الموضوع: برجاء المساعدة من اهل الخبرة

السلام عليكم ورحمة الله

انا مقبل بإذن الله في خلال الاسبوع دة على شراء سيارة هيونداي ماتريكس الموديل تقريبا هيكون بإذن الله 2006-2005 .



وانا بصراحة دي اول عربية اجيبها وجاهل تمااااااااماااااااا في موضوع العربيات دة ,


فكنت عايز اعرف اية اول حاجة اعملها لما استلم العربية مهما كانت الحالة اللي هي عليها يعني الحاجات الاساسية اللي المفروض اغيرها واسعارهم اية .


وهل اغيرهم في التوكيل ولا عند ميكانيكي برة احسن ؟

اسف للاطالة بس اعذروني موضوع القلق اني هجيب عربية وانا مش عارف حاجة فيها دة صعب اويي

المشاركة الأصلية كتبت بواسطة mem

انصحك اول مره تروح التوكيل قبل الشراء علشان يكشف لك على العربية ويقولك ايه عيوبها علشان مش تدفع فلوس وتدبس فى العربية
واشرط على اللى ها تشترى منه انك ها تكشف على العربية فى التوكيل لو طلع فيها حاجه انت اللى ها تشيل ثمن التوكيل
طلع ما فيهاش حاجة انا اللى هدفع وتبقى كده اطمنت على حالة العربية انها كويسة من اهل الخبره
وبعدين اول حاجة تعملها تغيير زيت الموتور والفلتر بتاع الزيت
ولو اوتوماتيك تغيير زيت الفتييس وتطمن على زيت الباور والفرامل والسيور
دول اهم حاجه وتربط العفشة

متشكر جدا هي العربية فعلا ان شاء الله هتكون اوتوماتيك
اسف لو بتقل عليك الليلة دي تتكلف كام وتاخد وقت قد اية