عرض للطباعة
السلام عليكم
سؤال لخبراء الفوانيس و العدسات
و انا بنضف الفانوس لقيت ورا العدسه وش حديد زى ما هوا واضح فى الصوره
http://img267.imageshack.us/img267/5...10700088wv.jpg
حد عنده فكره فايدته ايه خصوصا ان الضوء عندى اساساً ضعيف و بالمنظر ده انا حاسس ان 50% من قوه الاضاءه بتتصد فى الوش الحديد ده قبل ما الضوء يوصل للعدسه لان اللمبه بتركب وراه بعدين الوش الحديد و فى الاخر العدسه
ايه رايكوا اشيله و الاضاءه هاتكون أحسن ولا ايه ؟
هوا من شكلوا كدا والله اعلم علي حسب ما فهمت من شرح حضرتك دا اللي بيحدد النور يبقا علي الارض بس يعني لو شيلتو هيبقا كانك مشغل النور العالي هيبقا ضارب في السما ولو العدسة عالي وواطي يبقا دا اللي بيفتح مجال للنور العالي لما يتفتح ولما يتقفل يبقى الواطي وبردو خبراء الفواني يفيدوك عني كتيييييييييييير كان لازم افتي مصري بقا :]
هى مش فتوى ده تقريبا صحيح لأن الجزء ده موجود لتوزيع الإضاءه وفى نفس الوقت يعكس جزء كبير منها الى العدسه لإعاده نشر وتوزيع الإضاءه وبطريقه محسوبه لإعاده توجيهها الى الأمام مره اخرى ... وفق تلك المنظومه فى حال ازاله احداها يؤدى الى تشتت الإضاءه ... ولكن مشكله ان النور عندن ضعيف ده سببه اشياء اخرى مثل ضعف اللمبات اساسا اوعدم وجود كتاوت تقويه اوصنفره وش الفانوس او القمره الداخليه مغبشه او فقدت لمعتها لسبب او لآخر .... الخ . وتحياتى .
العدسه اللي عندك دي عالي و واطي والحديدة دي المسئولة عن تحديد مقدار النور الخارج من العدسه ولو شلتها هتبقى كدا ماشي بنور عالي بس :0002014a:
والنور عندك ضعيف علشان اللمبه ضعيفه قلنا هيا كام وات ؟؟
اولا شكرا على الردود و الاستجابه السريعه
ثانيا احب ارد على كل اسئلتكوا و اهو كله افاده لينا و لزوار المنتدى و ادينا بنتعلم
يا جماعه انا تقريبا قريت كل المواضيع الخاصه بتظبيط اضاءه الفوانيس و تنضيفها واحب اقولكوا
1 - الفوانيس كانت متبهدله و وروحت لواحد لمعهم و عملهم بوليش ورجع وش الفانوس زي الجديد بالظبط
2 - كنت مركب زينون و علبه الفانوس من ورا كانت مفتوحه و الفانوس حوش غبار و تراب ردمت المرايا
3 - شلت الزينون و غسلت الفانوس من جوه بالميه و الكريستاله لمعتها ظبطت شويه لكن مش زى الاول
4 - جبت لمب الماني هالوجين ضوء ابيض 55 وات
5 - وانا بركبهم اكتشفت موضوع الوش الحديد ده و اتجننت و من ساعتها مش عارف اعمل ايه خصوصا ان الضوء ضعيف
6 - العدسه موجوده على الواطي بس ذى اللى ظاهر فى الصوره , العالي مفيش عليه عدسه
7 - مفيش كتاوت
8 - احب اعرفكوا ان الوش الحديد ده مكانه تحت اساس يعنى اعتقد ان الضوء بيعدي من فوقيه للعدسه
الجزء ده بيحدد النور و بيدى الاضاءة الخارجة من العدسة الشكل المناسب على حسب البلد لو كانت دركسيون شمال او يمين بيختلف شكل الحديدة دى , و فى منها بيكون متحرك عشان تقلب عالى و واطى بس طبعا العاكس فى الحالة دى لازم تصميمه يدى اضاءة كافية انها تكون نور عالى يعتمد عليه
لو شيلت القطعة دى كانك فاتح العالى , حتضايق العربيات القدامك و مش حتقدر ترجعها تانى غير لما تفك الكشفات
كلامك صح يا محمد انا فعلا لقيت نفس الكلام فى موقع اجنبي بس متاكد لو شلتها هيبقى كانى مشغل العالي