البطارية اتسرقت

**wael abbass** · 05-07-2008 09:36 AM

امبارح كنت قي شارع احمد عرابي المهنديسسن دخلت سوبر مركت ابو زكري لمدة ساعة تقريبا رجعت لقيت البطارية اتسرقت المهم اعمل اية عشان دة ميحصلش تاني
في ناس قلولي اركب انذار وفي ناس قلولي اعمل قفص حديد علي البطارية ياريت اعرق رايكم للاهمية وشكرا
العربية 128 نوفا

**shoudy2005** · 05-07-2008 10:50 AM

معقولة الجرأة للدرجادى على العموم ركب طبعآ انذار و سنتر لو العربية مفيهاش سنتر هو ده الحل العملى

**Akram** · 05-07-2008 09:03 PM

معروف ان كبوت الـ 128 سهل الفتح ,
أفضل حاجة ركب انذار لأنه حماية للعربية عموماً و كمان ركب حزام حديدي للبطارية .

**madawbs** · 06-07-2008 09:41 AM

حكاية السرقة دى زادت قوى اليومين دول البطارية والاستبن وفيه ناس اصحابى اتسرق منهم الاربع فرد كاوتش وفين فى مصر الجديدة .... اكيد فيه حاجة غلط هل معقول مافيش اى عسكرى كان معدى ولا خلاص الحرامية دول مابقاش يفرق معاهم حاجة ربنا يستر

بالمناسبة لما تركب انزار خليه يركبلك سينسور فى الشنطة والكبوت علشان يزمر لما يتفتحوا لان فيه ناس كتير وهى بتركب الانزار بتطنش الشنطة والكبوت

**wael abbass** · 06-07-2008 09:42 AM

اشكركم علي الرد
يا ريت لو في ردود اكثر الاستفادة
بالنسبة للحزام الحديد السمكري قلي هيلحمة في حوض الماتور فهل هذا صح ام خطا يعني هيبقي عيب في العربية عندالبيع مثلا
وشكرا

**madawbs** · 07-07-2008 12:52 PM

اى حاجة فى حوض العربية بالذات لو لحامات بتخوف الى بيشترى

**wael abbass** · 07-07-2008 02:31 PM

المشاركة الأصلية كتبت بواسطة madawbs

حكاية السرقة دى زادت قوى اليومين دول البطارية والاستبن وفيه ناس اصحابى اتسرق منهم الاربع فرد كاوتش وفين فى مصر الجديدة .... اكيد فيه حاجة غلط هل معقول مافيش اى عسكرى كان معدى ولا خلاص الحرامية دول مابقاش يفرق معاهم حاجة ربنا يستر

بالمناسبة لما تركب انزار خليه يركبلك سينسور فى الشنطة والكبوت علشان يزمر لما يتفتحوا لان فيه ناس كتير وهى بتركب الانزار بتطنش الشنطة والكبوت

اشكرك علي ردك هو فعلا انا هعمل انذار في الشنطة الكبوت الا يرضة من شهر تقريبا شطنة العربية افتحت واتسرق منها طافة الحريق مش عارف الواحد يعمل اية اعينلها بدي جرد

**wael abbass** · 10-07-2008 12:12 PM

ممكن يا جماعة لو حد معاة 128 ومركبلها انذار يقلي تقريبا اتكلف اد اية وهل يوجد بة مشاكل ولا لا
ولو عندة نصيحة يصحالي قيل تركيب الانذار يقلهالي
وفي رايكم اركب جهاز انذار و سنتر ولا انذار بس عشان انتم عارفبن 128 مش مجهزة لكدة تفاديا للمشاكل