الموضوع: مساعدة لمعرفة التكيف المناسب

المشاركة الأصلية كتبت بواسطة Sherif Khalifa

بفكر فى تكيف 1,5 HP

طيب ليه هتجيب تكييف HP ؟ ليه مفكرتش فى تكييف DELL أو IBM؟

ننتقل للكلام الجد، بص لو الغرفة فيها اكتر من حيطة واحدة معرضة للشمس (يعنى حيطة خارجية وليست فواصل مع غرفة اخرى او جار، وانت دور عالى بتطوله الشمس ولا تحجبه حوائط العمارات المقابلة)

او لو فيها حيطة واحدة معرضة للشمس لكن غربية(يعنى الشمس بتضرب فيها من 12 الضهر لحد 8 بالليل، وبرضه لا تحجبه حوائط العمارات المقابلة)

او لو انت آخر دور وفوقك سطح مكشوف

فى كل هذة الحالات ال 1.5 مش هيسد معاك

وعموما تقدر تختبر ده اختبار بسيط جدا، بعد ما تهوى الغرفة صباحا اقفلها وضلمها وتعال الساعة 3 العصر وحط ايدك على الحيطان وشوف كام حيطة سخنةيعنى ملمس الحيطة اكثر سخونة من ملممس اى جزء آخر فى الغرفة، سرير، دولاب ، الخ) ، لو اكتر من حيطة واحدة يبقى بلاش 1.5 وانصحك بال2 فأكثر

ولو انت خيارات مفتوحة بالنسبة للتكييف انصحك بشارب العربى،

ولو عندك لمبات عادية فى الغرفة غيرها بلمبات نيون او لمبات موفرة للطاقة، لأن اللمبات العادية تشكل حمل حرارى لا لازم له على التكييف

محدثكم سبعاوى(مشروع تخرج تبريد وتكييف من 13 سنة:biggrinjester: )

شكرا يا جماعة على الردود

انا عارف ان 1.5 ضعيف نوعا ما بس المشكلة انى مرتبط بعوامل مادية
الفرق فى السبليت بين 1.5 و ال 2.25 كبير جدا

بالنسبة للحوائط ,الغرفة غربية و حيطة واحدة بس معرضة للشمس وقت الغروب

انا حجزت وايت ويستنج هوس
حد عندة فكرة كويس ولا لا
علان الكارير و الكرافت مسحوبين من السوق الايام و مش متوفرين كتير عند شركة الشمس

انا مع سبعاوى فى موضوع شارب دة

مع ان كل تكييفات بيتنا كاريير بس شارب احسن كمان و لسه مركبينه عند اختى و فعلا كفاءته عالية جداا و احسن من الشباك 1.5 كاريير اللى عندنا كمان

شارب مفيش منة 1.5 سبليت (على ما اعتقد)
على العموم انا حجزت خلاص الويت وستنج هوس

اتمنى يطلع كويس

طيب ليه حضرتك ما فكرتش في الشباك بدل من الأسبليت طالما ان ان الإختيارات مرتبطة بالسعر
انت ممكن تشتري تكييف بقدرة اعلي بحيث انك تضمن كفاءة تشغيل عالية و يكون شباك و النهاردة الشباك مش زي زمان بالعكس النهاردة تكييفات شارب الشباك هادية جدا و ما تسمعش صوته وهو شغال

حضرتك انا عندي كاريير و شارب و أخيرا يورك

اذا كنت مهتم باستهلاك الكهرباء فهو شارب بلا منازع (جهاز تحفة) بس للأسف الـ1,5 مش متوافر

الكاريير ال 1,5 شكله كويس و لا يعيبه شيء (بس تقفيله مش قد كده)

يورك ..بصراحة هو صوته عالي شويه بس تبريد قاااااااااااااااااااااااا ااااتل

كفائة مذهلة و قدرة على تبريد غرفة 15 متر بها أثاث بسيط بقوة فائقه

لاحظ ان كارير و شارب برضه محترمين

ويستنجهاوس و تراين مشهورين بالكفاءات في الأحصنة العالية أكثر

ارشح لك يورك York هو صيني على فكرة و ضمانه خمس سنوات على الكومبريسور و سنة على وحدة التوزيع

نصيحة بقى لو جبت أي تكييف (اطلب وصلات النحاس بتاعة شارب اولا لأنها 5 متر و معدنها و عزلها أنظف منهم كلهم) و هيا ممكن تزود السعر بتاع 100 جنيه

يورك تمنه 3100
كاريير تمنه 2950
شارب 3 الاف وحاجة بس مش موجود فا ماهتمتش