اسعار الحاجات اللي اشتريتها ل 128 من ساعة ما اشتريتها

اما اشتريت العربية من شهر تقريبا اللي اشتريتها منه قالي مفيهاش اي مصاريف غير الكبالن بس كل ما امشي يطلع لي حاجة ودي الحاجات اللي عملتها لحد النهاردة :( هو انا كده اتضحك عليا ؟ ولا ده عادي في المستعمل ؟

كوتشتين منافيخ 15 جنية الواحدة
تيل فرامل خلفي 60جنيه
مصنعية 100 جنيه
كبالن ايطالي 200
سير تقسيمة ورومان بلي امامي حوالي 170
زيت 10 الاف تقريبا 70
زيت لعصاية الدبرياش حوالي 25
زيت فرامل 30
كوتشة لحوض البنزين لانها كانت بتسرب 20
مصنعية 120
رفع العربية من ورا عن العفشجي 80
اكسسوارات الفبر اللي بيكون فوق العجل لونه اسود والكاوتش للي ورا العجل
90
مصنعية تركيب 40
طاسات للعجل 60 جنيه
مراية لنصف العربية 25ومرايات جديدة للجنب حوالي 60
مصنعية تركيب وظبط قفل الباب 40
شدادات موتور 65
مصنعية 15

لو اتضحك عليا قولوا يعني عادي:majd(4):

لا عادي خالص

دا العادى لو اتضحك عليك هتعمل مرمه فى الصاج او هتغير جوز مساعدين او تغير الشكمان او الفتيس او الماتور لكن كل دا فى العادى جدا

عادى

طالما اشتريت عربية مستعملة توقع انك تلاقي حاجات من دي لان معظم اللي بيبيعوا بيهملوا في عربياتهم في الفترة الأخيرة قبل ما يبيعوها علشان ما بيصرفوش عليها ...... بس ايه الزيت اللي انت قايل عليه ده (زيت 10 الاف تقريبا 70 )
ده زيت نوعه ايه ؟ لاني حاسس انه رخيص جدا ..... أنا كنت باحط في عربيتي ال127 زيت موبيل دلفاك 2000 كيلو وكان سعره اغلي من كده علي ما أتذكر ....... وحاول بعد كده تفاصل مع الصنايعية ما تاخدش كلامهم انه كلام نهائي .......