الموضوع: سؤال عن التأمينات الاجتماعية

المشاركة الأصلية كتبت بواسطة mohamed_selim

الشركه بتدفع تامينات عليك لحد ما تودى استماره 6 للتامينات و ساعتها التامين بيتوقف من تاريخ الاستقاله
لما استماره 6 توصل التامينات الشركه متقدرش تعمل حاجه ... اللعب بيكون فى الفتره اللى الاستماره متكونش لسه راحت
لو ماضى اخلاء طرف و معاك نسخه و صوره من الاستقاله و عليها امضا بالقبول من الشركه المفروض استماره 6 متتأخرش عن شهر (بفرض انك استقلت يوم 1) لانك لو دخل عليك الشهر الجديد و الاستماره مش فى التامينات يبقى الشركه ملزمه تدفع عليك تامين (و اظن تدفعلك مرتبك)
لو الدنيا اتأخرت و معاك الورق اللى فوق تطلع على مكتب العمل تعمل شكوى فى الشركه و بتوع مكتب العمل ما بيصدقو .. الشركه لو بتخاف على سمعتها هتخلص الموضوع بس لو شركه صغيره او مش فارقه معاهم الموضوع بيكبر و بياخد وقت .... اتصاحب على حد سغال فى مكتب التامنات او مكتب العمل و هو يدعبسلك و يقولك التصرف الصح ايه

في الحاله ديه زي ما استاذ محمد وضح

بتطلع لمكتب العمل تقدم شكوي .. والموضوع بيتحل عن طريق المكتب
وممكن حضرتك تروح مكتب التأمينات التابع له الشركه وتطلب طبعه تأمينيه توضح الحاله التأمينيه لحضرتك

المشاركة الأصلية كتبت بواسطة mailo

كده أنا فهمت موضوع الفترة التامنية ده جزاك الله خيرا

بالنسبة بقى لسؤال مزجنجي
لو الشركة مش عايزة تديني س 6 إيه اللي ممكن أعمله

وإزاي أجيب حقي من الشركة لو ليَّ عن طريق مكتب العمل عشان أنا سمعت إن الشركات بتظبط الموظفين هناك فالمكتب وبيجو على أصحاب الحق
هل محامي هيفيد أكتر ولا شكاوي فالمكتب وبس
وأنا كنت سمعت إن بعد 45 يوم الحق بيضيع قانونا الكلام ده صحيح

بخصوص 45 يوم معنديش فكره عن الموضوع ده .. ممكن حد من المحاميين يقدر يفيد حضرتك