سيب العربيه فى الشمس طول اليوم
عرض للطباعة
سيب العربيه فى الشمس طول اليوم
طيب عجينة الصراصير تمشي?
اولاً احمد ربنا انهم صراصير مش فيران مستخبيه في العربية
تانياً عاوزك تفك الكنبة الورانية وتكنس تحتها هتلاقيها هيا. اس. الفساد. وتحتها بقايا اكل قااااد كده وحلويات وشيكولاتات وياسلام لو تنزل مكنسة وتكنس تحتها بالمكنسة. واكنس كويس تحت الكراسي. وتحت الاستيبن الي في الشنطة .... وبعد الكنس علبت بيف باف رش مش مبودرة. .... رش العربية واقفلها وتاني يوم. افتحها وهيوها وسلامتك على كده
ربنا يكون في عونك
الموضوع ده مقرف قوي ، ربنا يقويك و تتحل ان شاء الله علي خير
والله يا جماعة انا متشكر جدا علي مساعدتكم ليا و الافكار الحلوة بتاعتكم.. بس انا حابب اقولكم انا توصلت لايه...
طبعا انا رشيت امبارح و طلعت 8 صراصير .... و رشيت تاني برده يعني خلصت امبارح علبتين واحدة بايجون و واحدة اكسون --- و سيبت العربية و مرحتش بيها الشغل انهاردة... المهم نزلت بليل انهاردة الساعة 8 كدة و قولت هبدأ الجولة التانية ... كنت جايب ونا جاي من الشغل عليبة رش بايجون و عجينة صراصير من فتح الله ماركت في سموحة.... المهم اول ما فتحت العربية انهاردة علشان خطة نسر 2 ! لقيت 16 صرصار في جميع انحاء العربية و مدروخين علي الاخر .. المهم شلتهم برة العربية خالص .. و بعدين بدأت ارش في كل حتة في العربية تاني وبعد كدة حطيت 15 قرص عجين في جميع انحاء العربيةو روحت مدور العربية ربع ساعة كدة علشان الصراصير متهربش للكبوت ... وقفلت العربية و قلت هسيبها كدة يومين و هشوف النتيجة .. طبعا لو النتيجة كويسة هاخد العربية بعد كدة علي بنزينة او كار كير اليفها من جوة ... كدة اجمالي الصراصير اللي طلعو من امبارح حوالي 25 تفتكرو ممكن يكون في مثلا ارقام تانية زي دي ولا كدة بيفنشو خلاص...؟؟؟؟
دعواتكم معايا بقي و اسف علي الاطالة
ربنا يكون في عونك .. حوار رخم أوي فعلا ومقرف .. بس أنا أنصحك تعمل أي حل من اللي اقترحوه عليك الأعضاء وخصوصا انك تشيل الكنبه الورانيه وتنظف تحتها , وتكنس تحت الكراسي كويس وشوف كمان لو الدرج الأمامي اللي قدام الراكب اللي جنب السواق فيه أي حاجه كده شيلها واكنس ونظف , وكمان ضروري تفضي شنطة العربيه خالص وترشها .. لأن ممكن تكون هي اللي فيها زباله أو حاجات مش نضيفه جايبالك ده كله , وفي حاجه كمان , انت ممكن تودي العربيه المغسله وتخليهم يغسلولك الماتور بالجاز , عشان لو كان في مكان مثلا في الكبوت محوش صراصير ينتهى الموضوع ده .
ولو مااتحلتش بعد كل ده .. أعتقد بقى ماقدامكش غير انك فعلا توديها كار كير ويغسلوهالك من جوه بالكامل كيماوي .
يارب تنتهي مشكلتك على خير .. وياريت تبقى تبلغنا عملت ايه .
بالتوفيق ان شاء الله
ان شاء الله تتحل المشكله دي بسرعه