السادة الكرام مالكي الافيو

**tafa17** · 05-07-2008 05:17 AM

(الحمد لله فاطر السموات والارض ذو الجلال والاكرام المنعم والرزاق غافر الذنب الرحمن الرحيم ملك الملوك ورب الارباب) وبعد اشتريت بفضل الله وتوفيقه افيو 2008 كاملة مانيوال اسألكم الدعاء وأود ان اسأل بخصوص تكييف الافيو وخاصة الزرار اللي مرسوم عليه السهم بجانب زرار ال ac انا مش عارف لما اشغله التكييف يبقي كويس ولما اطفيه اشم رائحة في العربية مش كويسة يعني ريحة مكتومة ومفيش تهوية ؟
ياريت حد يفهمني بعد اذنكم اشغله ولا لأ ؟
خاصة انني استفدت والحمد لله من الاعضاء الكرام والمحترمين اعضاء المنتدي فيما يخص الافيو وشجعوني علي شراءها ، فلا تبخل علي بالرد
وجزاكم الله كل خير واسألكم الدعاء

**mido** · 05-07-2008 01:03 PM

لما بتطفيه دورة الهوا بتكون مفتوحه الهوا اللى داخل من بره بيعدى على الفلتر ويدخل بعد كده بيطلع بره و اعتقد ان ده ريحة بلاستك الفلتر علشان كده انا على طول دايس على الزرار ده
لما بيكون مداس عليه الهوا مش بيدخل من بره وبيفضل فى العربيه

**tafa17** · 05-07-2008 04:51 PM

تسلم يا ميدو باشا علي سرعة الرد ولكن ايهما احسن اشغله ولا لأ ؟
ايهما افضل ؟

**mina_ramsis** · 05-07-2008 07:03 PM

يا سيدى الفاضل خلى بالك ان الريسايكل ده بيمنع دخول الهواء داخل العربية و بيسعق الهواء الموجود داخل العربية فده معناه انه بيمنع دخول الاوكسجين فيارييت متشغلوش كتير و خصوصا اثناء القيادة فى الطرق السريعة لانك ممكن تنام و انت سايق

**tafa17** · 06-07-2008 09:39 AM

اشكر الاخ koko mosho علي سرعة الرد وابداء النصيحة جزاك الله كل خير

**tafa17** · 06-07-2008 09:43 AM

تعديل بسيط koko_mosha

**m_oun** · 02-10-2008 10:43 AM

عادة لما تكون دايس الزرار ده بيقلل كمية الهواء اللي بيسحبها التكييف من برة السيارة انا معرفش النسب كام بالظبط بس ممكن تقول 25 % هوء جديد و 75 % هواء داخلي و ده بيزود كفائة التكييف في حالة الجو الحار جداً جداً