مشكلة كبيرة مع عربيتى a113

**Eng_Mostafa_89** · 02-10-2012 09:52 PM

المشاركة الأصلية كتبت بواسطة amr_8800

والله يا باشا احنا عندنا عربيتين والاتنين صيانتهم في التوكيل واحده لغاية 60000 والتانيه 100000 وعمري مسمعت عن موضوع الشهور ده خالص
اصل بالعقل يعني عربيه قعدت اكتر من 6 شهور قعدت 8 شهور مثلا ومعملتش 5000 يعني تقريبا مبتمشيش هتحتاج صيانه في ايه
الحاجه الوحيده الي هتحتاج صيانه فيها هي بعد سنه هتنزل الزيت حتى لو ممشتش عليه بس
لا متقنعنيش انها هتكون محتاجه تغغير فلاتر او غيرو من الي بيتعمل في الصيانه
عشان ببساطه هي مبتمشيش اصلا

يعني انت عايز تقول ان حتى لو مبمشيش بالعربيه وعدى عليها اربع سنين مثلا انا معملتش فيهم اكتر من 10000 كيلو هروح اعمل صيانه ال 50000 واغير سير كتينه
مش مقتنع بالكلام ده انا

بص يا باشا هى المشكلة فعلا بتكون فى الزيوت وخاصة زيت الموتور والمعلومة اللى اول مرة اعرفها برضوا ان كدة البنزين كمان فى الفترة دى هو او السولار بيبقى ابتدى يتحلل وممكن يعمل مشاكل فى العربية لو دارت

حضرتك فى التوكيل يبيقى موجود جدول بالصيانات الدورة وبنودها ومواعدها يبيقى مكتوب شرط تحت ان مثلا الصيانة كل 5000 كيلو متر او 6 شهور ايهم اقرب
ممكن حضرتك لما تروح التوكيل تطلب الورقة دى بس مش عارف هينفع يدوهالك او لا

**Eng_Mostafa_89** · 02-10-2012 09:56 PM

المشاركة الأصلية كتبت بواسطة sostaa

والله على قد ما بقدر بشيل رجلى وانا اصلا ممشتش بيها كتيير

اول مرة غيرت فيها الدبرياج قالى مش هتدفعى حاجة دى علينا عشان كان عيب صناعة

الدبرياج عالى عايز يوطى

طيب ولما صلحوا العربية ظبطوا مشوار دواسة الدبرياج ولا كانت زى مهى ؟

**sostaa** · 02-10-2012 09:57 PM

هوا فعلا مكتوب كدة فى كتاب الصيانة بتاع العربية انو كل 3 شهور او 5000 ايهما اقرب بس هوا قالى بما انى مش بمشى بيها كتير خليها كل 6 شهور

**sostaa** · 02-10-2012 09:58 PM

لا زاى ماهى مظبطوش حاجة

**Eng_Mostafa_89** · 02-10-2012 10:41 PM

يبقى كدة عليكى وعلى التوكيل جرررررررررررررى
وتحاولى تخدى حقك بالذوق او بالعافية
التوكيل رفض التفاهم يبقى عليكى وعلى حماية المستهلك
غالبا التوكيل هيخاف من حماية المستهلك لانة كان لسة لية مشكلة معاهم وكان هيقفلولوا التوكيل لمدة 6 شهور بسبب سوء بعض قطع الغيار للاسف الوقف متنفذش

**aftr** · 02-10-2012 11:54 PM

بجد الله يكون فى عونك بس الاسلوب بتاع حضرتك مينفعش مع الاشكال دى وبعدين العربيه لسه زيرو انا معايه m11 بقالها 3 سنين ولسه مغير لوحه عدادت عشان انذار الامان ولسه فى علبه دريكسيون كل ده تابع الضمان من غير ولا جنيه وكده داخل على شهر وعلبه الدريكسيون لسه ماوصلتش انا فاضل 20 الف كيلو واخرج بره الضمان بس قولت اغير الحجات دى وبعد كده مش محتاج اشوف وش الضمان ولا التوكيل --- حضرتك شوفى اى واحد قريب لحضرتك يدخل فيهم شمال --- معلش سؤال حضرتك الصيانه فى اى فرع --- جربى فرع جسر السويس كويس

