاوتو بطة بلدى ,, سحب وتجميع فى الضياع

النوبيرا اوسع وموديل أحدث وسحب وتجميع اعلى عشان الماتور الاكبر
مشكلتها فى 3 حاجات بس
1 - لو بتسوق فى زحمة كتير استهلاك البنزين هيزيد شوية عن العادى
2 - لو بتمشى فى طرق مكسره بسرعة جلب المقصات هتغيرها كتير
3- الفتيس لو اوتوماتيك ومعملتلوش صيانة من ناحية تغير الزيت والفلتر و كنت بتعمل كيك داون كتييير مش هيعمر معاك وهو تمنة استيراد 1500

متشكر ليكم اوي يارجاله بس يعني سعر المكوة تفتكرو كام في المعقول لو رشة برة او فبريكة برة وجوة تتوقعو المعقول كام

المكواه لا اظن انها تزيد عن 60 الف باى حال من الاحوال
و راى المكواه او الكريستاله بالترتيب

اقتباس:

---

المكواه لا اظن انها تزيد عن 60 الف باى حال من الاحوال
و راى المكواه او الكريستاله بالترتيب

---

كلام حقيقى
بس المكواه بتوصل ل 65 لانها بتاخد بنزين 80 بدون مشاكل

لو 65 يبقي بومه
سعر المكواه اقل 60 بالكتير