العربية 407 قلقتني اوي اوي اوي النهاردة ، ارجو النصيحة

**kimotarek** · 02-10-2012 02:23 AM

لو سمحت يا بشمهندس البيجو 407 بقالها فترة بتطلعلي depollution system faulty و بتفضل شوية و تروح لوحدها و ترجع تظهر تاني وهكذا ، النهاردة العربية طلعت الرسالة دي و انا قولت عادي

لقيتها بتفصل لوحدها لما اشد ع الغيار و علامة البطارية تظهر ، و عملت الحوار دا النهاردة كذا مرة و انا ع الدائري و فجأة تفصل !!! بس الحمد لقيت بعد اول مرة بقيت واخد يميني طول الطريق و مشغل الأنتظار و انا ماشي و فصلت اكتر من 20 مرة لحد ما وصلت البيت

**estimation** · 02-10-2012 05:32 AM

حضرتك ده عيب بنزين و لازم تغير فلتر البنزين ضروري حضرتك مونت من بنزينة تعبانة ولا ايه ؟؟؟

**ibn_seena** · 02-10-2012 06:00 AM

المشاركة الأصلية كتبت بواسطة estimation

حضرتك ده عيب بنزين و لازم تغير فلتر البنزين ضروري حضرتك مونت من بنزينة تعبانة ولا ايه ؟؟؟

دا العيب بيقول

depollution system faulty

يعني خلل في نظام تنقية التلوث او نزع التلوث. .
مش ممكن تكون برضه حاجه في الشكمان مثلا. ...

**waleedabbas** · 02-10-2012 03:56 PM

الرسالة دي جاية من الحساس ال في علبة البيئة ( الكتاليزر ) ودي غالبا بيبقي البنزين مش نضيف لو فضل يظهر هتحتاج تنظيف البوابات وتغير فلتر بنزين

**benmatar** · 02-10-2012 04:03 PM

المشاركة الأصلية كتبت بواسطة waleedabbas

الرسالة دي جاية من الحساس ال في علبة البيئة ( الكتاليزر ) ودي غالبا بيبقي البنزين مش نضيف لو فضل يظهر هتحتاج تنظيف البوابات وتغير فلتر بنزين

وساعات كمان الحساس بيكون عاوز يتفك ويتنظف
العربية لو فضلت كده ممكن تاكل بنزين

**waleedabbas** · 02-10-2012 04:11 PM

المشاركة الأصلية كتبت بواسطة benmatar

وساعات كمان الحساس بيكون عاوز يتفك ويتنظف
العربية لو فضلت كده ممكن تاكل بنزين

صح فعلا ده احتمال كبير لو الرسالة بتتكرر الحساس يحتاج تنضيف والموضوع كله بسيط ومش مكلف

**Unendlich** · 02-10-2012 07:04 PM

بص هو مبدئيا في احتمال يبقى يبقى فعلا جاي من ال catalytic converter
و ممكن يبقى مجرد مرة مونت سولار معفن شويتين فالعربية طبعا كتر خيرها إنها مستحملة مية المجاري اللي بتتباع على إنها سولار دي (اللي مش مصدق يملي شوية في ازازة شفافة و يتفرج )
أول حل ممكن تعمله إنك تشتري منظف دورة بنزين (أو بالأصح سولار) و تحطه و ترزعها مشوار طوالي محترم, ده كده أرخص و أبسط حل و مش محتاج أي تدخل جراحي
لو فشل تبدأ تخش على ال level الأعلى ألا و هو تنظيف الحساس مثلا
لو فشل تخش في تغيير علبة البيئة
برده ميخسرش إنك تغير الفلتر برده في السكة, النضافة متخسرش
لو العربية بنزين (و أشك) احتمال كبير يبقى جاي من ال EGR (نبقى نرجعله لو طلعت فعلا بنزين)