نوبيرا 2008

**Badrowi** · 05-07-2008 09:09 AM

تانك النوبيرا
اول شرطة 10 لتر
تانى شرطة 10 لتر
تالت شرطة 20 لتر
رابع شرطة 20 لتر ولكن هنا المؤشر بيعدى اخر شرطة للاخر
هل ده صحيح

تانى موضوع
انا كنت ماشى فى الاسكندرية وفى وسط الزحمة اللى انا مش متعود عليها هناك طلعت فوق الرصيف بالعجلة الامامية يمين
لجزء من الثانية ونزلت بسرعه وكنت على سرعة 60 كم وحسيت بهبدة جامدة
ساعت الخبطة وديتها لميكانيكى نزل تحتها وكشف علي المساعد والمقصات والجلب والبيض على حسب طلبى وملقاش حاجة وربط العفشة ولقاها مربوطة تمام
وطلع جربها معايا وقالى مفيهاش مشكلة
السؤال بيقول هل الخبطة دى ممكن تأثر على السيارة او المساعد على وجه الخصوص

**Strong** · 05-07-2008 03:26 PM

بالنسبة لمؤشر التنك المؤشر غير منتظم زي اللانوس عندي أول شرطة ممكن تكون 17 لتر علشان باملى التنك بالماسورة وبعدين 10 و 10 واخر شرطة 15

وبالنسبة للخبطة أولا الحمد لله انها جت بسيطة ثانيا ان طالما مسببتش كسر في حاجة يبقى الحمد لله جت بسيطة ولو كان فيه مشكلة كنت هتلاقي العربية مش متزنة وبتحود يمين او شمال وحدها .

واعتقد كمان ان حضرتك مطلعتش على الرصيف ولا حاجة ممكن تكون العربية طلعت فوق حجر او حاجة عالية قبل الرصيف علشان لو كان حصل كده لا قدر الله كان الكاويتش هيفرقع والجنط هيتعوج والعربية مش هتطلع.

ولو فرضا لا قدر الله في مشكلة في المساعد دي متبقاش مشكلة دي حاجة بسيطة عشان ممكن تجيب غيره وهو رخيص ومش هيفرق حاجة في العربية ، بس اهم حاجة ان الحمد لله جت بسيطة ومفيش تأثير على الشاسيه والكبوت.