عربيتك ماشاء الله واسعة و اعطالها ولا حاجة اذا كان عالشنطة هاتلك شبكة شيك من اللي بتتحط عالسقف تركبها وقت اللزوم و شكرا على كده
عرض للطباعة
مش عارف حاسس اني مش مع الفكرة دي
والله اعلم ..
بيع
وأنا شاري
بس مش عايزين دبح ههههه
يا محمد الفكيترا 2009 2008 دي فيكترا C وفعلاالعربه دي اعطالها كتير كمان مش منتشره لكن انا بفكر في الفيكتر الشيب القديم B دي اعطالها اقل بكتير وكمان قطع غيارها منتشره نوعا ما هي عجباني من زمان صراحه انا متردد برده عموما في وحده قدامي احتمال كبير انزل اشوفها بكره و ربنا يسهل
سنهوري باشا طيب ايه رأيك ابيعها واجيب sir على ضمانتك :)
يا باشا على 100 ضمانتي بس الاول تعرف انت عايز تغيير عربيتك ليه و ايه اللي مدايقك فيها و ايه اللي انت عايزه من العربية اللي حتجيبها عايز جري و شد و لا عايز تكبر الحجم بس ولا عايز تسيب الاوتو و تركب مانيوال , اصل اللي يفكر في ال SiR لازم يكون عارف هو عايز ايه
ٍٍSiR يعني عربية شبابية عائلية بتاعة شد و حرق و سفر و محدش حيطلع منك الا عربيات قليلة جدا انا نفسي مقابلنيش حد طلع مني بس اكيد في بس انا حظي حلو اني موقعتش في ايد M3 و لا ايفو
بس انا شايف انك لو عايز تغير و تجيب حاجة اكبر عليك و عالتيدا عربية ممتازة
مناعارف طبعا ان الsir اللي يجبها لازم يكون عاوزها مش جايبها بالصدفه :)
وانا بحب الهوندا جدا بس انا صراحه عاوز حته الماني بقه تقعد مع الواحد
التيدا حلوه اوي بس بطه كده :) مش شبابي وكمان احنا معانا صني 2008 كفايه وحده نيسان عاوزين ننوع بقه وكمان هتبقى غاليه انا عاوز حاجه مدفعش فلوس يعني تكون نفس رينج عربيتي او ارخص يبقى تمام :)
بص يا باميا يا عزيزي مدام فكرت البيع مشع شعه في دماغك كده اليومين دول عاوزك توقف جمب العربية وتبص على جنبك الشمال وتتف تالت مرات وتقرى قل اعوز برب الفلق تالت مرات وانت مره حاطط ايدك فوق الكبوت ومره فوق السقف ومره على باب الشنطة من ورى
لان احيانا يكون حد نشك عين في العربية كرهك فيها. .... واستهدى بالله كده واعرف ان انتا معاك جوهرة متفرطش فيها علشان مترجعش بعدين تقول ياريتني ما تهورت وطلقتها .... دي كانت ماشية وزي الفل الي انا عملتو ده والمثل بيقولك ايه عربية في الايد ولا الف في المعرض
@@@@@@@
وتحياتي ليك يا غالي