حجز العربيه ( الرقم بيفرق في ميعاد التسليم)

**eng-aggour** · 01-10-2012 09:59 PM

السلام عليكم
ان شاء الله نازل بكره احجز العربيه
بس معرفش اقل حجز بيبقي كام وثانيا هل بيفرق اللي انا هدفعه في ميعاد الاستلام
يعني انا لو هادفع المبلغ كله 100000 او 101000 علي حسب السعر اللي انا مش عارفه من كتر الاشاعات
( طبعا مش اوفر بريس)
زيي زي اللي دفع 20000 مثلا ؟؟؟؟؟؟؟
وهل السعر بيبقي موحد عند الموزعين المعتمدين كلهم ولا بيبقي في فرق في السعر ؟؟؟
شكر مقدما

**welo77** · 01-10-2012 10:13 PM

حضرتك الى انا اعرفه ان الحجز بيكون 1000 جنيه او 5000 جنيه وده حسب الموزع يعنى اوتوايجبت او السبع 1000 جنيه وبس وموزعين تانيين بيحجزو ب5000جنيه والباقى عند التسليم يعنى الموزيعين مبيكنش عندهم اكتر من نظام للحجز اوبيديك الاختيار انك تدفع اكتر وتكون المدة اقل.هذا والله اعلم

**Ahmed_Adham** · 01-10-2012 10:31 PM

متهيألى كل ما كان أقل كان احسن عشان يبقو مستعجلين يسلموك وياخدو باقي فلوسهم.

**szaalouk** · 02-10-2012 10:55 AM

انا حاجز عند اوتو ايجبت ب 1000 جم في اوائل سبتمبر و مكتوب في الوصل ان التسليم في خلال 3 اشهر ( يعني قول في نهايه الشهر الثالث ) و الموظف اللي قابلني اكد انه بأذن الله ما فيش تأخير اكثر من ثلاثه شهور .

ملحوظه : مكتوب في الوصل ان التسليم حسب السعر الرسمي المعلن من نيسان مصر وقتها .
يعني لو العربيه زي ما هي يبقي 100000 و لو الشركه اعلنت عن اي زياده يبقي هو ده اللي حادفعه .

تحياتي و ربنا يوفقك ان شاء الله .

**kliken** · 02-10-2012 12:15 PM

اظن المبلغ اللى بتحجز بيه مش هيفرق فى موعد الاستلام و كل الموزعين المعتمدين بيبيعوا بثمن واحد

**eng-aggour** · 02-10-2012 11:29 PM

المشاركة الأصلية كتبت بواسطة kliken

اظن المبلغ اللى بتحجز بيه مش هيفرق فى موعد الاستلام و كل الموزعين المعتمدين بيبيعوا بثمن واحد

للاسف يا فندم انا كنت في المحمل النهارده والمعامله كانت مش كويسه لدرجة والدي خرج عن شعوره وزعقلهم ده بالاضافه الي ان الحجز هناك ب 50000 خمسين الف من الاخر منصحش حد يروح هناك