إستلمت اللوجان الحمد لله ....... ولكن !!!!!!

**mohamed.fouad** · 02-10-2012 08:53 PM

الحمد لله إستلمت العربية اللوجان مانيوال فول اوبشن والعربية جميلة وممتازة ولكن وجدت ما افسد فرحتى بيها وهو انى لقيت العربية بتنتش مع التكيف والفريون ضعيف كمان .... حد عنده فكرة عن الموضوع ده وهل ده طبيعى عشان فى التليين ؟

**titoelnakep** · 02-10-2012 09:11 PM

الف مبروك يا باشا وان شاء الله ربنا يديك خيرها ويكفيك شرها واكيد وحوش اللوجان هيفيدوك عن سوالك

بس لو تسمح تقولنا انت استلامتها منين من التوكيل ولا موزع برة ؟؟؟

**korkor** · 02-10-2012 09:53 PM

المشاركة الأصلية كتبت بواسطة mohamed.fouad

الحمد لله إستلمت العربية اللوجان مانيوال فول اوبشن والعربية جميلة وممتازة ولكن وجدت ما افسد فرحتى بيها وهو انى لقيت العربية بتنتش مع التكيف والفريون ضعيف كمان .... حد عنده فكرة عن الموضوع ده وهل ده طبيعى عشان فى التليين ؟

مبروك ياباشا ده الطبيعى بتاع تكييف الرينو اول مابتجيبها , بتروح التوكيل وبيعملوها فى خمس دقائق جنبك فى العبور وبعد كده قابل السقعه ان شاء الله

الا صحيح جبتها لونها ايه

**blackhorse123** · 02-10-2012 10:57 PM

ياعم ما تقلقش المشكله بسيطه بيظبطوا ضغط الفريون فى التوكيل لا تقلق

**محمد جلال** · 02-10-2012 11:42 PM

الف مبروك ربنا يديك خيرها ويكفيك شرها انشاء الله بسيطة والتوكيل يضبطها الف مبروك .

**amr.elsayed** · 02-10-2012 11:53 PM

مبروووك وربنا يعطيك خيرها ويكفيك شرها

**mohamed.fouad** · 03-10-2012 01:04 PM

شكراً ياجماعة والله يبارك فيكم جميعاً ..... أنا إستلمت العربية من موزع اسمه الطارق فى العجوزة والعربية موجودة عندهه للى عايز بس معاملته دون المستوى بصراحة حاجة صعبة .

باشمهندس محمد الله يبارك فيك ياكبير انا جيبت العربية لون فيرانى .. هى عربيتك لونها ايه صحيح ؟