**bassemali** · 03-10-2012 12:37 AM

روحي لهم ويصلحوها غصب عنهم من غير ولا مليم .... وأتأكدي من الدبرياج بعد كده .... يعني خلي حد عنده خبره ف السواقه يجرب العربيه بعد كده أو روحي لمكانيكي تبع حد تعرفيه يجربهالك بس ولو قالك فيها حاجه ماتخليهوش يمد أيده فيها روحي بيها عليهم تاني.

**sostaa** · 03-10-2012 12:56 AM

ربنا يسترها ويسهلها ويحنن قلوبهم شوية
انا برو ح تكنو سيرفيس 2

**Land_Cruiser** · 03-10-2012 01:12 AM

لو حضرتك معرفتيش تتخانقى مع تكنو سرفيس ٢ يبقى حضرتك حاولى تروحى تكنو سرفيس اللى فى جسر السويس و قوليلهم على المشاكل اللى فى العربيه بدون ما تفتحى معاهم موضوع المركز اللى حضرتك روحتيله قبل كده و كأن العربيه عملتها فيكى و انت ماشيه بيها و اعرفى منهم إيه المشكله و العلاج و طبعا خدى معاكى كتاب الضمان ولو اتكلموا معاكى اطلبى مدير الصيانه و هدديهم بجهاز حمايه حقوق المستهلك. على فكره لو حتى كنت اتعلمتى على العربيه دى مفيش اى عربيه فى الدنيا زيرو بتجيب ديسك و اسطوانه فى الفين كيلو أبدا و لذلك فهناك احتمالين :- أما أن ده عيب صناعه و بالتالى فالضمان يغطيه أو أن اللى كشف على العربيه شخص العطل غلط و المشكله سببها حاجه تانيه و لذلك فالاحسن تروحى مركز صيانه تانى بس زى ما قلتلك ما تتكلميش عن اللى حصل فى تكنو سرفيس ٢ علشان ما يقولوكيش نفس كلامهم وبالتوفيق و أبقى طمنينا

**M_SALLAM** · 03-10-2012 01:18 AM

حاجة غريبة جدا و بعدين اصلا حقك العربية تتغير بالكامل لأن القانون بيقول ان العربية طالما لسة زيرو و حصل مشكلة و تم تغيير قطعة الغيار و نفس المشكلة حصلت تانى خلال فترة قصيرة ان تمن العربية يرد للعميل بالكامل او يبدلوله العربية بعربية تانية خالص ..

و فعلا هو دة نظـــــــــــــــام توحـــــــــــــة النصاب اللى سوق لسيارات اسبرانزا و هو فى السجن اساسا .
اطلعى على التوكيل و خليهم يغيروا ديسك و اسطوانة و لو حد قالك فى فلوس قوليله مش دافعة ولا مليم و هديدهم بحماية المستهلك لأن حرام عربية تغير ديسك و اسطوانة فى اول 1000 كيلو و ترجع تغيرهم تانى فى الـــــــــ 2000 ليــــــــــــــــه هى كل 1000 كيلو عاوزة ديسك و اسطوانة دة كدة هبل رسمى فاهمنى ناظمى فاوزى لطفى !!

الموضوع: مشكلة كبيرة مع عربيتى a113

LinkBack

أدوات الموضوع

عرض

-

-

-

-

المواضيع المتشابهه

مشكلة كبيرة في a11

سؤال محيرنى فى عربيتى a113 الجديدة ارجو الافااااااااااااادة

مشكلة كبيرة ياجماعة

مشكلة كبيرة

مشكلة كبيرة :(

الكلمات الدلالية لهذا الموضوع

المفضلات

المفضلات

ضوابط المشاركة